المشاركة الأصلية كتبت بواسطة khaled ayman
سلام عليكم ..
طبعا انا مختفى كالعاده لو حد لسه فاكرنى ..
الفيكترا السى معايا الحمد لله كله تمام و تحت السيطره الا حاجه واحده مش عارف اعمل فيها ايه و اكيد اكيد يعنى المشكله مش عندى لوحدى فقولت اخد رايكوا
العربيه عندى اول ما افتح كونتاكت بسمع صوت خشانه مرتين ورا بعض من كنترول الفتيس ...(صوت ضغط هوا تقريبا) او بليه خشنه ...
و نفس الصوت بيحصل و هى العربيه واقفه سلانسيه من فتره للتانيه ..
و لما تكون ماشيه وقت ما تيجى تدوس دبرياج لنفسها
صابر اوبل قالى انه البلى بتاع الكنترول اخشن و هيقفش و لازم يتغير و ب 3500
نفضت و مشيت عادى
و فعلا فجاه العربيه و هى بتسقط من 2 ل 1 بطلت و مرضيتش تدور ...و شاشه الفتيس جابت f
كنت فى المنصوره روحت لعلى عبيه (الى كان قالى برده انه هيقفش) قالى هنعمل طقم اصلاح
فكينا الكنترول وعمل طقم اصلاح عند شكرى ...
ركبنا الكنترول العربيه دارت تمام
بس الصوت موجود برده !!
قالولى عادى متقلقش ...
قلتلهم لا قلقان اذا كان انتو عرفتو انه هيقفش بسبب الصوت ده ..
المهم قالولى طيب ياعم هناخد منك ده و نديلك واحد تانى
شكيت فى الكلام بس قولت خليك معاهم
ركبنا كنترول تانى من عندهم ..
فيه نفس الصوت :)
و قفش بعد 5 دقايق
قلتلهم لا ..خدت كنترولى ابو صوت برده و ركبته و العربيه مشيت تمام عادى جدا مفيهاش مشكله ..
بس من يوم ما ركبته مشيت 50-60 كيلو مش كتير يعنى ...
فى ناس تانيه قالولى الصوت عادى متشغلش بالك !
السؤال بقى
الصوت ده من ايه ؟؟
و الكنترول ده بكام استيراد و بكام جديد ؟
و هل فعلا هيعطل تانى ؟
العربيه انا مش بستخدمها جوا البلد خالص ..بس لما بخرج بيها ببقى مسافر و لو وقفت بيا فى اى مكان هتبقى كارثه من كوارث الزمن لانها مش بتقف غير فى تانى فى اولانى ..يعنى ممكن تقف بيا و انا بقطع طريق بالعرض مثلا :h_angry[1]:
و بالمناسبه حد يعرف الاقى فين الستاره الخلفيه الكهرباء غير على عبيه ؟