شكراً على التقييم و النصيحة
رقم العضوية : 198
تاريخ التسجيل : 25Apr2007
المشاركات : 2,429
النوع : ذكر
الحالة :
اولا العربيه موديل 2009 مانيوال كورى وليست التجميع المصرى .
ثانيا العربيه خاصه بحمايا واشتريناها فى شهر اغسطس اللى فات وعامله 1200 كم حتى الان .
ثالثا بالنسبه للشكل الخارجى وكما هو مبين فى الكاتالوج الخاص بالعربيه طول العربيه حوالى 4 متر و31 سنتيمتر وعرضها متر و71 سنتيمتر والارتفاع الاجمالى اللى هوا من اخر نقطه فى السقف لغايه الارض حوالى متر ونصف تقريبا .
رابعا بالنسبه للشكل الخارجى فطبعا شكلها مميز من بره وتعرفها وهيا جايه من بعيد والفوانيس الاماميه كريستال شفاف شكلهم احلى بكتير من الشكل القديم بتاعها والفوانيس الخلفيه كبيره واضائتها قويه وبرضه شكلها احلى من فوانيس الشكل اللى قبلها والاكصدام الخلفى بارز لبره من تحت الفوانيس الخلفيه وبطول الشنطه حتى ان ممكن واحد يقعد عليه وطبعا كده الواحد بعد اسبوعين تلاته يروح يشترى اكصدام جديد بدل اللى هايتكسر من قعده الناس عليه :D,بالنسبه للمقابض فهيا فبر وشكلها مش حلو كان المفروض نزلوها نيكل او نوع تانى انضف وملمسها خشن مش ناعم ومش بتيجى بلون العربيه هيا والمرايات ,العربيه وانتا واقف جنبها بره تحس انها عاليه جدااااااااااا بشكل ينرفز وهيا فعلا بسبب كده مابتحكش فى اى مطب نهائى .
خامسا بالنسبه للشكل الداخلى فالتابلوه يعتبر كويس نوعا ما والعدادات شكلها حلو واضائتها بالليل شكلها جميل بس فيه مشكله جامده جدااا فى تصميم العدادات وتصميم الدريكسيون لان طوال القامه زى حالاتى هيلاقوا ان الدركسيون مخبى حوالى نصف العدادات يعنى مش هاتشوف الاشارات يمين وشمال ومش هاتشوف عداد السرعه عامل كام من بعد علامه 80 كم ومش هاتشوف عداد ال الار بى ام بعد علامه ال 2000 لفه وطبعا مفيش غير حل واحد وهوا انك توطى راسك كل شويه علشان تعرف انت ماشى على سرعه كام وعلشان تشوف انت مدى اشاره ولا لا وده عيب كبير جداا فى اى عربيه وطبعا وللاسف الدريكسيون ثابت فى مكانه وماينفعش انك تغير وضعيته وملمسه سىء واول ما تشترى العربيه لازم تشترى غطاء جلد للدريكسيون علشان ايدك تستريح وبالمثل الكلام ينطبق على الفتيس اللى هوا كمان ملمسه خشن ومش مقبول وبالنظر الى التابلوه هتلاقى انهم حاطين مكان اشاره الانتظار فى مكان غبى جدااا بعيد عن السائق وجنب الراكب الامامى وكان من الافضل انهم يحطوها تحت فتحات التكييف اللى فى النصف وبالنسبه للتابلوه فالدرج مش كبير ومايخدش حاجات كتيره وتحس انه ضيق وتحت التكييف فى الكونسول الاوسط فتحه صغيره كده علشان تحط فيها الموبايل او النظاره بس للاسف مش هاتستخدمها اذا كنت فاتح حامل المشروبات اللى تحت التكييف يعنى هما بيدوك اختيار واحد فى العربيه ياتشرب حاجه يا تعين الموبايل او النظاره وبالنسبه لابعاد العربيه فهيا صعب انك تحفظها بسرعه وهاتخد معاك وقت علشان طبعا مش هاتشوف الكبوت ولا الشنطه خالص ولما جيت اجيبلها سبويلر للشنطه علشان نعرف نحدد ابعادها من ورا لقيت للاسف مفيش ليها اسبويلر على مقاسه لان طول الشنطه قصير جدا وبالنسبه لمساحات التخزين فى البابين اللى قدام مقبوله وواسعه نوعا ما وبالنسبه للزجاج الكهربى فمفيش غير اتنين بس قدام واللى ورا عاده وده طبعا عيب علشان العربيه سعرها عالى ومش رخيص ... نيجى بقى للكراسى وللاسف كرسى السائق تصميمه سىء جداا والظهر بتاعه واقف على طول ومش مريح وتحس انه عالى عن باقى العربيه كده وانت سايق ولما تكون راجع من مشوار سفر طويل تأكد وبدون شك ان ظهرك هيوجعك جدااا ومش هتبقى مستريح وبالنسبه للكنبه الخلفيه فهيا عرضها صغير نوعا ما علشان يوفروا مساحه للرجلين وهيا فعلا العربيه واسعه من وراء كان اللى راكب وراء طويل او مليان شويه هيبقى قاعد مستريح بس برضه ضهر الكنبه واقف ومش مريح .
سادسا بالنسبه للتكييف فهوا بصراحه قوى جدااا وشكله جميل وهوا بيحتاج وقت شويه ان يسقع العربيه كلها بس فى المجمل كويس وفيه اربع فتحات كبار فى التابلوه للتكييف اتنين فى النصف وواحده على اليمين وواحده على الشمال ولما يكون شغال وانت سايق على الطريق ماتحسش انه قلل من سحب العربيه قوى وبالنسبه للكاسيت فالعربيه جاى معاها كاسيت اصلى مدمج فى التابلوه شكله شيك جدااا والتعامل معاه سهل وبسيط والصوت بتاعى نقى وفيه اربع سماعات اتنين فى البابين اللى قدام واتنين فى الرف الخلفى.
سابعا بالنسبه للاداء على الطريق فالعربيه سحبها تقيل شويه ولما تيجى تنقل السرعات تحس ان فيه عضه كده فى النقل ومش ناعمه فى النقل والعربيه لما بتوصل ل 120 تحس انها بتترج ومش ثابته و العفشه ناشفه جداااا وتحس باقل حاجه ولما تكون ماشى فى شارع مكسر تحس انك راكب عربيه ملاهى.
ثامنا المشاكل اللى ظهرت فى العربيه : العربيه عند حوالى 500 كم لقيت صوت الموتور بيعلى فجأه والار بى ام بيوصل ل 5000 لفه والعربيه واقفه وبتاكل بنزين جامد ولقيت فيه ترشيح زيت على الماتور وعلى فلتر الهواء من بره فرحت موديها لواحد ميكانيكى عندنا قالى ان ده عيب فى بوابه الانجكشن وانه لازم اروح بيها التوكيل علشان الضمان ( تخيل عربيه كورى مستورده ومش تقفيل مصرى ولسه فى التليين وجديده تعمل كده) ماعلينا .... حجزنا ميعاد فى التوكيل اللى على الصحراوى بالتليفون ولما روحنا فى الميعاد لقينا الناس عماله تزعق فى الناس اللى فى التوكيل وفيه كام خناقه حصلت علشان فيه واحد ظريف شغال فى التوكيل خلى الناس اللى اتصلت وحجزت للصيانه ييجوا لمركز الخدمه وهوا مابعتش المواعيد دى للورش والناس مشيت زى ماجت ولما دخلنا العربيه وقلنا للبيه المهندس على المشاكل اللى فيها قال العربيه لازم تبات وتستلموها بكره علشان نظبط المشاكل اللى فيها ولم جينا نستلمها البيه قالنا ان المشكله كانت فى السوفت وير بتاع العربيه وانهم نزلوا سوفت وير جديد ومشكله ترشيح الزيت كانت بسبب ان سلوك البوجيهات ماكنتش مربوطه جامد :k41:... وحدث ولا حرج:ack2: بعد حوالى 300 كم رجعت العربيه صوتها زاد تانى واستهلاك البنزين زاد والار بى ام وصل 5000 والعربيه واقفه وان شاء الله هاروح اعملهم فضيحه فى مركز الخدمه بتاعهم واخليهم يغيروا بوابه الانجكشن .
تاسعا فيه كماليات اضافيه بتنزل فى العربيه بره بس الوكيل مابينزلهاش مصر على اساس ان الغلابه اللى هايشتروا العربيه فى مصر مواطنين من الدرجه التالته ومايستاهلوش انه يجيبلهم عربيه فيها كماليات كويسه وهى على سبيل المثال : مفتاح ريموت لفتح وغلق الابواب عن بعد و 4 زجاج كهرباء وليس 2 وتحكم فى الراديو كاسيت من الدركسيون و جنوط اسبور وفتحه سقف وفوانيس شبوره
عاشرا واخيرا نصيحه لوجه الله اللى معاه تمن العربيه دى وعاوز يشتريها يجيب بالمبلغ ده عربيه يابانى كسر زيرو او يزود شويه ويجيب اوبترا لان العربيه الافيو دى حرااااااااااااام فيه سعرها ده (احنا جايبنها ب 82 الف وحمايا ندم انه جابها )
رقم العضوية : 3171
تاريخ التسجيل : 13Nov2007
المشاركات : 1,509
النوع : ذكر
الاقامة : وسط زحمه وخنقة القاهرة
السيارة: هيونداى فيرنا
السيارة[2]: سوزوكى سويفت ديزاير 2015
دراجة بخارية: المفروض لأنها هى اللى بتسلك فى البلد دى !!
الحالة :
شكراً على التقييم و النصيحة
https://www.facebook.com/groups/SWIFTCLUBINEGYPT/
رقم العضوية : 1012
تاريخ التسجيل : 18Jun2007
المشاركات : 1,382
النوع : ذكر
الاقامة : cairo
السيارة: لا يوجد
السيارة[2]: نيسان صنى 2007
دراجة بخارية: لا يوجد
الحالة :
بجد شكرا على التقييم الجميل
رقم العضوية : 13372
تاريخ التسجيل : 21Jun2008
المشاركات : 1,219
النوع : ذكر
الاقامة : CAIRO-ELMANYAL
السيارة: Skoda Octavia A4
السيارة[2]: Chevrolet-cruze 2012
دراجة بخارية: NO
الحالة :
شكرا على القييم بس انا اختلف معاك فى حاجات كتيييييييييييييييير مع العلم ان عربيتى افيو فول اوبشن كورى 2009 وعمله دلوقتى 4017كيلو
[mshosh2]http://www.arab-box.com/i/00100/d933a9o272po.jpg[/mshosh2]
رقم العضوية : 11479
تاريخ التسجيل : 25May2008
المشاركات : 1,211
النوع : ذكر
الاقامة : العاشر من رمضان
السيارة: لانوس 2008
السيارة[2]: فيات 132 1975
دراجة بخارية: لا
الحالة :
شكرا عي التقييم ونتظر رد اصحاب الافيو
رقم العضوية : 198
تاريخ التسجيل : 25Apr2007
المشاركات : 2,429
النوع : ذكر
الحالة :
الاخ الفاضل احمد مع احترامى وتقديرى ليك ولكل الاخوه الافاضل ملاك الافيو فى المنتدى بس بجد حراااام ان العربيه دى تبقى ب 82 الف يعنى هيا اخرها 60 وبالكتير قوى 65 وده طبعا سعر عادل مقارنه بكمالياتها وادائها .... والله انا بتكلم من من كان محايد يعنى بقول رأيى بصراحه ما لها وما عليها وللاسف اللى عليها اكتر من اللى ليها .. يعنى حضرتك تتخيل عربيه لسه فى التليين وماعملتش غير 500 كم يحصل فيها مشكله فى الانجنكشن ونروح التوكيل يضحكوا عينا ويقولوا ده سوفت وير علشان يريحوا دماغهم
وتتكرر نفس المشكله بعد 300 كم!!!!
ده الواحد اذا ان شارى عربيه صينى (مع احترامى لكل ملاك العربيات الصينى ) مكنش حصل كده
رقم العضوية : 13372
تاريخ التسجيل : 21Jun2008
المشاركات : 1,219
النوع : ذكر
الاقامة : CAIRO-ELMANYAL
السيارة: Skoda Octavia A4
السيارة[2]: Chevrolet-cruze 2012
دراجة بخارية: NO
الحالة :
[mshosh2]http://www.arab-box.com/i/00100/d933a9o272po.jpg[/mshosh2]
رقم العضوية : 9298
تاريخ التسجيل : 21Apr2008
المشاركات : 137
الحالة :
رقم العضوية : 6201
تاريخ التسجيل : 22Feb2008
المشاركات : 12,866
النوع : ذكر
الاقامة : cairo
السيارة: nissan sunny ex 2008
السيارة[2]: Sonata 2013
دراجة بخارية: لا
الحالة :
شكرا على التقييم الرائع دة
وانا فنظرى الانوس افضل منها بكتــــــــــير
م/ احمـد عـزت
رقم العضوية : 22954
تاريخ التسجيل : 22Oct2008
المشاركات : 7
النوع : ذكر
الاقامة : Cairo
السيارة: Aveo
السيارة[2]: Fiat
الحالة :
لو سمحتم لي انضم لكم...... انا معايا افيو 2009 كوري بقالها 35 يوم وعامله 1000 كم ومن اول ما جبتها ولفت نظري مشكلة ال Rpm ورحت بيها توكيل الطيران وعملوا لها ريسيت ولا تغيير والنهارده كنت في ابو رواش لنفس السبب وخرجت بها كما دخلت بس الجديد اني قابلت المهندس شريف اللي ذوقه واخلاقه كانوا السبب في اني تقبلت المشكله وقنعت بيني وبين نفسى ان المشكله تكاد تكون عامه وملهاش حل غير تغيير قطعه ولتكن بوابة الانجيكشن زي ما بيقولوا وطبعا الحل ده مكلف للتوكيل واحنا في بلد معروف عنه ان مفيش قوانين بتحمي المستهلك وطبعا الاسباب معروفه وانهم هيفضلوا يسوفوا لغاية سعادتك ما تزهق وتسلم امرك لله دي سياسه الدوله كلها مش منصور بس ....اما الاخ الفاضل صاحب التقييم المتواضع فهو ليس متواضع علي الاطلاق وانما تقييم مجمل مبذول فيه مجهود كبير يشكر عليه ودعوني اضيف فقط ان مجال الرؤيه من الصالون للسائق محدود وغير مريح لزيادة عرض القوائم الاماميه وكتل المرايات التي تحول والرؤيه في التقاطعات....سعدت بانضمامي اليكم ..مع تحياتي
المفضلات