صوت من طرمبة المياه

**mony10** · 10-06-2014 01:11 AM

معايا صني 2004 عملت حوالي 2000 كيلو في كام سفريه ورا بعض بعدها لقيت في صوت خشانه ظاهر والعربيه واقفه روحت للكهربائي كشف عليها قالي البليه الصغيره اللي في الدينامو من جوه هي اللي عامله صوت بس حاجه بسيطه جدا مش ظاهره وبعتني لكهربائي تخصصه في الدينامو والمارش بس الراجل فك ولقينا فعلا البليه الصغيره عامله صوت غيرنا البلي كله وقفلنا والصوت لسه موجود.

آخر حاجه يتكشف عليها هي طرمبة المياه اكيد هي اللي عامله الصوت دا خصوصا انه مش باين والعربيه ماشيه او لما تدوس بنزين وتزود لفات الموتور والعربيه واقفه.

حد جرب الموضوع دا قبل كدا يقترح عليا حاجه تانيه او ياكدلي الفكره خصوصا ان الكشف على طرمبة المياه صعب مش سهل وحد عنده فكره عن تمنها وياباني ولا صناعه تانيه؟

**eng.salama93** · 10-06-2014 02:16 AM

مش صعب ولا حاجة .. فك السير و حرك الطرمبة بإيدك و لو الصوت طلع يبقي منها

**mony10** · 10-06-2014 02:31 AM

هي فكره كويسه جدا بس اتمنى انها تظهر لو فيه مشكله في الطرمبه
متشكر جدا على اهتمامك ومساعدتك
ياريت لو حد عنده فكره عن تنمها والانواع الموجوده وشكرا

**eng.salama93** · 10-06-2014 03:56 AM

المشاركة الأصلية كتبت بواسطة mony10

هي فكره كويسه جدا بس اتمنى انها تظهر لو فيه مشكله في الطرمبه
متشكر جدا على اهتمامك ومساعدتك
ياريت لو حد عنده فكره عن تنمها والانواع الموجوده وشكرا

لا هي دي مش فكره هو دا فعلا اختبار طرمبة الميه

**mony10** · 10-06-2014 04:46 AM

انا مكنتش اعرفها بصراحه وكشفت على طرمبة المياه في عربيتين قبل كدا بس تقريبا كانوا الميكانيكيه تعبانين معملوش الطريقه دي كان بيفك على طول مره كانت بايظه فعلا والتانيه لا
وعموما متشكر للمساعده

**abdoumahros** · 10-06-2014 08:13 AM

زميلي العزيز
انا معايا جين2
لاحظت ان في صوت تكتكه خفيف بيظهر وحتي لو العربيه دايره وواقفه وطبعا لما بتكون العربيه ماشيه بيكون موجود لكن صوت الموتور بيداريه شويه وكان صوت التكتكه ده بيزيد مع تشغيل التكييف المهم في التوكيل قالولي بليه شداد سير المجموعه وتم تغييره لكن الصوت زي ماهوا
وبعدين غيروا طلمبه المياه الصوت والحمد لله اختفي

**tameem2010** · 10-06-2014 09:49 AM

طلمبه المياه لو ضعيفه هتلاقي العربيه بتسخن على السلانسيه والسرعات البطئيه انما على السرعات العاليه بترجع طبيعي
قد تكون الخشونة في بليه طلمبه المياه وديه مش مشكلة خالص وتمشي شوية بس الصوت هيبقى عالي
مفيهاش اي مشكلة عموما وتغييرها سهل خالص
متقلقش الموضوع بسيط

**eng.salama93** · 10-06-2014 02:28 PM

المشاركة الأصلية كتبت بواسطة mony10

انا مكنتش اعرفها بصراحه وكشفت على طرمبة المياه في عربيتين قبل كدا بس تقريبا كانوا الميكانيكيه تعبانين معملوش الطريقه دي كان بيفك على طول مره كانت بايظه فعلا والتانيه لا
وعموما متشكر للمساعده

دا اختبار الخشونة مش الطرمبة بتقلب ولا لأأ

**mony10** · 10-06-2014 11:40 PM

المشاركة الأصلية كتبت بواسطة tameem2010

طلمبه المياه لو ضعيفه هتلاقي العربيه بتسخن على السلانسيه والسرعات البطئيه انما على السرعات العاليه بترجع طبيعي
قد تكون الخشونة في بليه طلمبه المياه وديه مش مشكلة خالص وتمشي شوية بس الصوت هيبقى عالي
مفيهاش اي مشكلة عموما وتغييرها سهل خالص
متقلقش الموضوع بسيط

انا عندي الحراره طبيعيه الحمد لله بس اللي فهمته من كلامك ان ممكن تكون المشكله في البليه ودا في الغالب الوضع اللي عندي
في الحاله دي اغيرها كلها ولا ينفع تغيير البليه فقط؟

**mony10** · 10-06-2014 11:42 PM

المشاركة الأصلية كتبت بواسطة eng.salama93

دا اختبار الخشونة مش الطرمبة بتقلب ولا لأأ

هجرب في اقرب وقت انشاء الله وارد عليو بالنتيجه وبكرر شكري ليك وكل اللي اهتم بالموضوع

الموضوع: صوت من طرمبة المياه

LinkBack

أدوات الموضوع

عرض

-

-

-

المواضيع المتشابهه

طرمبة المياه m11

غير طرمبة المياه للادا بنفسك

تقرير تغيير طرمبة المياه - ابيزا 94

ازاي اكشف علي طرمبة المياه

سعر طرمبة المياه بتاعت 131

الكلمات الدلالية لهذا الموضوع

المفضلات

المفضلات

ضوابط المشاركة