العربية الحد الاقصى لسرعتها لتسارع منتظم كان لحد 160 كم و بعد 30 ثانبة مع استمرار ضغط البنزين العربية بالعافية وصلت ل 170 و مع استمرار ضغط البنزين العربية ما عدتش السرعة 170 نهائيا, العربية كانت محملة 3 افراد فقط بون امتعة. وعداد السيارة زى ما انتو عارفين تدريجه حتى 240. السؤال , كدة يبقى فى مشكلة فى العربية ولا هو ده الطبيعى و موضوع ال 240 ديه منظر وخلاص , افيدونى عشان انا رايح اعمل صيانة ال5000 قريب ولو فى حاجة اشيك عليها يبقى بالمرة
العداد حاجه و الواقع حاجه تانيه
وانا كان زمان عندي فيات ريتمو عدادها ٢٢٠ كم و كان اخرها ١٤٠ كم
في حاجة مش طبيعية يأما في العربية او في طريقة التجميع ,اقتباس:
المشاركة الأصلية كتبت بواسطة محمد الوااالى
هل المشكلة حصلت مؤخرا ؟
ممكن يكون البنزين ردئ او الفلتر مسدود ,
حضرتك جرب تجيب السرعة دي بالستيب ترونيك و قولنا بتبقي علي انهي نقلة .
هل حضرتك جربت بالسبورت موود او قرصت لحد متوصل و لا طلعت بالراحة من غير متكبس ؟
لأن انا جبت بيها 200 في العين السخنة و كانت علي النقلة السادسة و الموتور كان مستريح و في لسة كمان نقلة سابعة , نفس الكلام مع باسم نجيب بس هو جاب 220 و زميل اخر جاب 210 و هو مكنش يعرف ان في نقلة سابعة.
فالعربية تجيب 220 عادي
يا راجل حرام عليك, حتقارنها بالريتمو, وانا كان عندى النيسان صنى 1300 و بتجيب بردوا 165 اخرها, انما الكورولا 1600 ازاى تجيب 170 بس؟؟ وبعدين هما مش ناس صريحة عشان يحطو عداد لحد 240 منظر, ده طبعا عشان فى ناس كتيرة قبل ما تشترى تشوف العداد لحد كام وتشوفوا 240 وتنبهر. الحركة اللى عملتها الكورولا ديه طلعت قاوت منهماقتباس:
المشاركة الأصلية كتبت بواسطة hany63
كده كلامك المحترم بيأكد ان العربية بتاعتى كدة فيها حاجة, انا بالفعل قرصت على دواسة البنزين عشان اعدى ال 170 بس العربية ماسعدتنيش , كان ساعتها ال r.p.m جايب 5.5 او 6 تقريبا, بس كان ولا r.b.m بيزيد عن الرقم ده او حتى السرعة, و لو فلتر البنزين كان فيه حاجة كانت بانت فى العربية معايا لحد ما وصلت ل 170 و معنى ان متأكد ان العربية كانت على ناقا السرعة 6 عشان ال r.p.m فضل عالى لمدة تجاوزت ال 30 ثانية.., انا مش عارف ايه ممكن يكون فى العربية مش متظبطاقتباس:
المشاركة الأصلية كتبت بواسطة Mohamed.Hany
عداد السرعات فى كل العربيات بيبقى موحد فى كل موديل او شكل ... على اعتبار تغيير الموتور حسب البلد المستورده ...
يعنى هى نفس النسخه بتنزل مثلا فى الخليج فئه اخرى بمواتير ١٨٠٠ و بالتالى السرعه القصوى اعلى ...
ارجو ان اكون وضحت ...
تحياتى ...
ساعتها مكنتش مشغل ال sport mode و اعتقد ان ال sport كان حيعمل تسارع اسرع بس او كان حيكبس على ال r.p.m وانا بالفل استنيت كتير على ال r.p,.m بس محصلش حاجة
جرب سبورت موود و اشتغل مانيوال و علي فكرة في نقلة رقم سبعة كمان ولو مجابتش برضو يبقي انت عندك في مشكلة اكيد تحتاج التوكيل .اقتباس:
المشاركة الأصلية كتبت بواسطة محمد الوااالى
كلامك اكيد صح, بس العداد لما يكون متناسب مع سرعة العربية ده بيدى مصداقية اكتر للعربية وتركيب عداد لل 1600 يكون مختلف عن عداد ال 1800 ده مش حيكون مكلف للشركة, ولكن فى النهاية الزميل هانى اكدلى ان العربية بتعدى ال 200 و ده طمنى ان كده يكون فى مشكلة ليها حل ان شاء اللهاقتباس:
المشاركة الأصلية كتبت بواسطة batman372
اصل انا كان نفسى لما تيجى عربية فيرنا مثلا عايزة تسبتنى على الطريق و انا ماشى , زى ما حصل مع صاحبى فى طريق الساحل, كنت فاكر الكورولا حتفرموا بس كدة الكلام مش مطمئن
اظن مع الوقت و التكرار هاتزيد بس مش كتير
حصلت معايا في كورولا 2013 نفس كلامك
رأى الشخصى و قد يحتمل الصواب أو الخطأ
غالبية المواتير ال 1600 بتبقى سرعتها محددة إلكترونياً عند 180~ 185 كم/ساعة......و ده ليه أسباب يطول شرحها
لو حضرتك قرصت جامد على العربية و جبت سبورت مود أو مانيوال زى ما المهندس محمد هانى أشار سابقاً...العربية ممكن تعلى معاك لغاية 190~195 كم/ساعة و أكتر من كده زى 200 أو 210 أو 220 دى بتحتاج عوامل أخرى مساعدة علشان تجيبها زى منزل يدي العربية دفعة و أنت تحافظ على هذه السرعة أو يكون الهوا معاك مش ضدك و كده
فى إعتقادى النقلة ال7 هتهدى الموتور أكتر عن أنها هتديله عزم أو تزود السرعة القصوى....يعنى نقلة ترييح صوت و عدد لفات و خفض أستهلاك بنزين عنها نقلة تزويد سرعة قصوى و عزم
تحياتى
انت صدمتنى في حاجة غلط اكيد
قول حتى تجيب 190 انما 170 وبعد 30 ثانية من 160 ده كدة العربية مكتومة جدا وفيها مشكلة
طب هى عاملة معاك ايه من 0-100؟
وموضوع 240 مش مقياس عشان العربية بتنزل بمواتير مختلفة زي الاوكتافيا برضه نفس الفكرة العداد 240 وبتجيب 190
حضرتك حصل معايا الموضوع ده عادي في كورولا 2012 ماشية 12.000 لما امشي بيها كتير وسط البلد واطلع عالسريع يبقي اخرها 160 ... اسافر بيها كتير تكمل العداد ...لكن بقالي فترة ماجربتش
اعتقد لسة علبال ما عربيتك تلين او نوع البنزين اكيد بيفرق... وبعد صيانة ال 5000 حتفرق بعد تنظيف فلتر الهوا
والله اعلم
باشا ماتخدش على اللي مكتوب في العداد الشركة بتعمل كذا موتور سعات مختلفه بس بيبقى العدادات واحده يعني انا معايا باسات 1600 عدادها 260 بس آخرها معايا كان 210 ال 260 دول يجيبها المكنه الكبيره وبالنسبه لموضوع ال 170 ده طبعا في حاجه غلط ممكن تكون كنت ماشي عكس تيار الهوا والعربيه محملة 3 فمارضيتش تجيب أو نوع البنزين ردئ زي ما الأعضاء الفاضلين قالولك ودي موجود عادي انا مره كنت بفول في محطه على طريق مصر اسماعيلية فبعد ماخلص تفويل اكتشفت انه 90 مش 92 فاتخانئت وحاسبت على 90 عموما جربها تاني واحرق على الغيارات استبترونيك وخليها سبورت موود وجربها لو فضلت زي ماهيا قولهم في التوكيل وهما يظبوطوهالك أن شاء الله
بص اول حاجة اسال التوكيل لو العربية محدد سرعنها الكترونيا علي شان اليارس الجديدة التوكيل قال انه محدد سرعتها ل 180..
بص الكورلا تجيب 220 لو مش محملة...
موتور ال1300 بتاع اليارس القديمة بجيب 200 علي ايدي....
طيب ديه المعدله من المصنع ولا العادية ؟؟اقتباس:
المشاركة الأصلية كتبت بواسطة محمد الوااالى
السرعات المحدده الكترونى للقوانين الاوروبيه و الامريكيه بتبقى فى رنج ٢٣٥ او ٢٥٠ بالكتير ...اقتباس:
المشاركة الأصلية كتبت بواسطة hany saad
و دى بتبقى فى العربيات التى بها مواتير قويه ممكن تعدى هذه الارقام ...
لكن مواتير ال ١٦٠٠ حتى لو تربو صعب توصل للارقام دى ...
و كمثال عندى السى ٢٠٠ ممكن تعدى ٢٥٠ لكنها محدده الكترونى عند ٢٣٥ بالظبط ... فى حين ان السى ١٨٠ ليست محدده لانها صعب جدا توصل للارقام دى ...
تحياتى ...
العادية انا ما رفعتهاشاقتباس:
المشاركة الأصلية كتبت بواسطة mamado56
من 0 ل 100 تسارعها زى الفل الحمد الله حتى ل 140 انما بعد كدة تسارعها بيبطأشوية واول ال160 ل 170 تسارعها بيقل بعد ال 170 ما بتنطقشاقتباس:
المشاركة الأصلية كتبت بواسطة amrelsaqqa
وبعدين انا العجل ضبطو على 32, ممكن لو زودتوا عن كدة السرعة تعلى معايا
راجع الكتالوج سوف تجد مقاسين للضبط احدهم اقا من 160 بيكون غالبا 32 والاخر فوق 160 وبيكون اعلى هذا موجود فى اجنوب افريقى