| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 7 من 7

  1. #1

    الصورة الرمزية Hany Saad

    رقم العضوية : 30705

    تاريخ التسجيل : 21Jan2009

    المشاركات : 3,050

    النوع : ذكر

    الاقامة : Alexandria-Egypt

    السيارة: Clio 1400cc

    السيارة[2]: FLUENCE II-2014

    الحالة : Hany Saad غير متواجد حالياً

    افتراضي فكرة عمل تبريد حجرة التخزين فى الفلوانس فيس ليفت - Facebook Twitter whatsapp انشر الموضوع فى :

    hasad">

    طبعاً أنا كان عندى درج تابلوه مبرد فى الميجانII و لكن و بمنتهى الأمانة كان تبريده ضعيف و لا يذكر و كونه بعيد عن متناول اليد و أنت سايق خلانى أنسى الأوبشن ده تماماً و مكنتش تقريباً بستخدمه

    الموضوع مختلف تماماً فى الفلوانس فيس ليفت و ده يمكن لأن حجرة التخزين تحت إيدك فبيسهل الوصول للأشياء و أنت سايق و منطقة بتستخدمها يومى و كذا مرة فى اليوم كمان
    الجديد هنا و اللى مش معمول إعتباطاً أبداً أو بالصدفة هى فكرة التبريد نفسها لأن فى الأخر النتيجة مرضية جداً جداًُ
    فى الميجان الفكرة بمنتهى البساطة أن جزء من خرج التكييف كان بيروح مباشرة لدرج التابلوه....و بالرغم من أن التبريد مباشر فى هذه الحالة و لكن مع ذلك النتيجة النهائية مكنتش مرضية...يمكن علشان تكييف الميجان كان أضعف...و طبعاً التكثيف وارد جداً فى هذه الحالة

    بالنسبة للفلوانس أدى فكرة العمل:



    زى ما حضراتكم شايفين أن الهواء البارد مش بس بيمر من تحت حجرة التخزين...لأ دة من الخلف بيلف و يطلع لفوق علشان يخرج من مخارج التكييف الخلفية لأنها مرتفعة
    النتيجة أن حجرة التخزين محاطة " بقميص" من الهواء البارد على طول و على شكل حرف "L " و مع وجود مكيف ممتاز، نتيجة التبريد أكثر من مرضية

    تحياتى

    م/هانى سعد
    Meggieboy سابقا


  2. #2

    الصورة الرمزية ramymechanics

    رقم العضوية : 105269

    تاريخ التسجيل : 25Jun2011

    المشاركات : 949

    النوع : ذكر

    الاقامة : New Cairo

    السيارة: Renault Fluence 2014

    السيارة[2]: Daewoo Espero - Sunny 2009 EX

    الحالة : ramymechanics غير متواجد حالياً

    افتراضي -

    طب السؤال لو الفتحات اللى ورا مقفولة مش هيبقى فيه air circulation فى المكان دة بالتالى الهوا هيسخن مع الوقت ... بمعنى من شرح حضرتك كدة المفروض لو الفتحات مفتوحة يبقى التبريد فالمسند أحسن ... أنا كدة فاهم صح ؟؟


  3. #3

    الصورة الرمزية Hany Saad

    رقم العضوية : 30705

    تاريخ التسجيل : 21Jan2009

    المشاركات : 3,050

    النوع : ذكر

    الاقامة : Alexandria-Egypt

    السيارة: Clio 1400cc

    السيارة[2]: FLUENCE II-2014

    الحالة : Hany Saad غير متواجد حالياً

    افتراضي -

    بشمهندس رامى كبير الفلوانسية و الأقدمية محفوظة
    التكييف دايماً بيرمى هوا بارد فى الداكت ده حتى وانت قافل المخارج الخلفية
    يعنى الهوا البارد جاى من التكييف و بيمشى تحت الكنسول الأوسط ثم تحت حجرة التخزين دى و بعدين يرقد
    مفيش حاجة هتوقف تدفق الهوا من التكييف نفسه.....يعنى على طول التكييف عمال يرمى هوا ساقع لهذه المنطقة....صحيح الهوا الساقع ده مش بيتحرك و يخرج من المخارج الخلفية لانك قافلهم (مفيش circulation) و لكنه بيرقد تحت و خلف حجرة التخزين و بيجدد باستمرار مع ضخ التكييف المستمر لهذه المنطقة و التى لا نستطيع غلق تدفق الهوا الساقع لها

    ما يؤكد هذا ان كل تجاربى تمت و مخارج التكييف الخلفية مغلقة

    تحياتى

    م/هانى سعد
    Meggieboy سابقا


  4. #4

    الصورة الرمزية noapology

    رقم العضوية : 152345

    تاريخ التسجيل : 27Nov2013

    المشاركات : 101

    النوع : ذكر

    الاقامة : مصر

    السيارة: n/a

    السيارة[2]: Fluence 2014

    الحالة : noapology غير متواجد حالياً

    افتراضي -

    اقتباس المشاركة الأصلية كتبت بواسطة ramymechanics مشاهدة المشاركة
    طب السؤال لو الفتحات اللى ورا مقفولة مش هيبقى فيه air circulation فى المكان دة بالتالى الهوا هيسخن مع الوقت ... بمعنى من شرح حضرتك كدة المفروض لو الفتحات مفتوحة يبقى التبريد فالمسند أحسن ... أنا كدة فاهم صح ؟؟
    لا طبعا بيبقي فيه تدوير للهوا حتي لو مقفول لان الهوا علي شكل تيارات بس بتتوقف علي سرعه المروحه سرعه الدوره زي الصوره دي


  5. #5

    الصورة الرمزية ramymechanics

    رقم العضوية : 105269

    تاريخ التسجيل : 25Jun2011

    المشاركات : 949

    النوع : ذكر

    الاقامة : New Cairo

    السيارة: Renault Fluence 2014

    السيارة[2]: Daewoo Espero - Sunny 2009 EX

    الحالة : ramymechanics غير متواجد حالياً

    افتراضي -

    يا رجالة ربنا يخليكم انت كبير الفلوانسية يا هندسة العفو دة انت حافظها مسمار مسمار :))))

    انا بس اتخيلت ان حتى طول مالداكت بيرمى هوا يبقى الحتة دى dead end فالبالتالى مع انتقال الحرارة للمسند الهوا هيخسن بس انتم وضحتم الأمور والمهم انها شغالة مهما كانت النظرية ههههههههههههه


  6. #6

    الصورة الرمزية ahmed mahgoub

    رقم العضوية : 154970

    تاريخ التسجيل : 21Jan2014

    المشاركات : 71

    النوع : ذكر

    الاقامة : الاسكندرية

    السيارة: لا يوجد

    السيارة[2]: تويوتا ياريس 2007

    الحالة : ahmed mahgoub غير متواجد حالياً

    افتراضي -

    الله ينور ياباشمهندس هاني
    لي ملاحظة على الكلام ده.
    ان كفاءة التبريد وحشة جدا بمعني ان لازم تكون مشغل التكييف مالايقل عن ساعة عشان التبريد ينتقل للمسند عشان مافيش تدفق هواء مباشر ولكن بيعتمد على التلامس.
    وبالنسبة للميجان فتكيفها اساسا وحش وعامل زي المروحة فعشان كدا درج التابلوه مكانش بيبرد كويس.

    عامة دلوقتي بيعملو وصلة عشان يركبوها في درج التابلوه لتبريده بس لسة مستنيين فرنسا تعمل confirm للموضوع ده

    شكرا

    م/ أحمد محجوب
    [U]إذا لم يكن عون من الله للفتى ***** فأول ما يجني عليه إجتهاده.


  7. #7

    الصورة الرمزية Hany Saad

    رقم العضوية : 30705

    تاريخ التسجيل : 21Jan2009

    المشاركات : 3,050

    النوع : ذكر

    الاقامة : Alexandria-Egypt

    السيارة: Clio 1400cc

    السيارة[2]: FLUENCE II-2014

    الحالة : Hany Saad غير متواجد حالياً

    افتراضي -

    hasad">

    أحمد بيه محجوب

    أشكرك على المشاركة و حابب أوضح بعض النقاط

    طبعاً مش ممكن تاخد تبريد معقول و مش هقول جيد حتى قبل مرور ساعة لأن فعلاً التبريد عن طريق غير مباشر فى حالة وضع أشياء فى درجة حرارة الجو الخارجى أو غير مبردة و لكن من خبرتى مع تلاجات سيارات من ماركات عالمية زى كولمان coleman و كامبينج جاز campingaz و لفترة طويلة و هم المتخصصون فى مجال ال outdoors عامة و تلاجات الرحلات خاصة.....النتيجة واحدة و مش بتحصل على تبريد معقول قبل ساعة و كلما زادت المدة زادت الكفاءة

    لاحظ كمان أن فكرته بتعتمد على KEEP COOL و ليس التسقيع من البداية.....يعنى المفروض نحط حاجات ساقعة أصلاً فيه و نسافر بيه رحلات فتفضل دايماً الحاجة ساقعة و هو ده الهدف من فكرته
    مش أن أنا مثلاً أحط زجاجة ماء فاتر و متوقع أشربها ساقعة فى أقل من ساعة.....أعتقد هو مش قد الكلام ده خالص
    كل الفكرة هى المحافظة على الأشياء المبردة طوال الرحلة أو تبريد شىء فاتر و لكن بعد إنقضاء فترة طويلة (فوق الساعة).....

    طبعاً أنا ذكرت فى الموضوع أنى كنت دايماً بلاحظ الحاجات ساقعة قوى بعد رحلة سفر من الأسكندرية للقاهرة...يعنى بعد مرور 4 ساعات و نصف و بتكون درجات الحرارة الخارجية 39 فى المتوسط و التسقيع بتاع الحجرة ممتاز و لكن لاحظ أنه للرحلات علشان تاخد منه نتيجة مرضية و مش لمشاوير قصيرة

    تحياتى

    م/هانى سعد
    Meggieboy سابقا



 

المواضيع المتشابهه

  1. مشاركات: 13
    آخر مشاركة: 29-06-2014, 11:41 PM
  2. عن تسارع الفلوانس فيس ليفت أتحدث.....
    بواسطة Hany Saad في المنتدى ريــــنو
    مشاركات: 13
    آخر مشاركة: 31-03-2014, 03:53 PM
  3. خطأ فادح في الفلوانس فيس ليفت
    بواسطة miceg في المنتدى ريــــنو
    مشاركات: 32
    آخر مشاركة: 11-03-2014, 11:06 AM
  4. عيوب الفلوانس الفيس ليفت .. ال فئة 188
    بواسطة ahmad_82_03 في المنتدى ريــــنو
    مشاركات: 32
    آخر مشاركة: 09-03-2014, 02:12 AM
  5. صور لتفاصيل الفلوانس فيس ليفت من الداخل
    بواسطة Hany Saad في المنتدى ريــــنو
    مشاركات: 13
    آخر مشاركة: 26-01-2014, 11:05 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2