عرض للطباعة
معروض عليا العربية دى اشتريها صاحبها مهتم بيها جدا
ودايما بيعمل صيانتها فى التوكيل وكان شاريها من سفاره
و هو اول مالك ليها بعد السفاره
وطالب فيها 120 الف
و مواصفتها
كامله اوتوماتيك
ماشية 270 الف كيلو
رشه كلها مع السقف نظافه بدون معجون الا حاجات بسيطه
عامل صيانه كاملة من شهرين من زيوت و سيور و كاوتش جديد
هل السعر ده مناسب
و اخبار قطع غيارها ايه
و تنصحونى اشتريها و لا بلاش
وشكرا لكم
أعتقد أن هذا الموديل به مشكلتان أساسيتان:
1. محرك يزيد عن 1600 وبالتالي مصاريف كثيرة بنزين وترخيص.
2. ندرة الانتشار.. وبالتالي صعوبة في الصيانة وتوافر قطع الغيار.
أخيرا.. رأيي أن من سيدفع في سيارة ما يزيد عن ال 100 ألف فخياران لا ثالث لهما:
1. سيارة زيرو ( بما يتناسب مع إمكانياته نقدا أو تقسيط ) .
2. سيارة مستعملة لم تمش أكثر من 50 ألف كم ومن شخص يعرفه إن أمكن.
هذه وجهة نظري المتواضعة ، والله أعلم.
رقم 120 الف جنيه عندك مليون عربيه تشتريها وتكون زي الفل فعلا عربيات كتير جدا جدا جدا
زانق نفسك في عربيه ماشيه فوق 250 الف ليه عشان عاليه ياعمي هاتلك كورولا عمرها ما هتحك في مطب
هات النترا شيب قديم 2011 عربيه ممتازه هات اوكتافيا جيتا بورا اوكتافيا a4 لانسر بكل موديلاتها هوندا سيفيك
كل دول هتجيبهم حاله فوق الممتازه ويتبقى معاك فلوس كمان عايز ايه تاني
هوندا hrv
بص يا أخى هقولك تجربتى مع الراف فور موديل 2008 في السعودية لمدة سنة و انت تحكم
أولا كانت عربية ممتازة و متصانة في التوكيل و كل حاجة شغالة ماشاء الله و اشتريتها من زميلى مستعملة عاملة 120 الف و ماشاء الله الحالة زيرو
هي مابتاكلش بنزين كتير مقارنة بالامريكى او الالمانى بس طبعا اكتر من الكورولا لفرق الموتور يعنى تقدر تقول مرة و ثلث الكورولا
نيجى بقا للصيانة.... ده موضوع نسبى لان العربية دى ياباني و قطعها معمرة بس برضو لسعتها جامدة لو هتغير حاجة من التوكيل (دى لو موجودة أصلا) .... كومبريسسور التكييف باظ فغيرته خارج التوكيل بما يعادل 5000 جنيه مصري و باظ تانى بعد اقل من سنة و ماكانش عليه ضمان فرجعت زى الباشا و اتغير في التوكيل بالحساسات بلوازمه بما يعادل 13000 جنيه بس عليه ضمان
أما غير كده فكنت بعملها الصيانات الدورية في التوكيل و مابتتكلفش كتير لانها كانت لسة مغيره مساعدين و شوية حاجات في العفشة من مالكها الاولانى
الخلاصة الياباني ماشاء الله معمر بس لازم تكشف عليها في التوكيل و تاخد تقرير منهم باللى العربية محتاجاه فعلا من أجزاء في العفشة أما الأجزاء الكهربية مش ممكن تكتشف هي محتاجة ايه الا لما تعطل فعلا....
انا حاليا رجعت مصر و معايا الينترا 2008 و مقضية الحال بس الياباني الصراحة ممتاز في التفاصيل الصغيرة زى المرايات مثلا اللى بتعلق ساعات لان الزرار صدى من غسيل العربية و بفتكر لما كان معايا لانسر كريستالة من 5 سنين ازاى كل حاجة كانت شغالة مع انها موديل 1999
الخلاصة الياباني ممتاز و التويوتا ممتاز بس اهم حاجة الحالة و استعدادك و تقبلك للمفاجأت
أما انك تجيب عربية زيرو بالسعر ده فممكن يكون حل عشان تريح نفسك من الأعطال لمدة سنتين مثلا في الكوري بعدها العربية تبدأ تطلب صيانة في العفشة و بعد كدة الكهرباء و هلم جره
كل الاحترام و ارجوا انى أكون افدتك