دماغى وقفت من التفكير، محتاج عربية زيرو سعرها حنين ومش عارف اجيب اية
السلام عليكم
محتاج نصيحة ضرورى يا جماعة انا دماغى سخنت من كتر التفكير
هى معادلة صعبة شوية انا عارف بس نعمل اية ما باليد حيلة
انا محتاج عربية تكون زيرو، تنفع شغل مندوب، تكون اقتصادية فى البنزين وتكون مساحتها الداخليه كويسة علشان اقدر اشيل فيها بضاعة
ولا هيفرق معايا النوع ولا بلد التصنيع ولا مريحة ولا لا ولا حتى الاوبشن اللى فيها، (المهم اربع عجلات يمشو عالارض)
كل اللي عاوزة عربية تستحمل كل يوم مشاوير وقرف طرق مصرنا الحبيبة وتكون قطع غيارها رخيصة وصيانتها سهله وتكون قليلة الاعطال وتستحمل البهدلة في الطرق بتاعتنا ، (مع انى بحافظ على العربيا جدا بس الامر ميسلمش )
المشكلة الاكبر في المبلغ الى معايا
انا معايا حوالى 30 حاليا وهتصرف في شهر 12 الجى على 30 زيهم
حد بقى يشور عليا اجيب اية واقسط منين ؟؟؟؟
