يا تري لسه بور سعيد فيها لبس و جزم حلوه زي زمان و باسعار حلوه و لا لا
يا ريت اللي يعرف حاجة عن ماركات ال اديداس و النايكي _ و اسعارهم ايه ؟؟
عرض للطباعة
يا تري لسه بور سعيد فيها لبس و جزم حلوه زي زمان و باسعار حلوه و لا لا
يا ريت اللي يعرف حاجة عن ماركات ال اديداس و النايكي _ و اسعارهم ايه ؟؟
هو محدش من البورسعيدية بيخش المنتدي و لا اية ؟؟؟
بص يا سيدى
-الملابس و الجزم هتلاقيها فى شارع طرح البحر و الجمهورية و التجارى و سوق البالة
-الاغلبية صينى بس الحاجة كويسة
- اغلبية الاحذية و الكوتشى صينى و الايطالى بتاع زمان فوق 300 جنيه
- اديداس و نايكى بالنسبة لمحلات التوكيل نفس الاسعار و فيه فى القاهرة فروع ارخص (اديداس السراج مول و الحرية مول )
- بالنسبة للشيكولاتة عندك الفار و الامانة و رسلان و الغريبى و لقيت اسعار ارخص فى كارفور !!!!!!!
- الشرابات و الملابس الداخلية عليك و على التجارى احسن و ارخص و حاجات جميلة
و شد حيلك يا باشا
شكرا يا باشا علي مساعدتك إن شاء الله هروح يوم الجمعة
بس خلي بالك من الردار عند مركز الطب العالمي و التوكتوك اللي بيمشي عكسي علي طريق الاسماعيلية - القنطرة
و ربنا يسترها معاك و معانا
و فى ردار كمان بعد كارتة بورسعيد خلى بالك و خليك رابط الحزام علشان فى كمين فى مدخل بورسعيد .
طيب ممكن أسألك هو فيه أماكن سياحية متوسطة الاسعار للمبيت و جيده للسياحة فى بورسعيد بحيث اننى من هواة السفر مع اسرتى الصغيرة ؟