برجاء من السادة الاعضاء مالكى الماتريكس كل واحد يكتب جميع العيوب اللى صادفته مع الماتريكس وكان ايه حلها علشان كلنا نستفيد سواء العربية اوتوماتيك او مانيوال...
برجاء من السادة الاعضاء مالكى الماتريكس كل واحد يكتب جميع العيوب اللى صادفته مع الماتريكس وكان ايه حلها علشان كلنا نستفيد سواء العربية اوتوماتيك او مانيوال...
السلام عليكم ، الفكرة حلوة جدا و اتمنى ان نستفيد كلنا ، انا معايا ماتركس 2008 عاملة 7200 كيلو و العربية ممتازة يمكن العيوب فى الاتى
1-قطع الغيار نار (لسة عامل حادثة و حصلحها فى غبور )
2-التوكيل زى الزفت وزحمة جدا
3-العربية ممتازة ، التكييف عندى مش كويس و طبعا طلبت وانا بعمل صيانة 5000 انهم يكشفوا علية وطبعا معملوش حاجة
4-لاحظت ان العربية بتصفر لما تدوس فرامل
بالنسبة للتوكيل الزفت وقطع الغيار النار دى مش عيوب فى العربية انا قصدى العيوب اللى بتكتشفها وانت سايق
التكييف دايما تخللى اختيار الدورة المغلقة اثناء استخدام التكييف يعنى اللمبة الخضراء اللى فى زرار تغيير اوضاع مخارج الهواء اللى على اليمين تكون منورة ويكون الهواء خارج من الفتحات الرئيسية فقط ده بيعطى افضل اداء للمكيف وخللى البروده عالية وجرب
بالنسبة للصفارة بتاعت الفرامل دى ولا تخاف منها هما فى التوكيل بيفكو الطنابير وبينفخوها بالهواء من التراب وبيرجلجوا فرامل اليد وان شاء الله كله بيبقى تمام
بس انت برضه قول لهم على كل ملاحظاتك دى
ولو الصفير ده صوت من احتكاك العجل بالارض يبقى راجع ضغط الهواء فى الاطارات حتلاقيه ناقص وبلاش حكاية الضبط على 28 دى كلام فاضى اقل حاجة 30 بس يكون المقاس مضبوط
واهلا بيك
السلام عليكم و رحمة الله
انا معايا ماتريكس 2008 مانوال و عامله 16000 كيلو و العيوب الي قابلتني
1-استهلاك مرتفع في البنزين (كل الي اعرفه معاه ماتريكس بيشكي نفس الشكوى)
2-الشنطه بالنسبه لي صغيره نسبيا
3-جودة الصالون و التابلوه اقل بكتير من عربيات كتير في السوق (رأي شخصي)
4-العربيه واطية نسبيا
5-الفتيس ناشف في النقل لكن اتعودت عليه
6-العفشه ناشفه نوعا ما
7-العربية وزنها عالي بالمقارنة بمتور 1600 سي سي
بالأضافه لثابت في كل عربيات هيونداي و هوه مستر غبور
:helpsmilie:والله ياجماعة ياريت لو سمحتم سرعة الرد على الاستفسار ده جزاكم الله كل الخير
تحدث احيانا عند بداية ادارة المحرك ان يحدث ان يعلو الى سرعة دوران عالية ثم يحدث انخفاض ثم ارتفاع فى سرعة المحرك باستمرار الى ان اضغط على دواسة البنزين بقوة فيهدا الصوت الى السرعة العادية ويستقر سرعة السلانسية وتم تنظيف سنسور المسئول عن نسب خلط البنزين بالهواء المركب على منيفولد الهواء ,ثم يحدث احيانا ان يكون الاكسراتير غير ناعم وصوت السيارة خشن قليلا ويحدث نتش فى النقل واحيانا اخرى بعد اطفاء المحرك لساعات ثم الركوب ثانية تختفى المشكلة , هل المشكلة لها علاقة بالبنزين ام بمدة التسخين فى البدء ام بحساسية الدوسة فى البداية ام بالسنسور ام بماذا علما بان فى اوقات اجد السلانسية يصل الى حوالى 600 الى 700 لفة واحيانا اخرى حوالى 900 ولكم جزيل الشكر!!!!!
عيب اساسى كل اسبوعين او ثلاثة جهاز السنتر يعلق
بمعنى يشتغل على باب السائق بس وميفلش باقى الابواب
بس من كثرة المتابعة لاقيت ان الشكوى دة عامة
فحلتها حل بسيط انى تابعت العامل فى التوكيل بيعمل اية لاقيتة بيفك كسوة الباب الداخلية وبيربط مسمار التثبيت بتاع السنتر (بقرط علية )
الموضوع صعب فى الاول بس بدل ما اتعطل واضيع يوم كل مرة فى توكيل غبور بقيت اصلحة فى ثلث ساعة ويمشى معايا فترة انا معايا ماتريكس 2008
انا معايا ماتركس 2008 والملحوظات :
العيوب:
1-وضعية الدركسيون مرتفعة على اقل درجة و دي حاجة مضيقاني جدا خاصة ان انا من النوع للي يمسك الدركسيون بيد واحدة من فوق (مش عوجان ولا حاجة بس تعود:)) طبعا لو عملت كدة في الماتركس ايدي حتوجعني
2- الزجاج الخلفي مرتفع شوية ممكن يضايق شوية في الركنة
3- سرعات المساحات مش متباينة يعني مفيش سرعة بطيئة
4-الابواب لازم ترزعها جامد عشان تتقفل مش زي العربيات التانية
المميزات:
1-سحب العربية معقول جدا بس من غير تكيف لان التكيف بأثر على السحب
2- ثابتة الى حد ما كبيرعلى الطرق المستقيمة لكن الملفات مش أوي لازم تهدي (مزودتش عن 150 كم/س تقريبا)
3-التكيف أنا شايف انو ممتاز
4-الانذار طبعا سيئ جدا و تعبني جدا كل شوية يعلق والريموت زرايرو تعبانة طبعا عشان متركب هنا في مصر
5-صوت موتور معقول و العربية ممكن تقول ناعمة الى حد ما كبير لكن على rpmالعالي( 3 فما فوق) ممكن تسمع الموتور شوية
6-الصالون واسع بمعنى الكلمة والكنبة بتاخد 4 أشخاص بيكونو قاعدين معقولة
7- الباور كويس بس مش حرير عادي يعني
8- وضعية العدادات اللي في النص غريبة شوية بس بتتعود عليها و بتبقي حاجة عادية جدا وميزتها الركاب
بيشوفوها لكن لو مبيحيبوش السرعة مش حتاخد راحتك في الجري اوي
9- الشنطة بتقفل مع السنتر لوك و أنا شايف انها عمليه جدا
انا معايا ماتريكس اتوماتيك 2008 عامله دلوقتى تقريبا 9380 كم
العيوب:
1-استهلاك بنزين عالى
2-الفرامل ضعيفه
3-خامات البلاستيكات اللى فى الصالون كانت ممكن تبقى احسن ولكن هى مش سيئه قوى ممكن نقول عليها مقبوله
4-ثباتها فى الملفات وحش يعنى ماتزودش فى الملف عن 80 علشان تبقى فى الامان
المميزات:
1-صالونها واسع
2-السحب كويس
3-تكييف كويس
4-ارتفاعها عن الارض حلو يعنى نادر اما بتحك فى مطبات
5-سواقتها سهله الصراحه مش عارف اوضحلكوا الميزه ديه ازاى انما مش هيحسها غير اللى ساق العربيه بتتعود على سواقتها بسرعه جدا
6-ثبات حلو فى الطرق المستقيمه متجربه لحد سرعة 160-180
ديه المميزات و العيوب اللى كانت حاضره فى دماغى دلوقتى لو فيه حاجه تانى افتكرتها هبقى اضيفها وبالنسبه لموضوع قطع الغيار مكنش ليا احتكاك بيه قد كده يدوك هو الكف بتاع المرايه اليمين وجيته ب100 جنيه من غبور
السلام عليكم يا جماعه
انا معايا ماتريكس 2008 و هي عربيه ممتازه من حيث انها:
1. واسعه من جوه
2. عاليه عن الأرض ونادر جدا ما تحك في مطب
3. وضعيه مريحه جدا في السواقه تحس انك شايف الطريق و كأنك راكب عربيه جيب
وعيوب العربيه في وجهة نظري:
1.انها تقيله شويتين في السحب
2.العفشه بتدب جامد في المطبات والحفر اللي في الطريق بس يا ريت حد يقوللي هوه ده طبيعي ولا ده عندي بس
3. عصاية الغيار تقيله في النقل خصوصا المرشدير
4. الأبولب و الشنطه مشبيتقفلو الا لو هبدتهم هبده صح
ياريت لو حد عنده تعليق يفيدني علشان لو عندي مشكله نقدر نعالجها
انا معايا 2 ماتريكس كوري و تركي
2007 و 2008
عيوب العربية
استهلاك البنزين عالي (في مستوى اللانسر البومة او اكتر شوية)
العفشة ناشفة بمعنى صوتها عالي مش بتوجع الركاب
مسامير العجل بتبوظ و ده عيب عام في هيونداي ..
غير كده بسم الله ما شاء الله
انا معى الماتركس 2008 اوتوماتيك - كورىاقتباس:
المشاركة الأصلية كتبت بواسطة الريس
بصراحة يعنى بمكن معنديش خبرة قوى بس موضوع البنزين ده يمكن يكون من أقوى إهتمامى - حالياً- يمكن حسبتى مش مضبوطة وجدت انها بتستهلك 1 لتر فى 10 كيلو يعنى مش زى ماكنت يمكن هنا فى المنتدى تعمل 8.8 ك تقريبا
مهنديش لسه انذار أصلا بس ناوى أركب واحد كويس
السارة مريحة بشكل كبير
ياريت ترد على فى موضوع البنزين.
كل سنة وانتم طيبين