الموضوع: مصدر امني تطبيق عقوبة عدم ربط الحزام من اليوم

الأخوة الزملاء اللى معترضين على تطبيق عقوبة الحزام ووجهة نظرهم ان اللى مش رابط الحزام هيضر نفسه مش هيضر غيره. أحب اقول لحضراتكم تخيلوا معى السيناريو التالى:
واحد ماشى بعربيته ومركب الحزام وحصل موقف مفاجئ اضطر معاه يضرب فرامل وهو على سرعة. كلنا عارفين ان الحزام بعد رحمة الله بيكون سبب فى حمايته هو واللى معاه وخلاص الموضوع انتهى ومفيش ضرر ليه او لغيره. طيب نفس الموقف كدة حصل والسائق مش مركب الحزام هو او اللى معاه. طبعا مع الفرملة كلنا عارفين ايه اللى ممكن يحصل له. بعد كدة ( وده اللى بتكلم فيه ) هيفقد السيطرة على العربية نتيجة تعرضه لاصابة او كدمة او فقدان وعى مفاجئ وده هيخليه يتسبب فى كارثة فى حق اللى حواليه من ركاب او سيارات محيطة.

ربنا يحفظنا جميعا ويسترنا وينجينا

المشاركة الأصلية كتبت بواسطة mohamed_hamid

الأخوة الزملاء اللى معترضين على تطبيق عقوبة الحزام ووجهة نظرهم ان اللى مش رابط الحزام هيضر نفسه مش هيضر غيره. أحب اقول لحضراتكم تخيلوا معى السيناريو التالى:
واحد ماشى بعربيته ومركب الحزام وحصل موقف مفاجئ اضطر معاه يضرب فرامل وهو على سرعة. كلنا عارفين ان الحزام بعد رحمة الله بيكون سبب فى حمايته هو واللى معاه وخلاص الموضوع انتهى ومفيش ضرر ليه او لغيره. طيب نفس الموقف كدة حصل والسائق مش مركب الحزام هو او اللى معاه. طبعا مع الفرملة كلنا عارفين ايه اللى ممكن يحصل له. بعد كدة ( وده اللى بتكلم فيه ) هيفقد السيطرة على العربية نتيجة تعرضه لاصابة او كدمة او فقدان وعى مفاجئ وده هيخليه يتسبب فى كارثة فى حق اللى حواليه من ركاب او سيارات محيطة.

ربنا يحفظنا جميعا ويسترنا وينجينا

كلام سليم 100%
ولكن يجب تطبيق القوانين كلها وتمشى على الناس كلها
وإلا ولا يبقى عملنا حاجة

المشاركة الأصلية كتبت بواسطة sens

طب يا جماعة وايه المشكلة اما نربط الحزام .. ماهو ف الاخر عشان مصلحتنا .. بمعنى اننا اما بنربط الحزام بيبقى الاستفادة لك انت .. اولا عشان حياتك وتانيا عشان (( محدش يوقفك ويحاسبك على الحزام )).. على فكرة مش النوع اللى بركب الحزام دايما ولكن عند الطريق المفتوح بحاول انى التزم واركبه .. لانى عملت حادث من قبل والحزام فرق معايا كتيييييير.. وربنا يحفظ كل من على الطريق

في ناس كتير عمتا اعرفهم خارج المنتدي و انا منهم معترضين علي الحبس.
لو غرامة ماشي إنما حبسوا واحد مربطش حزام،تفتكر ده مش هيأثر علي مستقبله؟؟
محدش قال الحزام ملوش فايدة بالعكس ده مفيد جدا

المشاركة الأصلية كتبت بواسطة sens

اعتقد ان موضوع الحبس بيطبق عند الامتناع عن دفع الغرامة.. طبعا مش ممكن حد هيحبس نفسه عشان يعند ما يدفعش ..المقصود انه بيشدد العقوبة عشان الناس تلتزم

لو كدة ماشي،فعلا محدش هيحبس نفسه علشان ميدفعش
انا فهمت إن الحبس و الغرامة مع بعض
شكرا للتوضيح