-
تجربتي مع الجراج
عربيتي كورولا 2005 , سلمت العربية للبواب عشان يتولى هو ركنها في الجراج ،بعد ثلاث ايام اكتشفت ان في نقر في الشنطة ، طبعا بسبب عمود الخرسانة وهو بيرجع. ولكن بينكر ويحلف
المهم اعمل ايه ، هي نقرة اسفل حز الشنطة مباشرة ، وخايف تمتد البرومة خاصة ان كل يوم البواب بيشغل على العربية خرطوم مياه
افيدوني يا اهل الخبرة
-
نفس المأساة مع الاسف ,, العربيه عندي اتحكت من قدام شمال و من ورا يمين و كملوا عليها بخبطه في عتب العربيه و العربيه بقالها شهر و نص !!!
مشكله الجراجات اللي تحت العمارات في العواميد و انهم بيركنوا 50 عربيه في مكان يشيل 30 عربيه ف لازم تتحك كل شويه منهم
افضل حل انك تحدد مكان ليك في الجراج لما تروح تركن فيه و تقفل العربيه و تاخد المفتاح معاك مالهاش حل تاني
-
حاول متخليش حد يركب عربيتك اركن انت بنفسك محدش هيخاف علي عربيتك ادك
-
نصائح منى لحضرتك:
* اركن عربيتك بنفسك
* ابعد عنها خرطوم المية بتاع البواب (قوله امسحها بجردل وشوية مية)
* ارفع صورة علشان نحاول نقولك تعمل فيه ايه
تقبل تحياتى
Content Relevant URLs by
vBSEO 3.6.0 PL2