السلام عليكم اول مشاركه استفسار عن بينلى200
السلام عليكم ورحمة الله وبركاته
دى اول مشاركه ليا على المنتدى و احب اعرفكم بنفسى اﻻول
احمد وصفى من القاهره 26 سنه مدرب لياقه فى نادى رياضى
المهم عشان مطولش عليكم .. انا معايا عربيه دايو بس تعبت من الزحمه و ارف الطرق و البنزين و المشاوير الطويله .. انا بحط ب 100 جنيه تقريبا بنزين كل اسبوع ده خﻻنى افكر اجيب موتوسيكل و فكرت فى حاجه ب اربع او خمس اﻻف و بعدين لقيت ماركة بينلى ب 8500 تقريبا بس سمعت انها اقوى و احسن و فى ماركه اسمها كيواى سوبرﻻيت شكلها كويس جدا بس اغلى شويه.
و بعدها ناس قالتلى هات ريس هوندا 250 ب 10.000 و يبقى احسن من الصينى و انا الصراحه اول مره اركب موتوسيكل و مش عارف اعمل ايه
عايز راى الناس اللى جربت و اهل الخبره فة النوعين دول عشان محتار جدا و اسف لو كنت طولت عليكم
فى رعاية الله
احمد