الموضوع: ممكن اعرف ايه اللى فى شمعه الفلتر الاولى ده ؟!

ايه لازمته لما المياه شديدة كده :)
اتحكم فى كمية المياه اللى داخلة على الحنفيات
من محبس الشقة

المشاركة الأصلية كتبت بواسطة trondo

مكنتش ركبت موتور احسن :)))

لا يوجد ميه بدون ماتور وانا فى اول بلكونه تخيل.......
الغلطه انه جه قوى جدا عشان كان فى سكان داخلين معانا ومدخلوش

المشاركة الأصلية كتبت بواسطة ahmedfouad

ايه لازمته لما المياه شديدة كده :)
اتحكم فى كمية المياه اللى داخلة على الحنفيات
من محبس الشقة

بيفتح المحبس !!!!!!

المشاركة الأصلية كتبت بواسطة salodas

الأخ zkralla اوجز وأنجز .
أحب اضيف ان لو الضغط أصلا كويس فى الخط الرئيسى ... ممكن حضرتك تفصل كهربة الموتر وخلاص ....يعنى الموتور ميشتغلش والدنيا هتكون تمام

انا اصلا بشغله كهرباء يدوى بمفتاح لان الميه مش على طول ضعيفه لكن لو ضعفت مفيش نقطه مياه بتنزل ولااااااازم موتور بكل الاوساخ اللى بيجبها من الشارع (يمكن عشان خاصيه السحب)

المشاركة الأصلية كتبت بواسطة zkralla

ده فهمى للقصة ديه من زمان حسب شرح جيرانى واصدقائى القدامى من ش نجيب الريحانى والمهدى سوق طلمبات المياه فى القاهرة

الخلاصة : ممكن تظبط الاتوماتيك بحيث تقلل الحد الاعلى بتاع كمية المياه المخزنة فى البالونة maxmize فبالتالى يقل ضغط المياه فى حنفيات الشقة

لو عاوز تفاصيل :
الماتور بيشتغل فقط عشان يملى البالونة ويفصل بعد كده
لما تفتح الحنفية تبدأ البالونة تضغط المياه فى الحنفية لغاية ما توصل الميه فى البالونة لحد معين الى هو الحد الادنى minimize فيبدأ الاتوماتيك يشغل الماتور عشان يملأ البالونة تانى ويعوض النقص الى حصل ويملأ البالونة بالمياه لغاية ال الحد الاقصى ليها maxmize
ظبط الاوتوماتيك هو الى بيحدد الحد الادنى والاعلى بتاع البالونة
يعنى ببساطة اكتر البالونة عاملة زى حزان مياه بس بدل ما هو فوق السطح بيبقى جمب الماتور والماتور وظيفته أنه يملىء البالونة فقط وملوش علاقة مباشرة مع حنفيات الشقة
الاتوماتيك هو الى بيحدد امتى الماتور يشتغل وامتى يفصل
فحكاية إن الماتور 1 حصان الى حضرتك بتتكلم عليها ديه ملهاش علاقة بالمشكلة
كمان حجم البالونة ملوش علاقة هى عادتا بتكون 25 لتر وضغط المياه فيها اد ايه هو المهم مش حجمها

اشكرك جدا على الرد وعلى خبرتك
ممكن افتح معاك شويه عشان ابقى فاهم اما اروح للصنايعيه
دلوقتى البالونه هى اللى بتتملى مياه....طيب فى مواتير من غير بلالين ...اعتقد كده المسئول عن الضخ هو الموتور نفسه ...اتمنى التصحيح لو كنت غلطان.

-مشكله الرمل والزلط عشان الموتور بيسحب من العمزمى ويضخ ولا ملهاش علاقه.

-هل الصدا جاى من جسم الموتور او البلونه ومحتاج تنظيف لان المواسير بولى.

المشاركة الأصلية كتبت بواسطة mk3

اشكرك جدا على الرد وعلى خبرتك
ممكن افتح معاك شويه عشان ابقى فاهم اما اروح للصنايعيه
دلوقتى البالونه هى اللى بتتملى مياه....طيب فى مواتير من غير بلالين ...اعتقد كده المسئول عن الضخ هو الموتور نفسه ...اتمنى التصحيح لو كنت غلطان.

تمام

-مشكله الرمل والزلط عشان الموتور بيسحب من العمزمى ويضخ ولا ملهاش علاقه.

-هل الصدا جاى من جسم الموتور او البلونه ومحتاج تنظيف لان المواسير بولى.


باعتذر كان نفسى اجاوبك بس للأسف مش عارف السبب فى زيادة الشوائب بالصورة الملحوظة ديه ايه

اشكرك حضرتك قولت تمام على ان الموتور من غير بالونه هو اللى بيضخ....طيب منا افك البالونه عندى عشان الضخ يبقى من الموتور وبالتالى يبقى ضخ اقل !!