-
مشكله فى الكلاكس
لو سمحتوا يا شباب عندى مشكله فى العربيه ان الكلاكس بيعلق ساعات ومش بيرضى يشتغل ودتبت العربيه لكهربائى غيرلى شريحه فى الطاره وبعدين اشتغل يومين ولقيته علق تانى ومبقاش شغال غير لما بضغط على حته معينه فى الطاره ومش دايما كمان روحت للكهربائى تانى قالى اشترى كلاكس عربيه جديد رايكم اعمل ايه
-
طيب اتأكد كمان من الكتاوت واتأكد انه شغال تمام وبدله مع كتاوت تانى من علبه الفيوزات وليكن مثلا او النور كتاوت المساحات.
اعمل وصله بلدي كحل تانى انك تطلع سلكين برا وشوف لو انت بتضغط على الطارة وما اشتغلش ولما تلمس السلكين هيشتغل ولا لا لو اشتغل يبقى العيب فى الطارة ولو ما اشتغلش يبقى الطارة بريئة براءة الذئب من دم ابن يعقوب
طبعا دي كلها حلول مجربها بنفسي بعد ما دوخت بسبب كلاكس الأكسنت وطلع العيب فى الأخر من الكتاوت وكات يشتغل اوقات واوقات لا ومطلع عيني وفى الأخر طلع كتاوت اهبل هو اللى مجنني
جرب ومستنين رأيك
-
+1111
جرب وصلة خارجية الاول من البطارية للكلاكس وشوفة شغال ولا لأ
-
الف شكر يا رجاله بس بصراحه انا جديد فى موضوع العربيات دى ومش هعرف اعمل الوصلات دى ...اتصرف ازاى اوديها توكيل ولا ايه
-
يا باشا لا توكيل ولا غيره لو عربيتك فى الضمان ومش عاوز تتعب نفسك وديها وريح دماغك بس لو حابب تشتغل بإيديك الخطوات كالأتى هنجرب كل خطوة على حدا واللى ماتنجحش ندخل على الخطوة اللى بعدها يعنى مش شرط تعملهم كلهم.
1-غير الكتاوت من علبه الفيوزات اللى فى الكبوت قبل ما تجرب مثلا غيره بكتاوت النور وانت ماشيى بالنهار وسيبه طول اليوم وانت بتتحرك وشوف هيعلق معاك ولا لا
2- الكلاكس بيشتغل بسلكين عادي خالص هتاخد وصلتين من البطارية الموجب والسالب وتوصلهم بالكلاكس وخد بالك علشان ما تتخضش :d
3- لو بتعرف تفك الطارة فك وش الطارة ووصل وصلتين بلدي فى الريش بتاع الطارة والأرضى وتركب الطارة تانى كدا لما تلمسهم الكلاكس هيشتغل ودي علشان نتأكد ان الطارة فيها مشكلة ولا لا .
كدا انت تكون عملت كل اللى ممكن يتعمل وان شاء الله توصل للمشكلة
Content Relevant URLs by
vBSEO 3.6.0 PL2