-
فار في العربية
باختصار نسيت زجاج العربية مفتوح اول امبارح وهي في الجراج عندي ونزلت لقيت مناديل متقطعه في العربية طبعا توقعت انه فار في العربية مطلوي مساعده منكم اعمل ايه؟ انا مطلعتش بالعربية ومش هطلع لان خايفة جدا لو ظهر وانا بسوق ممكن اسيب العربيةتمشي لوحدها واغمض عينيا
-
هات المنكسة الكهربائية و شغلها اعلى حاجة شفط في العربية و سيبها و اقف بعيد هتلاقي الفار طلع منها
او تنزل ابليكيشن بتاع الموجات الصوتية بتبوظ اعصاب الفئران
-
انا قبل كده كنت عامل موضوع بردو وسيبت العربيه مفتوحه فى الجراج لقيته أكل الكنبه اللى ورا ومبهدلها خالص بس انا مبخفش منهم وممكن امسكهم كمان اوعى حد يقرف .... الحل بقى ممكن تجيبيله قطه جعانه هاتخلص عليه وهاتعمله رعب
-
شغلي المكنسه صوتها هيخليه يجري علي طول
-
غالبا
غالبا الفار خرج خلاص من العربيه
علشان تتاكدي ممكن تشتري من الصيدليه انبوبه لزق فيران ( اسمها كده ) عامله زي معجون الاسنان تحطي منها خطوط علي كرتونه نتيجه وفي وسطها قطعه جبنه رومي وماتنسيش تربطي طرف الكرتونه بخيط طويل علشان لما الفار يلزق علي الكرتونه تشديها من الخيط وترميه بره العربيه
-
شكرا ليكم جميعا هجرب موضوع المكنسة دلوقتي وهجيب اللزق برضه من باب الاحتياط واعمله بالليل
شكرا جزيلا للجميع
-
خلي حد ياخد العربية يوديها لحد يغسلها من جوا ولو ماكانش طلع اكيد هيطلع
-
ربنا يسترها ومايجيش ناحيه ضفيرة الكهرباء نصيحه فى اقرب فرصه جيبي اللزق من الصيدليه وموضوع المغسله مش مجدي اوى لان الفار ممكن يستخبي فى التابلوه
-
خلى السايس يطلع العربية برا الجراج فى الشمس ويشغل العربية نص ساعة ولو أمكن فعلا المكنسة حل ممتاز
-
-
اشتريت اللزق وعملته وكمان حطيت مصيدتين فيهم جبنه رومي والصبح ان شاء الله اشوف النتيجة لو مفيش هجرب موضوع المكنسة واقول لكم علي النتيجة باذن الله
-
بالتوفيق
الفئران شيء مقرف ومزعج
-
-
علي فكرة هو فعلا تقريبا خرج لوحدة لاني عملت كل النصائح السابقة وملقتش حاجة وكمان مفيش له اثار في العربية فتوقعت انه خرج
الحمد لله
-
-
انا مرة كنت عمل حادثة بسبب فار وانا ماشي لقيت بيجرى تحت رجلى ارتبكت كنت هدخل فى سور الكوبرى الحمد لله ربنا ستر
Content Relevant URLs by
vBSEO 3.6.0 PL2