عرض للطباعة
بمناسبة شهر رمضان الكريم.ونحن علي ابوابه أعاده الله عليكم..
الخير والبركات
وحيرة كل عام وفي هذا الوقت تقريبا من كل عام
للأسف مش لاقي أي حل
ولاتكييف ينفع طبقا والنصائح ولا مروحة سقف نفعة ولا شفاط نافع .
طيب خلاص نسكت علي كده . لأ طبعا ياريت نفكر مع بعض في حلول ممكن تطيبقها علي أرض الواقع .
ركب تكيف في المطبخ :d
او قضيها ديليفري :d
الحمدلله ان احنا عندنا مطبخ وان فيه شفاط او مروحة
زمان كان معندهمش لا مطبخ ولا شفاط ولا حتى مية بتنزل من الحنفية كان ممكن يستنوا 6 شهور عشان المطرة تنزل عشان يزرعوا ويخزنوا ميه
شفاط حائط مع شفاط البوتجاز
وشوف الاضاءة لو بتستعملها كتير هل من النوع الباعث للحرارة
وقلل استخدام الفرن
ممكن مروحه صغيره تتحط فى المطبخ هاتقضى الغرض
يعجبني فيك أنك ما شاء الله من الناس المتفاعلة ونشطة في كل مواضيع المنتدي. ربنا يبارك لكاقتباس:
المشاركة الأصلية كتبت بواسطة j a g u a r
طبعا في ناس علقت علي الموضوع علي إنه نوع من الرفاهية ولاكن الموضوع مش كده خالص .
في شهر رمضان حضرتك بترجع من الشغل تدخل غرفتك تشغل التكييف وتنام و زوجتك من بداية اليوم في المطبخ البوتجاز شغال والفرن شغال وفعلا درجة الحرارة لا تحتمل .
وللأسف الشفاط ومروحة السقف وجودهم زي عدمهم في درجة الحرارة العالية دية .
والتكييف مينفعش علشان الأبخرة والزيوت .
من الواضح فعلا أن الموضوع صعب وده قدر الزوجات أعانهم الله علي الصيام و علي الطاعة
تسلم ربنا يخليكاقتباس:
المشاركة الأصلية كتبت بواسطة محمد بدر
عند حضرتك حق والله فى كلامك كان الله فى عونهم بس كله بثوابه
شوف يا باشا
اولا اعجبني تفكيرك في غيرك و من يكون غيرك انها زوجتك، نصفك الاهر فجزاك الله خيرا
نيجي للموضوع
طالما المنع صعب يبقي نفكر نقلل الحراره علي قد ما نقدر
1- تحاول قدر الامكان عمل تيار هواء طبيعي سواء عن طريق فتح ابواب في اطراف الشقه او شبابيك متقابله او حتي غير متقابله بس دي هاتبقي صعبه
كنت باشوفها في المنازل القديمه، فتحات تحت و فتحات في الاعلي و عمل نظريه الهواء و تيارات الحمل
2- تحاول تساعد التيار بتركيب مروحه في اتجاهه او شفاط يسحبه
3- يا سلام لو بدل المورحه تحط تكييف محمول يعطي هواء بارد مندي {شفته عند الاسراء و حجاج ب ٩٠٠ جنيه)
ده اللي في دماغي دلوقتي
طيب بص
هو على حسب تصميم المطبخ
بس الأمثل
شفاط فوق البوتاجاز (ومش كده وخلاص) لأ يتعمله مدخنه على بره
ده غير الشفاط اللي في الحيطه
طبعا هو عشان كده يفضل ان البوتاجاز يكون قريب قوي من الشباك
بس ماعلينا
هو زي مابقوللك كده ولو مثلا في مروحه صغير تتحط على رخامة المطبخ (ماتتوجهش عاللهب) ممكن تساعد برضه
انما مروحة سقف وتكييف وكده دي مش حلول عمليه طبعا
فعلا الموضوع ده كلنا نعاني منه في هذه الأيام و محتاج دراسة رفقا بالزوجات
تحياتي لصاحب الموضوع
ممكن تكييف صغير يركب بعيد عن البوتاجاز عشان الزيت
علي فكرة موضوع التكييف عملي جدا كل الموضوع يكون بعيد بقدر المستطاع عن البوتاجاز و يكون الشفاط قوي و قريب من البوتاجاز و يتم تنضيف فلتر التكييف بشكل مستمر.
جزاكم الله خيراً فينا
والحمد لله أنكم بتفكروا في راحة زوجاتكم
ودا الأهم من أي حلول
والإحساس دا لو وصل لزوجاتكم ، هيكون بمثابة 100 تكييف يرطب تعبهم لكم ولأولادكم
بجد مش بهزر - كل السيدات أهم حاجة عندنا التقدير ، ومدام فيه تقدير كله يهون .
ومن الناحية العملية :
أنا شخصياً مركبة مروحة فوق الثلاجة علشان ياخد الحرارة المرتفعة ، ويطيرها من شباك سلك ، وفوق البوتاجاز شفاط ، والحمد لله الموضوع مش بيكون صعب خالص .
أما فكرة التكييف فدا صعب جداً وخصوصاً لو المطبخ صغير ، علشان المروحة عندي رغم تنظيفها بإستمرار ورغم مكانها بعيد عن البوتاجازات والزيوت إلا أنها إلى حد كبير مش بتسجيب كويس للنظافة من كثرة الزيوت المتراكمة ، ودي مروحة كبيرها هتتفكك وتوضع في البانيو بشوية كلور وكله بيكون تمام - أنما التكييف هيتفكك إزاي ! .
وكل عام وأنتم بخير ، وبالهنا والشفا :orangeabli:
بارك الله لك علي الكلام الجميل دهاقتباس:
المشاركة الأصلية كتبت بواسطة friendship7897
وأعتقد فعلا مفيش حل أنسب من المروحة والشفاط
مروحة قوية و شفاط قوي ويكونوا شغالين قصاد بعض وهواهم في نفس الاتجاه مش عكس بعض و لا عمودي على بعض عشان تضمن انه هايكون فيه تيار هوا قوي جوه المطبخ يطلع الحراره بره
شوف حضرتك انا هقولك على خلاصة الخلاصة والزتونة بتاعة الموضوع
والكلام دة عملتة فى شقتى
ولما قرايبى شافوة طلبوا منى اكررة عندهم
فعملتة فى شقة اختى الكبيرة
وشقة بنتها
وشقة ابن عمتى
وهو بمنتهى البساطة كالتالى:
كل الشفاطات اللى بتتباع للممطبخ من عينة توشيبا وناشيونال وفريش ......الخ
كل الكلام دة ارمية فى الزبالة ومتصرفش علية جنية
انزل شارع نجيب الريحانى فى القاهرة واشترى شفاط حدادى الريش بتاعتة تكون حديد مش بلاستيك ويكون قطرة 35 سم فيما اكبر (قطر المروحة)
ودلوقتى سعرة هتلاقية فى حدود 450ج تقريبا
وركبة على الحلق بتاع شباك المطبخ وقفل حوالية كويس باى خشب ابلكاج او حتى كرتون مقوى
ولو احتاج تهد حتة صغيرة من الحيطة مثلا اعملها بدون تفكير
بدون مبالغة الشفاط دة هيسحب هوا الشقة كلة فى حدود 4 دقايق مش هوا المطبخ بس
الهوا اللى جوة المطبخ هيسحبة كلة فى اول 40 ثانية من التشغيل
ومراتك هتدعيلك كل ما تشغلة زى ما بيحصل عندى
والكلام اللى انا كاتبة دة عن تجربة عملية فى 4 شقق
وبالنسبة للفئران اللى ممكن تدخل من بين الريش والشفاط مش شغال حليتها ازاى ؟اقتباس:
المشاركة الأصلية كتبت بواسطة zarif
أتقدم بخالص الشكر والتقدير لكل من قام بالمشاركة في هذا الموضوع .
وفعلا في أفكار مميزة .
ولاكن أستاذ ظريف ضرب كرسي في الكلوب. فعلا ضر.ب كرسي في الكلوب.
في أعتقادي أنه فعلا أفضل الحلول الممكنة وقد طرحت علي هذه الفكرة من أحد خبراء التكييف. حين ذهبت إليه و طلبت منه تركيب تكييف في المطبخ ولكنه رفض وقال لي نفس المشكلة في مطبخي ومينفعش يركب تكييف ولو ركبته هترجع تاني يوم وتقولي التكييف بايظ لأنه مش هيبرد في المطبخ خالص ده غير تلفه بسبب الأبخرة .لكن للأسف لم أقتنع بهذه الفكرة في وقتها .
المشكله أنا عندي شباك ألوميتال ومركب عليه شفاط توشيبا. وعلشان اركب الشفاط الحديد أكيد لازم أكسر في السراميك ولازم أعمل صندوق سلك علشان منع دخول الزواحف والحشرات وبعدين الزيوت هتسد. فتحات السلك.
وبالرغم من ده كله أنا هشوف فني ينفذ الموضوع ده ولو حصل ونفذت الفكرة أكيد أخبركم بالنتائج فورا
الشفاط الحديد اللى انا بقول علية راكب علية شبكة منة فية هيا اللى ماسكة الهيكل بتاع الموتور فى الجسم الحديداقتباس:
المشاركة الأصلية كتبت بواسطة esam_refaat
لو انت جنب منى كنت عملتهالك فى اقل من نص ساعة لوجة الله يوم الجمعة (اجازتى) لانى عندى عدة كاملة يعنى هيلتى + منشار اركت كهرباء يقطع حدد وخشب والومنيوم +صاروخ باسطوانات متعددة + مفك كهرباء.......الخاقتباس:
المشاركة الأصلية كتبت بواسطة محمد بدر
بس صدقنى ايا كانت التضحيات اللى ممكن تعملها فى الالمنيوم بتاع الشباك او فى الشباك او فى الحيطة لكن فى النهاية انت هتترعب من اداءة
انا مش لاقي صورة لية على النت عشان ارفعهالك بس لما تنزل تشترية فى شارع نجيب الريحانى هتلاقى 60% من المحلات عارضاة على بابها ولونة اسود وكلة حديد فى حديد
أستاذ ظريفاقتباس:
المشاركة الأصلية كتبت بواسطة zarif
الشفاط ده لو هعمل حسابه من الأول, وأنا بجهز شقه يعني, ممكن أحطه بدل الشفاط العادي؟؟
فوق الشباك مثلا ومن الأول اوسع له مكان في الحيطه؟
ولا انت قصدك على الشباك عشان يكون مستواه اقرب ومش عالي ؟؟
اخبار صوت الشفاط اية ؟؟ شفاط قطرة ٣٥ سم وريشة حديد اكيد صوتة عالى ؟اقتباس:
المشاركة الأصلية كتبت بواسطة zarif
ممكن تركبة على الحلق المتحرك بتاع الشباك بعد ما تشيل الزجاج منة وتقفل الباقى زى ما قلت بخشب ابلكاج او كرتون مقوىاقتباس:
المشاركة الأصلية كتبت بواسطة abdulkhaleq
او لو الشباك بتاع المطبخ عنك صغير فممكن تشيل الشباك نفسة وتركب الشفاط على الحلق بتاعة الشباك اللى متثبت فى الحيطة
كونة عالى او واطى مش هتفرق فى اى حاجة لان قوة الشفط بتاعتة جبارة
اكيد طبعا لية صوت بس مش حاجة مزعجة اوى يعنىاقتباس:
المشاركة الأصلية كتبت بواسطة midnightman_74
بس الحسبة مش كدة
الحسبة ان كل الشفاطات الفريش والتوشيبا .......الخ الموجودة فى السوق اللى الريش بتاعتها بلاستيك الميزة الوحيدة فيها ان صوتها معدوم لكن صدقنى وعن تجربة ملهاش اى تلاتين لازمة وعندى اتنين مرميين فى السندرة
الشفاط اللى انا بقول علية دة ممكن يكون صوتة عالى سنة بس الكلام دة بيكون لمدة ساعة او ساعة ونص اللى هوة زمن الطبيخ فى اليوم كلة
ولو انت خيرت زوجتك بين شفاط هادى ووحرارة خانقة فى المطبخ
او شفاط عالى صوتة سنة ومفيش حرارة نهائى فى المطبخ
ااوكد لك انها هتختار التانى
دة الوحيد اللى قريب فى الشكل بس ملوش زعانف التوجية الخارجية وعدد الريش فى المروحة بيكون اكتر من 3 تقريبا 5 ريشة معدناقتباس:
المشاركة الأصلية كتبت بواسطة ahmed1981
والله العظيم مصر بخيراقتباس:
المشاركة الأصلية كتبت بواسطة zarif
انت فعلا راجل بجد جميل ومش لاقي كلمة توفيك حقك.
بغض النظر عن الموضوع وفكرتك الرائعة .
عرض مساعدتك دية لوحدها جميل علي راسي من فوق.
ربنا يكثر من أمثالك ويقدرك علي خدمة و مساعدة الناس المحتاجة.
ربنا يسهل إن شاء الله الأسبوع القادم هنزل القاهرة وربنا يسهل انت أقنعتني جدا بالفكرة.
وجزاك الله كل خير
العفو ياباشااقتباس:
المشاركة الأصلية كتبت بواسطة محمد بدر
احنا اخوات
وانا لما عرضت عليك التنفيذ فدى مش عزومة مراكبية
انا فعلا اقدر اخلصة تركيب وتثبيت فى اقل من نص ساعة فى يوم اجازتى ويبقى كل ما تشغلة عندك فى البيت وتترحم من الحر انا اكيد ليا ثواب
بس المشكلة انك من السويس وانا من العاشر من رمضان
ربنا يبارك ليك يا أستاذ مصطفياقتباس:
المشاركة الأصلية كتبت بواسطة zarif
وبعدين دي مسافة السكة . هههههههه
وبعدين أطمن أنا بحب أعمل الشغل بنفسى بكون مستمتع
أستاذ مصطفي ـخالص تحياتي
حبيت أقول. إني نفذت والحمدالله .
إمبارح كان الأحد يعني المفروض الدنيا كلها مقفلة. ورغم ذلك ذهبت شارع نجيب وفعلا لقيت في ناس. تحة وشغالة عادي جدا وأجمل حاجة الشوارع ملهاش مثيل . ريقة جدا وتحتار تركن فين ولافين.
المهم لفيت شوية لقيت في أنواع صيني أسعرها في حدود 300 جنيه.
المه. لغيت شوية تاني لقيت نوع نوع بيقولوا عليه ألماني وطبعا أنا مش مقتنع خالص بموضو ع ألماني. العلبة مكتوب عليها a e g. ولكن بصراحة شكل الشفاط نظيف. سألت الراجل علي الثمن قالي 500 جنيه ومن هنا وهنا وصل 450 جنيه بصراحة خفت يكون هو الصيني وبيضحك علي قولتله هلف لفة أشوف الدنيا فيها إيه . الكلام ده علي شفاط من الخارج 36.5سم ومن الداخل 28.5سم تقريبا.
المهم لقيت جنبه واحد أسمه المناهري ـ 65 ش الجمهورية. عنده نفس الشفاط وبداية الكلام 450 جنيه وخلص بـ 420 جنيه.
وطبعا تم التركيب اليوم. وكانت دوخه ليه .
أولا فتحاته واسعة ممكن تدخل حشرات اشتريت نصف متر سلك وركبته علي المروحة من الخارج وثبته بالأحزمة البلاستيك بتاعة كبلات الكهرباء وتأكدت إنه بعيد بمسافة كافية عن المروحة.
ثانيا إشتريت مفتاح سيليكتور. قلاب بـ30 جنيه وعلبة للتثبيت بـ 20 جنيه والكلام ده كله تركي. وطبعا المفتاح ده فيه حركتين علشان يشغل الشفاط شفط وطرد وإللي أنا إشتريت منه المفتاح فهمني توصيل أطراف السلك إزاي.
والحمدالله ركب مكان الشفاط التوشيبا القديم وقريب هقولك النتيجة. بس أنا فعلا من بداية التشغيل حاسس بفرق كبير.
و في النهاية أود أن أشكر كل من شاركنا في هذا الموضوع
مبروك عليك واحلى حاجة موضوع السليكتور بس قولنا ايه الاخبار بعد استخدامك ليه كمروحة ؟
اولا مينفعش تركب اى تكييف سواء محمول او غيره لان مع السخونة والعرق ممكن يسبب التهاب رئوى فغلط جدا الموضوع دا..انما اللى بنعمله فى البيت بشغل الشفاط كمروحة وبصراحة بتجيب هواء حلو من برة ولو فى شوى او حرارة عالية بنفتح الشباك
في مطبخ شقة والدتي مع الشفاط ركبت مروحه فريش كبيرة وسريعه حائطية
بتطرد الهوا برة المطبخ لتخفيف السخونية لان مع الفرن العادي والكهربائي والشواية فعلا المطبخ لا يطاق بغباء
النتيجة مرضيه لحد كبير قبل كدة الساونا كانت ارحم منه
في مطبخ شقة والدتي مع الشفاط ركبت مروحه فريش كبيرة وسريعه حائطية
بتطرد الهوا برة المطبخ لتخفيف السخونية لان مع الفرن العادي والكهربائي والشواية فعلا المطبخ لا يطاق بغباء
النتيجة مرضيه لحد كبير قبل كدة الساونا كانت ارحم منه
شفاط كبير يكون متجرب
والتهوية السليمة
وطبعا الفرن حاجة تانية
لو مش فارق معاك الفلوس تقدر تركب تكييف مركزي وتعملو فتحه فالمطبخ وده الحل الجزري للحرارة انما لو زي معظم المصريين مستورة ممكن تجيب تكيف صحراوي اهو احسن من مفيش
حد جرب موضوع الشغاط الحدادى ده يقولنا تجربته معاه وهل فعلا عملى و لا لا
اقتباس:
المشاركة الأصلية كتبت بواسطة tza
كان فيه موضوع عنه قبل كدة
هو جيد فى التهوية
شكله صعب
صوته صعب
يعنى رايك بلاش منه لانى مقبل على شراء شفاط وانا فى حيرة الصراحة ..اقتباس:
المشاركة الأصلية كتبت بواسطة a.saad
الشفاط الحدادي أفضل طريقة
قوي جدا بخلاف الشفاطات الأخرى سواء ياناني أو أى حاجة تانية
في تكييف مستورد هتاكدلك من سعره هو امريكي ومخصص للمطابخ :)
وبالنسبه لصوته لو حضرتك جربته ..اقتباس:
المشاركة الأصلية كتبت بواسطة alnadi