موسم البطيخ اشتغل (احذر من قشر البطيخ )

مين يقول ابقى راكب العربية وراجع بالمدام من عند الدكتور هى تعبانة و انا كمان تعبان
كنا بنكشف جملة انا وهى وراجع و مش قادر و سايق العربية و هى قعده جنب منى مرهقة جدا من التعب و مشى بأمان الله
اسمع صوت طخخخخخخخخخخخخخخخخ
و الله ياجماعة كأنه صوت قنبلة و المدام اتخضت و انا كمان اتخضيت انا قولت قالب طوب واقع على سقف العربية نزلت لقيت قشرة ربع بطيخة
روحت شاتم و شاتمة الشارع و اللى سكنين فى الشارع و اللى سكنين فى العمارة
للقيت واحد معدى بعربية بيقولى هو انتا اترمى عليك قشر بطيخ فا بقولو اه قالى اشطة اشطة ايه ياعم قالى اصلى انا للبست واحده امبارح و نفس المكان دة
طيب دة اسم كلام يا جماعة
انا قولت احذركم علشان لو سمعت طخخخخخخخخخخخخخخخخخخ على دماغك لا تنزعك فأنه قشر البطيخ
ربك المستعان
و
ربك يهدى

بطيخ

فى ناس فعلا مزاج عندها تحدف الناس بالبطيخ من اعلى دور

ههههه
دا تلاقيه عيل رخم بيستظرف
الحمدلله محدش اتأذي

اييييكد طفل رذل

أولا الحمد لله إنك ماتزحلقتش عليها بالعربية زي ما حصل معايا .. بس الموقف ينرفز فعلا الدنيا بتمطر بطيخ
ثانيا إية موضوع test دا

حمدا لله على سلامتك وسلامة أهلك، وشفاكما الله وعافاكما.

دول ناس غاوية

النهاردة بطيخ الله اعلم بكرة ايه
حصلت مع نسيبى راكن عربيته تحت عمارة وهووووووب قشرة بطيخ نزلت على السقف طبقته

للأسف أخلاق الناس تغيرت فلا رقيب ولا وازع ولا مراقب

انا بقى اتحدف عليا طوبة لما ركنت قدام قهوة عشان انزل اشترى حاجات. الحمد لله الطوبة جت فى القايم بس لما سالت قالولى ده فى ناس مخنوقة من القهوة فلما بيشوفوا اى كرسى يتحط برة القهوة يحدفوا عليه طوب عشان يمنعوهم يفرشوا فى الشارع. بس انا ايه ذنبى وتحدف على عربيتى طوبة ليه مش فاهم !!!!!!!!!

طيب انت جتلك ع قشر بطيخ انا كنت ماشي بأسرتي وفاتحين شبابيك العربية لقينا حبة عيال عندهم 10 سنين وهوب رموا كيس زبالة سمك جوة العربية واحنا ماشين نزلنا والعيال كانوا جروا وجرينا وراهم ونزلنا وفضلنا نشتم والناس فضلوا يهدونا ويقولولنا معلش واحنا ريحتنا كلها بقت سمك مشوي ومن ساعتها بقيت بقفل الشبابيك
ياراجل ده احنا شعب معفن خاصا الحتت الموبوئة شعب قليل الادب بطبعه

البلد بقت خلطابيتا مفيش ادب ذوق اخلاق = كل اللي بتشوفه من طباع الناس

هو فعلا تلاقيه عيل كدة بيبظ راخمة اهله معرفوش يربوه هو اللى عمل كدة

عندك حق
انا بعاني من حاجات كتيرة بالشكل ده
فيها ايه لو يبقي كل بيت دور واحد بس

هههههه كويس انها ماكانتش بطيخة قرعه وحدفوها كلها