الموضوع: البلد ديه مش نافع فيها حاجه

لسه حاصلي موقف من شويه برده مع واحد من الاشكال الضاله
كنت راجع من راس البر انا بعربيتي وجوز اختي بعربيته قابلني مطب من النوع الجبلي الللي هو لازم تعديه يمين في شمال طبعا مدي انتظار وباصص في المرايه ومفيش حد جمبي ولسه بكسر يمين عشان اطلع المطب وفجأه الاقي موتوسيكل صيني عليه 3 كلاب ولاد %##$@# طايرين من يميني ومعدين من على التراب وربنا ستر عدوا مني على شعره وانا لحقت فرملت وهما الموتوسيكل لعب بيهم وكانوا هيقعوا بس لحقوا نفسهم وكملوا في طريقهم وانا اخدت المطب ومشيت وبعدا بحاجه بسيطه لقيتهم راكنين وعمالين يشارولولي عشان اقف وطبعا اشكال شمامه بنت %@# وانا معايا مراتي واختي وابن اختي الصغير طبعا نفضت لهم وكملت في طريقي شويه ولقيتهم جايين ورايا تاني وبيقولي انت ملكش فيها ومبتعرفش تسوق طبعا نفضت لهم وكيك داون ومشيت طبعا كل ده عشان خاطر ان معايا مراتي واختي فمش عاوز احتك بيهم واحنا بليل والطريق ضلمه وحاجه تقرف بس طبعا هوما افتكروا اني خايف منهم وهوبا لقيتهم جايين تالت وقربوا من العربيه تالت وراح مخبطلي على المرايه وبيقولي اقف يابن ال%@%@# هنا بقه لقيت جوز كان ورايا راح مرعش لي ومديني اشاره يمين روحت جاي انا شمال وهو كيك دوان وراح لازق فيهم مع كلاكس وترعيش وراسه والف سيف يخبطهم يقلبهم واحنا ماشين بسرعه يعني لو وقعوا هيموتوا وهوب روحت انا كمان مسقط نقله وطالع من جوز اختي وزانق عليهم وعملنا عليهم كماشه جوز اختي من وراهم وانا قدامه شويه وعمال ازنق عليهم واشتمهم طبعا العيال كشوا على الاخر وفضلنا معاهم على الوضع ده لحد ماخلاص طلعوا على التراب على يمين الطريق واول دخله يمين دخولوها وكملنا احنا بس صراحه بقيت مقلق وطاير طول الطريق احسن يجيبوا جيش موتسيكلات ويجوا ورانا وكل ماشوف موتوسيكل جاي من ورايا اقلق منه يكونوا هما طبعا ده عشان خاطر معايا المدام واختي لكن لو مش هما كنا لزقانهم في اقرب شجره ولا حد هياخد باله ولا ليهم ديه شويه الكلاب دول والله حلال فيهم الموت والحوادث اللي بتحصلهم على الطريق