مشكله في نقلة الفتيس الأوتوماتيك
السلام عليكم
تحية طيبة لأعضاء المنتدي الكرام ...،
إمبارح وانا كنت ماشي بالعربيه (لانوس 2007 أوتوماتيك) . كنت جايب الفتيس علي D3 وكنت ماشي عال80 ك.م
جيت عند مطب عادي جدا ، وحسيت إن الفتيس مانقلش نقله أو إتنين لورا .
فبأضغط بنزين ، العربيه ماهياش راضيه تسحب .
بصيت علي عداد rpm لقيته بيتحرك سنه بسنه (يعتبر كان واقف)
وبأحاول أضغط بنزين ، الدواسه ماهياش راضيه تدوس .
وربنا سترها عشان ده كله حصل وأنا بأعدي عربيه ، وكان فيه اتنين جايين قدامي .
خلاصة الحوار: العربيه ماعادتش بتنقل لورا (ساعات وساعات)
ودي مشكلة خطيرة جدا ، لأن طبيعي كده العربية هيكون عزمها =صفر .
أعمل إيه إخواني ؟!