ايه الفرق بين لانسر شارك خليجي و توكيل

عاوز اعرف ايه الفرق بوضوح (من حيث أول فئة) و هل تفضل انك تجيب الخليجي مع توفير الفرق (حوالي 6 آلاف جنيه) ولا لأ؟؟
و ايه رأيكم بين الشارك الخليجي و الكيا ريو اول فئة؟ (مع الأخذ في الاعتبار الفارق في السعر)

بص هو مفيش فرق بين الخليجى والوكيل بس فى ناس بيقولوا والله اعلم ان الخليجى بيبقى الدهان بتاع العربية افضل علشان تحمل الحراره والعربية الوكيل بيبقى فيها غطى على الموتور شكلة شيك مكتوب علية مايفك لكن الخليجى مفيهاش بس انت ممكن تحسبها انت هتشترى الخليجى بكام ولو اشتريت ضمان 3 سنين هيبقى السعر النهائى فارق كتير عن الوكيل ولا لا

خليجي 134 و وكيل 140
بس حضرتك عندك فكرة عن الضمان اللي ممكن اشتريه ده؟

الشارك الخليجي بضمان الرواس اما الوكيل فبضمان داياموند
الخليجي اول فئة كان راكب فيه كاسيت عادي مش بتاعها مش عارف ايه الاخبار دلوقتي
الدهانات متماثلة بدون اي فوارق وغطاء الموتور كان في اعلي فئة فقط ولا ادري هل اصبح معمم في كل الفئات

لا الغطا فى الفئة الاولى وكيل ده اكيد لكن مش موجود فى الخليجى ولو حضرتك اشتريت خليجى بدون ضمان يبقى ممكن تشترى ضمان لمدة سنة او اكتر حسب رغبتك وتقريبا الضمان لمدة سنة ثمنة 1400 جنيه تبع شركة اسمها تريبل ايه وانا اسمع عنها انها كويسة

الخليجى الكاسيت بتاعها زى الوكيل لكن الخليجى بضمان الرواس بيكون الكاسيت مش بتعها وشكلة مش حلو فى التابلوه

طب حوار الضمان ده انا كلمت تريبل إيه دول طلعوا في المعادي و المعادي بعيدة عليا
كان فيه ضمان تاني لاقيت بعض الأعضاء بيتكلموا عنه اسمه "أمان الشرق" كلمته و قالي فيه مراكز خدمة تبعه في العبور
السؤال هنا بقى: هما بتوع الضمان دول مضمونين؟؟ و هل امان الشرق ده و تريبل ايه مفرقوش في حاجة؟ علشان لو في العبور ده اقربلي بكتير و هيوفر عليا

انا المعلومه اللى عندى ان تريبل ايه كويسة لكن معنديش معلومه عن الشركة التانية ممكن حد غيرى يفيد حضرتك