ده حال شمعه الفلتر الاولى بعد شهر مممكن اعرف ايه ده وعباره عن ايه ؟!
صوره
http://i60.tinypic.com/2v0ydmv.jpg
عرض للطباعة
ده حال شمعه الفلتر الاولى بعد شهر مممكن اعرف ايه ده وعباره عن ايه ؟!
صوره
http://i60.tinypic.com/2v0ydmv.jpg
ربنا يشفى الجميع
فعلا ربنا يشفى
ربنا يصلح حال البلد . ونشوف المياه معدنية .
انا بسأل عن نوع المادة منا عارف ان الميه مطينه بطين
أظن ده صدأ , والله أعلم
شوائب (تراب على رمل على حصى على صدأ)
بتطلع كده عندى
اعتقادى الاكبر صدء لان المواسير عندى حديد والشقه اتقفلت فتره
شكرا على الرد يا جماعه ولو امكن الافاده فى التالى حيث انى لم اجد رد حتى مع السباكين
سبب البلاوى عندى كلها (الصدا والرمل والاوساخ والمجارى احيانا) السبب موتور المياه قوى جدا جدا لانه 1 حصان سحب وضخ وبالونه كبيرة (على اول بلكونه وشقه واحده بس) لدرجه ان الموتور بيفتح كل حنفيات الشقه وبيبوظ القلوب بسرعه
السؤال اللى محتار فيه منذ شراء الموتور من 4-5 سنيين اهدى الموتور ازاى ؟ مش عارف هل له ضبط من الاتوماتيك مثلا ؟ ولا الحل اللى لسه مفكر فيه من شويه افك البالونه واخليه من غير بالونه ؟
مكنتش ركبت موتور احسن :)))
ده فهمى للقصة ديه من زمان حسب شرح جيرانى واصدقائى القدامى من ش نجيب الريحانى والمهدى سوق طلمبات المياه فى القاهرة
الخلاصة : ممكن تظبط الاتوماتيك بحيث تقلل الحد الاعلى بتاع كمية المياه المخزنة فى البالونة maxmize فبالتالى يقل ضغط المياه فى حنفيات الشقة
لو عاوز تفاصيل :
الماتور بيشتغل فقط عشان يملى البالونة ويفصل بعد كده
لما تفتح الحنفية تبدأ البالونة تضغط المياه فى الحنفية لغاية ما توصل الميه فى البالونة لحد معين الى هو الحد الادنى minimize فيبدأ الاتوماتيك يشغل الماتور عشان يملأ البالونة تانى ويعوض النقص الى حصل ويملأ البالونة بالمياه لغاية ال الحد الاقصى ليها maxmize
ظبط الاوتوماتيك هو الى بيحدد الحد الادنى والاعلى بتاع البالونة
يعنى ببساطة اكتر البالونة عاملة زى حزان مياه بس بدل ما هو فوق السطح بيبقى جمب الماتور والماتور وظيفته أنه يملىء البالونة فقط وملوش علاقة مباشرة مع حنفيات الشقة
الاتوماتيك هو الى بيحدد امتى الماتور يشتغل وامتى يفصل
فحكاية إن الماتور 1 حصان الى حضرتك بتتكلم عليها ديه ملهاش علاقة بالمشكلة
كمان حجم البالونة ملوش علاقة هى عادتا بتكون 25 لتر وضغط المياه فيها اد ايه هو المهم مش حجمها
الأخ zkralla اوجز وأنجز .
أحب اضيف ان لو الضغط أصلا كويس فى الخط الرئيسى ... ممكن حضرتك تفصل كهربة الموتر وخلاص ....يعنى الموتور ميشتغلش والدنيا هتكون تمام
ايه لازمته لما المياه شديدة كده :)
اتحكم فى كمية المياه اللى داخلة على الحنفيات
من محبس الشقة
لا يوجد ميه بدون ماتور وانا فى اول بلكونه تخيل.......اقتباس:
المشاركة الأصلية كتبت بواسطة trondo
الغلطه انه جه قوى جدا عشان كان فى سكان داخلين معانا ومدخلوش
بيفتح المحبس !!!!!!اقتباس:
المشاركة الأصلية كتبت بواسطة ahmedfouad
انا اصلا بشغله كهرباء يدوى بمفتاح لان الميه مش على طول ضعيفه لكن لو ضعفت مفيش نقطه مياه بتنزل ولااااااازم موتور بكل الاوساخ اللى بيجبها من الشارع (يمكن عشان خاصيه السحب)اقتباس:
المشاركة الأصلية كتبت بواسطة salodas
اشكرك جدا على الرد وعلى خبرتكاقتباس:
المشاركة الأصلية كتبت بواسطة zkralla
ممكن افتح معاك شويه عشان ابقى فاهم اما اروح للصنايعيه
دلوقتى البالونه هى اللى بتتملى مياه....طيب فى مواتير من غير بلالين ...اعتقد كده المسئول عن الضخ هو الموتور نفسه ...اتمنى التصحيح لو كنت غلطان.
-مشكله الرمل والزلط عشان الموتور بيسحب من العمزمى ويضخ ولا ملهاش علاقه.
-هل الصدا جاى من جسم الموتور او البلونه ومحتاج تنظيف لان المواسير بولى.
اشكرك حضرتك قولت تمام على ان الموتور من غير بالونه هو اللى بيضخ....طيب منا افك البالونه عندى عشان الضخ يبقى من الموتور وبالتالى يبقى ضخ اقل !!
المتور ملوش دعوه وان كان عليه نسبه فهى ضعيفه انه بيسحب شويه زياده
انا عندى متور ومش بيشتغل كتير نسبيا والفلتر بيطلع اكتر من كدا
الشوائب والصدى والطين وكل الى انت شايفه ده عادى موجود فى الميه الى داخله لينا كلنا
فى مصر بحالها تقريبا
والمشكله كمان انى اخر الخط تخيل بقى كل وساخه وطين الخط الرئيسى كلها بتتحوش عندى
الحل عملت محبس تنضيف فى اخر الخط على حسابى الخاص وكل اسبوع او اتنين بفتحه ابقى تعالى اتفرج على الميه الى بتخرج مش ماية شرب خالص ددى
ربنا يسترها علينا بجد
لا
العكس هو الصحيح
ضغط المياه من الماتور ثابت
لو فصلت البالونة يبقى حضرتك استغنيت عن الطريقة الوحيدة الى تخليك تتحكم فى ضغط المياه الى داخلة الشقة
الطريقة السليمة - زى ما قولت لحضرتك - تظبط الضغط من الاتوماتيك وديه اى سباك او كهربائى ماتور هيعملها فى 5 دقائق بلف صاموله تحتها سوستة بتلاقيها اول ما تفتح الاتوماتيك
ده شكل الاتوماتيك من بره
http://inspectapedia.com/water/Press...tch001DJFs.jpg
وده شكله من جوه وجواه الصاموله الى بتظبط بيها الضغط
http://inspectapedia.com/water/Press...tch004DJFs.jpg
د
http://www.nilemotors.net/Nile/633880-post14.html
من واقع خبرتى مع مواتير المياه فان كل شقة يلزم لها نصف حصان من قدرة موتور المياه مع مراعاه عامل التشتت، يعنى لو شقة واحدة هات موتور نص حصان، لو شقتين هات موتور حصان، لو تلات شقق هات 1.5 حصان، لكن لو اربع او خمس شقق ممكن برضه تجيب 1.5 حصان لان مش كل الشقق هتفتح المية فى وقت واحد، الحسبة تكون فى حدود عدد الشقق مضروبا فى 60% عامل تشتت مضوربا فى نصف حصان،
الحاجة التانية اوعى اوعى اوعى تركب موتور من غير اوتوماتيك وبالونة، يبقى كدة انت مستغنى عنه لأن عاجلا او آجلا ستأتى تلك اللحظة التى يشغله فيها احدهم وينساه شغال وهى ديتها ساعتين تلاتة وتلاقى الحاكم الميكانيكى بتاعه mechanical seal باظ والمتور جاب مية ، ما نسميه شعبيا باسم اوتوماتيك هو ببساطة وحدة بسيطة اسمها (pressure switch) او مفتاح ضغط، يشبه فى وظيفته حساس الزيت اللى فى موتور اى عربية اللى بيخلى لمبة الزيت تطفى لما ضغط الزيت يوصل للقدر المناسب، وظيفة مفتاح الضغط ده ان الموتور يشتغل لوحده لما الضغط فى الخط ينزل الى حد معين ويفصل لوحده لما الضغط يعلا الى حد معين ، وفيه جواه صامولتين واحدة بيتظبط منها ضغط الفصل والتانية بيتظبط منها ضغط التشغيل، اما البالونة فوظيفتها انها تحافظ على الضغط المرتفع لفترة علشان الموتور لما يفصل ما يشتغلش تانى غير بعد فترة زمنية كافية لانه يبرد ويريح، وكذلك لما يقوم ميفصلش بسرعة، يعنى اللى بيحصل لو البالونة اتخرمت والمتور شغال على الاتوماتيك انك بتلاقىالمتور بيشتغل ويفصل بمعدل 100 مرة فى الدقيقة الواحدة(الرقم واقعى وليس فيه اى مبالغة) لحد ما الموتور يتحرق ،والبالونة مكونة من وعاء معدنى بداخله بالونة مطاط، البالونة المطاط هى اللى بتتملى مية من الموتور، اما المسافة الفاصلة بينها وبنين الوعاءس المعدنى فيتم نفخها بالهواء على ضغط 2 بار(28 رطل على البوصة المربعة-مثل كاتش السيارات تماما) وذلك من خلال بلف نفخ موجود فى اعلى الوعاء المعدنى يشبه تماما بلف نفخ كاوتش السيارات ويتم نفخها اما عند بتاع الكاوتش او بمنفاخ يدوى او كهربى،وطبعا لتركيب اوتوماتيك وبالونة على الموتور لازم يركب معاهم عداد ضغط pressure gauge علشان تضبط عليه الأوتوماتيك، والبالونة والعداد والأتوماتيك جميعهم بيركبوا على وصلة واحدة تباع خصيصا لهذا الغرض، من المعلومات الخاطئة الشائعة ان البالونة والعداد والأوتوماتيك لابد من تركيبهم على الموتور مباشرة، هذة معلومة غير حقيقية لان البالونة والأوتوماتيك والعداد يمكن تركيبهم على اى مكان فى الخط بعد مخرج الموتور، انا شخصيا مركب الموتور فى الدور الأرضى فى منور العمارة ولكن مجموعة الأتوماتيك والبالونة والعداد مركبها عندى فى مدخل المياه فى حمام البيت فى الدور الخامس، وذلك لسهولة الصيانة ولسهولة تعديل وضع الأوتوماتيك ليناسب سحب المياه فى الأيام المختلفة(يعنى مثلا ظبطة طول الأسبوع ممكن تخلى الموتور يفضل ينحر ومايفصلش يوم الجمعة قبل الصلاه لأن كل شعب مصر بيكون فاتح الحنفيات فى تلك اللحظة وبالتالى سحب المياه ضعيف جدا ولذلك ممكن اقلل ضغط الفصل شوية يوم الجمعة وارجع اعدله بعد كدة فى دقيقة واحدة لأن الاوتوماتيك امام عينى) كما ان وجود الأتوماتيك فى البيت بيتيح ليا تشغيل الموتور مانيوال او اوتوماتيك(يعنى بشكل متصل او مع تغير ضغط المياه)، كل الفكرة انك لما تظبط ضغط الفصل والتشغيل فى الأوتوماتيك لازم تقللهم بمقدار 1 بار لكل ثلاثة ادوار ارتفاع بين النقطة اللى فيها الموتور والنقطة اللى فيها الأوتوماتيك، يعنى مثلا انا ظابط ضغط التشغيل عندى على 1 بار وضغط الفصل على 2.5 بار فى النقطة اللى الأوتوماتيك راكب فيها فى الدور الخامس، ده معناه ان الموتور بيشتغل فعليا عند 2.5 بار و يفصل عند 4 بار فى نقطة تركيبه فى الدور الأرضى لأن المية بيقل ضغطها 1 بار كل ما تطلع 10 أمتار ارتفاع (البار هو وحدة قياس الضغط وتساوى واحد ضغط جوى او وزن عمود من الزئبق ارتفاعه 76 سم او وزن عمود من الماء ارتفاعه 10متر و 30 سم)
لتركيب موتور لازم تركب صمام عدم رجوع قبل مدخل المتور وصمام عدم رجوع بعد مخرج المتور (اللى بيسموه شكبلف او سكس بلف) علشان يفضل الضغط بعد المتور ثابت لضبط تشغيل الأوتوماتيك ومحبس بلية قبل الموتور وآخر بعد المتور ، وكذلك خط بديل by passيتيح فك الموتور للصيانة فى اى وقت دون الحاجة لقطع المياه عن المكان ويكون الخط البديل به محبس عدم رجوع ومحبس بلية، يبقى لنا انه فى حالة شرائك لموتور غالى فلابد من شراء وحدة حماية ضد انقطاع المياه تمنع تشغيل الموتور بدون ماء حيث ان تشغيل الموتور والمياه مقطوعة كفيل بتدمير الحاكم الميكانيكى فى دقائق
جميع هذة المكونات وقطع غيارها موجودة فى شارع نجيب الريحانى المتفرع من شارع الجمهورية بجوار محطة مترو العتبة واسعارها بسيطة جدا، يعنى مثلا البالونة تمنها فى حدود 60 جنيه، غيار بالونة مطاطى 15 جنيه، اوتوماتيك متور ايطالى 25 جنيه، عداد ضغط 15 جنيه، وصلة اوتوماتيك موتور ايطالى 20 جنيه، بلف عدم رجوع 20 جنيه، محبس بلية 10 جنيه، حاكم ميكانيكى(ميكانيكال سيل) لموتور 1 حصان 15 جنيه ، موتور 1/2 حصان صينى 90 جنيه، موتور 1/2 حصان ايطالى 400 جنيه، موتور 1 حصان صينى من أول 180 جنيه ، موتور 1 حصان اتحاد اوروبى 300 جنيه، موتور 1 حصان ايطالى من أول 800 جنيه، وهكذا
__________________
سبعاوى
السلام عليكم
اسمحوا لى ان اشارك ببعض المعلومات لهذه الحاله تحديدا
1/ اللى فى الفلتر و كان باين جدا فى اول المشاركة عباره عن تراب - صدأ رواسب
2/ منين ؟ :
ا/ من المواسير الحديد و الوصلات اللى المفروض تتغير الى بولى بروبلين من الانواع المعتمدة
ب/ من جسم الموتور نفسه لو الموتور زهر موش نحاس.
ج/ من ماسوره التغذيه الرئيسية و دى اللى عاوز اقف عندها شويه ... ازاى :(
يعنى فيه حد جنبك عمل اصلاحات فى ماسوره التغذيه اللى داخله عندك او اللى داخله للشارع و للاسف بتبان اكتر عند الناس اللى بتسرق وصله و بتحبش مكان الكسر باسمنت و جبس مثلا و بعد فتره التراب و الرمل اللى حوالين الماسوره اللى فيها الكسر بيدخل مع التغذية و بالتالى بيبان بالشكل ده
السبب
الموتور جامد جدا ... 1 حصان يعنى بيسحب لحد 50 متر مستريح و حضرتك فى الدور الاول يعنى ( الله يكون فى عونك ) بتسحب الميه بقوه شديده و د هبيسمح بشفط التراب و الرواسب معاك و بالتالى مافيش اى نوع من الفلاتر هينفع
الحل
الحل السهل
1/ تحول المواسير لبولى و حذف اى جزء معدنى
2/ تغيير الموتور بواحد 1/2 حصان و ننصح بماركه كوميت و اياك و الكالبيدا
3/ تجيب اوتوماتيك و بلونه زيمكس او ايتال ميكانيكا او كوميت منشارع الجمهوريه
4/ فى الحاله اللى فاتت لو الميه اتقطعت هتتطر تفصل الكهرباء و الا الموتور هيتحرق من التشغيل الجاف
5/ الاحسن موتور 1/2 حصان و فلوماك بريو 2000
6/ تركب فلتر مستورد بحشوه بلاستيك لا تتغير كما بالمشاركه
7 / و ده الاهم تشوف مين اللى كاسر ماسوره التغذية الرئيسة و شافط منها خلسه او اى تجمع للمياه جنب الرصيف باستمرار يبقى الكسر هنا و مع قوه تشغيل الموتور بيشفط التراب معاها
8/ و ده الاهم تطبق خمسين جنيه و تجيب حد من الاشرار :) بتوع الكبانيه يسلك العداد و يكشف على المحبس العمومى و لو انى متاكد من موضوع الكسر ده
جارى تحميل الصور
تحياتى
الفلتر ذى الحشوه البلاستيك - ضمان مدى الحياه- على الدخول الرئيسى لمصدر المياه
شكل تركيب الفلوماك بدون بلونه
نموذج تركيب الفلوماك و اللى مركبه عندى اول اصدار ليه على موتور 1/2 ح بقوه دفع 40 م تقريبا :) بيخرم دماغ اللى بيستحمى
نموذج الرواسب الطبيعيه بالفلتر ودى بتبان اكتر لما الميه بتتقطع نتيجه اعمال الصيانه او اصلاح كسر بمواسير التغذيه
للاسف موقع تحميل الصور فى الصيانه
نتابع
تحياتى
ده سؤال وجيه جدا المواسير البولى بتقلل فرصه تكوين الصدا بس
مهما كان الصدى اللى فى المواسير موش هتبقى بالشكل اللى عندك ده
احنا بنقلل احتمال وجود شوائب و رواسب
والمصدر عمره ما هيكون الرواسب دى الا لو المايه جايه من خزان حديد غير مجلفن او من كسر بالماسوره التغذيه ..
معلش موقع التحميل الصور لسه تحت الصيانة:_Alshmokh08[1]:
تحت امركم و جارى رفع الصور
شكر للجميع وشكر خاص كبير اوى للعضو جلجل
تحت امركم جميعا و ان شاء الله المشكله تتحل
تحياتى للجميع.