مذكرات مدير محطة بنزين

**Zing0** · 09-06-2014 08:48 PM

كنت عارف موضوع المعايرة ده و نسيبى جربه بنفسه (قصدى أتعمل فيه)
التانك كان تقريباً فاضى و الراجل فضل يحط بنزين وصل عالمكنه 54 لتر, فى حين إن التانك كله 45 لتر , و لا سحر و لا شعوذة و الراجل من كسوفه قعد يقول أنتوا كنتوا مسافرين و لا إيه؟

الأفضل تتعامل مع بنزينه محترمه و ليها سمعتها, أو بنزينات وطنية, العساكر هناك غلابه و حلال فيهم البقشيش
بس ربنا يستر و ميكونش القائد بيهف الزيادات

**aif** · 09-06-2014 10:28 PM

المشاركة الأصلية كتبت بواسطة timtim

مابلاش تنشر طرق الكسب الحرام يا أستاذ أحمد وكفاية الطرق الحلال :)

يا باشا لازم تعرف طرق النصب عشان تقدر تتجنبها وما يتنصبش عليك
اما اللي عاوز ينصب ... اكيد مش منتظر لما انا اقوللو ع الطريقة ... احنا عندنا اساتذة نصب وسرقة علي اعلى مستوي

المشاركة الأصلية كتبت بواسطة gebreel

متابع و شايف انك تقول ازاي تعرف ان كان بيتنصب عليك ولا لأ بدل ما تقول الطريقة بتفاصيلها :)

يظهر انك مش واخد بالك .... انا كنت صاحب المحطة ومديرها .... يعني لو كنت عاوز اسرق خلق الله وانصب عليهم كان سهل جدا ... لكن مين اللي كان ح ينصب عليا :)

المشاركة الأصلية كتبت بواسطة 2code

والله يا استاذ احمد لو عندك المحطة دلوقتي كنت عرفت قيمتها بجد !!!!
دلوقتي لعب كبير اوي اوي يا فندم

بس شويه اسئلة تانية

هو انا كصاحب المحطة بتعهد بنقل البنزين ولا ده الوكيل اللي بينقل لي البنزين ولا بنجيب شركة وسيطة تتعهد بنقل البنزين ؟؟؟؟؟

ثاني حاجة هو مكسب مين اكتر الوكيل اللي بيوزع ولا صاحب المحطة اللي بيبيع ؟؟؟؟؟

احنا بيعنا المحطة لكن كان معانا شريك وكان مش متفق معانا وعامل مشاكل خلانا نبيعها عشان نخلص منه
احنا كنا مصر للبترول ... المحطة ملكنا كأرض ... ومتأجرة ايجار قديم لصر للبترول ... ومصر للبترول عاملة لينا عقد توريد واعارة ... يعني احنا نبقي وكيلها مقابل انها هي اللي بنت المحطة والانشاءات اللي فيها والخزانات والطرمبات وكواريك الرفع والكومبريسورات وكدة
البنزين بيجيلك في عربية الشركة او عربية متعهد نقل والتكلفة علي مصر للبترول
كنا بس بندفع وهبة للسائق
وكان بيتعمل خصم 5في الالف مقابل البخر لأن اثناء التعبئة بيتم تبخر للبنزين
يعني النقله مثلا 9000 لتر كما بنحاسب عليها 8955 لتر فقط وسعر اللتر اللي بنورده للمحطة 0.986 مليم للتر
احنا كنا بنتعامل مباشرة مع مصر للبترول مفيش وكيل توزيع

**aif** · 09-06-2014 10:38 PM

نيجي بقي لحركة تانية ساعات العمال بيعملوها لسرقة الزباين
بيبقي مثلا اللي قبلك حاطط 10 لتر بس وانت داخل بعده تفول
ييجي لما يحطلك انت مايصفرش العداد .... بالتالي العداد يعد من بعد ال 10 بتوع اللي قبلك
يبقي لو حطلك 30 ح يقرأ العداد 40
ودي بيعملوها لما يكون العداد علي رقم بسيط والزبون اللي بعده ح يمون كمية كبيرة بحيث ماياخدش باله
..
وعشان تتجنب كدة
لازم تتأكد انه حط المسدس مكانه قبل ما يمونلك لان العداد بيصفر بمجرد وضع المسدس في مكانه ع الطرمبة ثم سحبه مرة اخرى
اول ما بيسحب المسدس من مكانه العداد يصفر
او تصفير العداد يدويا في الطرمبات القديمة اللي مش دجيتال
او تتأكد من ان العداد رجع صفر تاني قبل ما يمونلك
وفي جميع الحالات يستحسن انك تكون متابع العامل بيعمل ايه او تنزل من العربية تشوف بنفسك
كدة مش ح يفكر يلعب معاك لو هو نيته وحشة
ودي طبعا مالهاش علاقة بصاحب المحطة ... دي لعب من العامل

**aif** · 09-06-2014 10:57 PM

يطلع بقي واحد فكيك يقوللي ان البنزينة بتغش البنزين بتحط عليه مية
كدة انا ازعل منه اوي
البنزين لا يذوب في الماء
يعني حتي لو خلط البنزين بالمية
الميه ح ترقد تحت في تانك المحطة والبنزين يبقي عايم فوقها لانه اخف من الماء
وساعتها لو كان ارتفاع الماء في قااع التنك قليل يعنل لم يصل الي مستوي الماسورة اللي بتسحب البنزين الي الطرمبات ... يبقي الماسورة ح تسحب بنزين ويا دار مادخلك شر
اما لو ارتفع الماء الي اعلى من مستوي ماسورة السحب
يبقي الطرمبة ح تسحب ماء بالكامل او معاة شوية بنزين مثلا .... يعني ح تبقي مفقوسة جدا والعربية مش ح تدور اصلا الا لدقيقة او اكتر قليلا وح يرجع يعكل مشكلة للمحطة
وان كان حوادث اكتشاف مياه في البنزين حصلت معايا شخصيا وح اقلكم عليها في وقتها
اومال بيغشوه ازاي يا حاج احمد ؟؟؟؟
اولا : بيخلط انواع البنزين
يعني مثلا النقلة ال 80 ال 9000 لتر بيحط منها 300 لتر في تانك ال 90
او يحط من ال90 في تانك ال 92 حسب الوضع الحالي
كدة ال300 لتر دول في وسط تانك سعته 20 الف لتر مش ح يبانو
ويبقي هو كسب الفرق في السعر في كرشه
وده طبعا بيبقي بالاتفاق مع السائق اللي بيفضي النقلة او بيسحب الينزين من الطرمبة ويفضيه في التانك ... لكن كدة يبقي بيفضح نفسه قدام كل العمال وحد ح يبلغ عند اكيد
ثانيا : انه يخلط السولار بالبنزين
وبيستخدمو مواد كيماوية بتساعد علي اذابة الجاز في البنزين
والفرق كله في كرش المعلم طبعا
....
بكرة نكمل

**د.محمود صلاح** · 09-06-2014 11:29 PM

متااااااااابع

**horas3000** · 10-06-2014 01:15 AM

متابع

**bmya** · 10-06-2014 03:33 AM

متابع

**gebreel** · 10-06-2014 10:26 AM

المشاركة الأصلية كتبت بواسطة aif

يا باشا لازم تعرف طرق النصب عشان تقدر تتجنبها وما يتنصبش عليك
اما اللي عاوز ينصب ... اكيد مش منتظر لما انا اقوللو ع الطريقة ... احنا عندنا اساتذة نصب وسرقة علي اعلى مستوي

يظهر انك مش واخد بالك .... انا كنت صاحب المحطة ومديرها .... يعني لو كنت عاوز اسرق خلق الله وانصب عليهم كان سهل جدا ... لكن مين اللي كان ح ينصب عليا :)

احنا بيعنا المحطة لكن كان معانا شريك وكان مش متفق معانا وعامل مشاكل خلانا نبيعها عشان نخلص منه
احنا كنا مصر للبترول ... المحطة ملكنا كأرض ... ومتأجرة ايجار قديم لصر للبترول ... ومصر للبترول عاملة لينا عقد توريد واعارة ... يعني احنا نبقي وكيلها مقابل انها هي اللي بنت المحطة والانشاءات اللي فيها والخزانات والطرمبات وكواريك الرفع والكومبريسورات وكدة
البنزين بيجيلك في عربية الشركة او عربية متعهد نقل والتكلفة علي مصر للبترول
كنا بس بندفع وهبة للسائق
وكان بيتعمل خصم 5في الالف مقابل البخر لأن اثناء التعبئة بيتم تبخر للبنزين
يعني النقله مثلا 9000 لتر كما بنحاسب عليها 8955 لتر فقط وسعر اللتر اللي بنورده للمحطة 0.986 مليم للتر
احنا كنا بنتعامل مباشرة مع مصر للبترول مفيش وكيل توزيع

انا كنت اقصد يتنصب علينا مش عليك ... عندي دي :)

-

-

الموضوع: مذكرات مدير محطة بنزين

LinkBack

أدوات الموضوع

عرض

-

-

-

-

-

-

المواضيع المتشابهه

أفضل محطة بنزين

مدير مصنع - مدير جوده - مدير انتاج - مدير صيانة

مذكرات حرب اكتوبر مذكرات الفريق سعد الشاذلى

تحذير من محطة بنزين

خطوات انشاء محطة بنزين

الكلمات الدلالية لهذا الموضوع

المفضلات

المفضلات

ضوابط المشاركة