عرض للطباعة
ي جماعه انا محتااار اوووى بين القشقاى 2014 و السبورتاج 2015 انا كنت خلاص اخترت القشقاى علشان يابانى و تستحمل البهدله الا انى سمعت انها مانيوال بس مفيش منها اوتوماتك و كمان سمعت ان سحبها ضعيف و ده مضايقنى اوى علشان ناوى اسابق بيها اصحابى :d و اللى مضايقنى من السوربتاج انها كورى و سعرها عالى اووى بالنسبه للكورى و كمان ما بتاخدش الا بنزين 95 اعمل ايييه ي رجاله انا اهم حاجه تهمنى الثبات و السرعه و الكفائه و الشكل و الاوبشنز ي ريت تفيدونى بقى
القشقاى نازل منها أوتو وفعلا سحبها ضعيف
السبورتاج كل الناس إللي ركبتها في المنتدي ماشية ببنزين 92 ومفيش أى مشكلة
وسعرها فيها خليك في السبورتاج
اعتقد سبورتاج عملية اكتر
القشقاي اوتوماتيك والسبورتج شغاله 92 عادى والعربيتين سحبهم متواضع نسبه لحجم العربيه على 1600 ولو بتدور على كماليات اكتر اشترى سبورتج ومفيش مشاكل فى العربيتين بالمناسبه من ناحية الاعتماديه
السبورتاج افضل
سبورتاج ممتازة بلا مشاكل والكورى زى اليابانى فى الموديلات العالية
انا عن نفسي اختارت الاسبورتاج للاسباب التاليه
١) شكل احلى بكتير من القشقاي
٢) اوبشنز اعلى بكتير من القشقاي
٣) موتور اقوي من القشقاي ١٣٥ حصان
٤) اوسع من القشقاي
وزى مالناش قالت .. ماعادش فى فرق بين اليابانى والكورى خصوصا فى الموديلات العاليه
الاسبورتاج بنزين ٩٢ عادى الناس كلها بتستخدمه بدون اى مشاكل
بميل للكيـــا بــصراحة
لو تقدر تستنى القاشقاى الشكل الجديد، سمعت انه نازل على شهر ١٠ الجاى
دى حتبقى أحسن من الإتنين
السبورتاج 2015
استنى القاشقاى موديل 2015 نازله اخر السنه
شكل جميل جدا محرك تيربو امان عالى جدا باور عالى .
بس للامانه فى كلام مش تمام اوى على توكيل نيسان يعنى كفايه ان الكوبلن للقشقاى الشكل الحالى ب 17 الف.
على العموم ادرس الموضوع وادخل على اقسام كيا ونيسان وشوف الدنيا عامله ايه.
طبعا التوكيل عامل مهم فى اختيار العربيه
وربنا يوفقك للاختيار الصح.
الix35 من وجهه نظرى افضل منهم :-)