مصدر أمني: تطبيق قانون غرامة عدم ربط حزام الأمان لسائقي السيارات من اليوم.. #مصر
الغرامة : ١٠٠ إلى ٣٠٠ جنیھ
العقوبة : الحبس من ١ شھر إلى ٣ أشھر
https://scontent-a-fra.xx.fbcdn.net/...85313105_n.jpg
عرض للطباعة
مصدر أمني: تطبيق قانون غرامة عدم ربط حزام الأمان لسائقي السيارات من اليوم.. #مصر
الغرامة : ١٠٠ إلى ٣٠٠ جنیھ
العقوبة : الحبس من ١ شھر إلى ٣ أشھر
https://scontent-a-fra.xx.fbcdn.net/...85313105_n.jpg
الحزام بايظ
يا مسهل عقبال ما يولعوا فى اللى بيمشو عكس الاتجاة ويسببو كوارث ونخلص منهم امين يا رب
ومفيش اخبار عن مواقف الميكروباص العشوائية اللى مكرهانا فى حياتنا
حبس عشان حزام!!!!!!!!!! امال عكس اتجاه ياخد مؤبد!!!!!!!!!!1
حبس عشان الحزام
غرامة ماشي , بس حبس !!!!!!!!!!!!
يعني لو واحد نسي الحزام يتحبس شهر
طيب عكس الإتجاه ممكن حبس عشان بيعرض حياة الآخرين للخطر
مع إن العقوبة المفروض تبقى بحد اقصى سحب الرخصة مدى الحياة
مش يتحبس زي المجرمين
بس الحزام إيه اللي فيها بقى
يوم ما يخبط هو اللي هيضر , مش هيضر غيره في أي حاجة
انا عمرى ما ربطت الحزام فى حياتى وانا سايق غير وانا داخل على لجنه ومش على طول كمان
طب وبالنسبة للتكاتك
وبالنسبة للميكروباصات اللى ماشية تخبط في خلق الله
وبالنسبة للماشيين من غير نمر اصلا
ولا هى غرامة عشان بتوع الملاكي بس ولاد ناس وحيدفعوا لكن بتوع التكاتك والميكروباصات حينزلوا يعملولهم قلق وخناقة
مفيش مشكله اربطه بس لما الاقي الظابط و المستشار ماشي رابطه برضه و بيطبق عليه القانون ساعتها يبقي اللي مش رابطه يتحبس من غير كلام !!!
وهو حل مشاكل المرور فى الحزام فى مدينه لا تتعدي سرعه السياره فيها 40 كم/ساعه !!!
الجو حر مش طالبه حزام
اللي بيحط المخالفات ده بيفكر في ايه؟؟؟
ده بييجي في الهايفة و يتصدر،تحبس واحد مربطش الحزام بتاعه و في الاخر الضرر هيبقي ليه هو
ما تتشطروا علي التكاتك اللي بتمشي في جامعة الدول قصاد الونش عادي جدا و الميكروباصات اللي قافلة الشارع و اللي بيمشوا عكسي علي الصحراوي في الحارة الشمال.
انا بلبس حمالات -_-
:_Alshmokh08[1]::_Alshmokh08[1]:هى طالبة خنقة ما كفاية اللى احنا فيه
ولا هو اى هبل وخلاص؟؟؟؟؟؟؟؟؟؟؟:_Alshmokh08[1]::_Alshmokh08[1]:
موضوع لم فلوس مش أكتر هو مش خايف عليك و لا عاوز يطبق نظام و لا قانون. لكن الصراحة لازم كلنا نربط الحزام عشان مصلحتنا مش عشان حاجة تاني. الحزام و الله أحيان كتير ربنا بيجعله سبب في انقاذ أرواح.
كلامك سليم الحزام حماية ليك مش لحد تانى وانا الحمد لله طول عمرى بربط الحزام وعمرى ما سوقت من غيرة ومرة باظ فى عربيتى القديمة الدوجان وكان مش بيلوك لو اتشد بسرعة كنت مضايق قوى ومش عارف اصلحة بس كنت برضة بربطة وبعدين بعت العربية
الحزام تانى امان ليك وللى راكب معاك وفعلا ياما نفع ناس
المهم تفعيل باقى قوانين المرور علشان الانضباط فى الشارع وي سلام لو يقصفو عمر سواقين المقطورات والكوارث اللى بيعملوها
ربنا يحفظنا جميعا من كل سوء
هوا خلاص مبأناش فالحين غير فى جباية الفلوس و بس
انا عمرى ما ربطت الحزام غير مره واحده للتجربه :d
يعنى ابقى مجرم علشان مش خايف على نفسى
ينهار موز
الناس اللى بتقول بيلموا فلوس و خلاص ياسيدى اربط الحزام و انت الكسبان
ياريت يكملوا و يظبطوا باقي الحاجات السلبيه اللى فى الطريق
انا متفق معاك .... بس السلبيات كتيره قوى
ولما يبدأو يظبطوا الدنيا الناس السايبه تبدأ تحس ان فيه شده فتتلم
الناس اللى واخده العكسي على طول الخط
الناس اللى بتزمر على الكلكس عمال على بطال
الناس اللى مش بيشغل نوره لحد الساعه ١٢ بليل و تلاقي العربيه شبح
الناس اللى انوارها الخلفيه بايظه
الناس اللى مواتيرها مفوته و عامله سحابه بيضا و سودا
الناس اللى بتسوق دون السن القانوني
دول عندى اهم من الحزام و الملصقات و الكلام دا كله
يعنى موضوع الحزام دا مش هيفيد حد غير اللى سايق لكن اللى سايقين حواليه ولا حاجه
المرور عاوز ظبطه كبيييره و اهمها فى رائي الشخصي .... رخصه من اول و جديد .... علشان الناس تحترم نفسها
حبس علشان عدم ربط الحزام
اعتقد استحااااااااله
الأخوة الزملاء اللى معترضين على تطبيق عقوبة الحزام ووجهة نظرهم ان اللى مش رابط الحزام هيضر نفسه مش هيضر غيره. أحب اقول لحضراتكم تخيلوا معى السيناريو التالى:
واحد ماشى بعربيته ومركب الحزام وحصل موقف مفاجئ اضطر معاه يضرب فرامل وهو على سرعة. كلنا عارفين ان الحزام بعد رحمة الله بيكون سبب فى حمايته هو واللى معاه وخلاص الموضوع انتهى ومفيش ضرر ليه او لغيره. طيب نفس الموقف كدة حصل والسائق مش مركب الحزام هو او اللى معاه. طبعا مع الفرملة كلنا عارفين ايه اللى ممكن يحصل له. بعد كدة ( وده اللى بتكلم فيه ) هيفقد السيطرة على العربية نتيجة تعرضه لاصابة او كدمة او فقدان وعى مفاجئ وده هيخليه يتسبب فى كارثة فى حق اللى حواليه من ركاب او سيارات محيطة.
ربنا يحفظنا جميعا ويسترنا وينجينا
ده بالنسبه لقائد السياره العادى لكن سيظلم من هذا القرار كل معاق لانه يستخدم كلتا يديه فى القياده ولابد ان يكون حرا
طب يا جماعة وايه المشكلة اما نربط الحزام .. ماهو ف الاخر عشان مصلحتنا .. بمعنى اننا اما بنربط الحزام بيبقى الاستفادة لك انت .. اولا عشان حياتك وتانيا عشان (( محدش يوقفك ويحاسبك على الحزام )).. على فكرة مش النوع اللى بركب الحزام دايما ولكن عند الطريق المفتوح بحاول انى التزم واركبه .. لانى عملت حادث من قبل والحزام فرق معايا كتيييييير.. وربنا يحفظ كل من على الطريق
انا بدأت بنفسي النهارده و حطيت الحزام و كان فيه مسافه باخدها عكسي علشان بتختصر السكه
مردتش امشيها النهارده و اخدت السكه الاطول
مكنش حد واقف ولا لجنه ولا حاجه
والنهارده كان فيه شارع رئيسي جدا فى اسكندريه و تم تطهيره من الباعه الجائلين و الموضوع مفرحني جدا
شارع اربع حارات كان حاره واحده و النهارده بقي ٤ حارات تانى و سيوله مروريه رهيبه و الناس كلها ماشيه
على الرصيف علشان بقي فيه رصيف و الاغرب ان المحلات كلها شغاله علشان مبقاش فيه جائلين
نفسي يكملوا و انا من النهارده هبدأ بنفسي و ياريت كله واحد يبدأ بنفسه و نشوف النتيجة :)))
لا سعد زغلول محطه الرمل مفهوش بائع واحد الان
مفيش احسن من احترام القانون
خبر كويس جدااا بس حبس عشان حزام !!!!!!!! محتاجه تفسير دى
انا من مرتدى الحزام حتى ولو المشوار جوه البلد اتعدوت على كده على الرغم ان فى ال 3 سنيين الى فاتو مكنش اى ضابط او كمين بدور عليه تماما
والسؤال القانون اصلا كان موجوده ومحدد فيه العقوبه مين بقه الى عدله وليه ماكنش بيطبق وانا بعدى على اى لجنه ايه هو القانون بيتم تطبيقه بالتقسيط وحسب الهوى ؟؟!!!!!
و ياريت يتطبق على الكل من اعلى قاضى لاى طابط ووكيل نيابه صغير وطبعا اشك
الحزام يا جماعة لم يوضع في العربيات من باب العبث
هو يقلل من خطر التعرض لاصابة اثناء الحوادث خصوصا اصابة الرأس
في اوروبا حاليا صار اجباري حتى على الركاب في الخلف
يا جماعة بالله عليكم ما فيش حد بيقلل من قيمة استعمال حزام الأمان. أنا باستعمله و أنا في الجراج. احنا بنقول ان انت سايب العكسي و اللي دون السن القانوني و القيادة ياستهتار و التكتوك و اللي من غير نمر و كل مافيا الميكروباصات و جاي تتكلم علي حزام الأمان؟ واضح أنه جباية مش أكتر و عامة أفلح ان صدق. و ما حدش يقول بداية اللي يبدأ يبدأ بالأهم.
حبس طب الغرامه مقدور عليها لكن اتحبس عشان معملتش الحزام
داحنا هنشوف ايام طين