عرض للطباعة
عايز اشترى واحده !!!
لاقيت موديل 2007 اوتو ب حاجه و خمسين ؟؟
عايز اعرف ايه عيوبها و مميزاتها !!! وهتستحمل بهدله ولا لآ ؟
ولو وحشه ايه احسن موديلاتها و اسعارها ايه ؟؟ وياريت اسعار الكيلوات القليله
وللعلم كان معايا لانسر بومه وبعتها و كنت حاجز ستروين سى اليزيه . بس حصلتلى ظروف و محتاج عربيه بالكتير فى حدود حاجه و خمسين الف او 60 بالكتير و تقعد معايا مرتاح 3 او 4 سنين و تكون اوتو !!
نصيحة مترميش فلوسك فى الارض معظم العربيات دى اتمرمطط فى الشارع اوى اوى و اصحبها مبيعرفوش يبوعوها ابدا ملهاش سوق نهائى احسنلك جيب فيرنا لانوس فى حدود 40 الى 50 الف و العربية دى فلوسها فيه لو هتغيرها بدرى
المشكله انى موقع واحده موديل 2007 وعامله 40 الف كيلوا بس
العربية دي ماتورها بالفتيس الاستيراد عامل زي 9000 ج .......... وهو هو ماتور الانسر 2000 سي سي وفتيسها هو فتيس الانسر برضو .....
يعنى اخلص فيها ؟؟
لو 40 الف كيلو
وفابريكه بجد
خلص فيها بدون تردد
ماتفرحش بالكيلوات القليله انا اتفرجت على واحده 40 الف كيلو بس كانت الاوبشنات اللي فيها كلها مش شغاله
العربية دي كانت معايا حوالي سنة و مقدرتش استحملها زيادة عن كده رغم انها كانت زيرو بس فعلا حرام تحط فيها فلوس مش بس علشان اعادة البيع و لكن علشان هتزهق منها بسرعة جدا. كنت شاريها ب ١٠٨٠٠٠ سنة ٢٠٠٧ و بعتها بعد سنة ب ٧٢٠٠٠ جنيه.
زهقت ليه ....؟؟؟؟ علشان كبيرة يعني ولا ايه؟؟؟
فعلا ياريت توضح لنا اسباب زهقك منها ايه .... هل فيها عيوب انت شايفها غير قابله للتجاهل او الاصلاح ولا علشان كبيره ولا علشان الضريبه بتاعه الموتور بتاعها ال 2000 سى سىاقتباس:
المشاركة الأصلية كتبت بواسطة mohamed_hamdi
طبعا كل الاحترام لملاك العربية دي النهاردة بس انا قولت وجهة نظري عن تجربة شخصية و ليس سمع من آخرين.
بخصوص اسباب الزهق منها و بيعها بخسارة فيمكن لحضراتكم الرجوع لموضوعي شبه المفصل عنها في الرابط التالي:
http://www.nilemotors.net/Nile/40448-a620.html
طبعا اكيد معاك حق حسب الموضوع القديم .... بس هل انت مكنتش عارف فعلا ان اعادة البيع في الارض .... انت صحيح من 2008 بس في 2009 انا اشتريت ام11 وانا عارف ان اعادة البيع فيها كتيرمن العربية ...
السلام عليكم ورحمة الله
للدخول فى لب الموضوع وبعيدا عن الشد والجذب ..... اليك المميزات والعيوب ولك القرار النهائي
واسمحولي ابدأ بالعيوب لان هذا مايهم المشتري اكثر من المميزات:
1- العيوب:
- العفشه , تحتاج الي صيانه او تغيير بعد فتره قصيره (حوالي سنتين)
- السخونه, لابد ان تكون متابع لاحوال مؤشر الحراره واربة المياه........وان حدث عطب فعليك بالتغيير بدون صيانه
- العزل , للاسف متواضع
- التسارع الاولي بطئ
- الضريبة السنويه , طبعا تمنها غالي بالنسبة لاي عربيه 1600سي سي , تصل الي 850ج لانها مش جديده
2- اهم المييزات:
- الثبات العالي , ستشعر بالفرق الواضح عند استخدامها فى السرعات او المنحنيات
- استهلاك البنزين خفيف......مش حتحس ابدا انها 2000 سي سي , بس يكون الموتور مزبوط طبعا
- بعد الطلوع من السرعات الاولي تجيب بيها سرعات عاليه بدون مشاكل (180-200كم)
- العزم , ممتاز والحمد لله .... فلن تعاني من مشاكل وانت طالع مطلع ومحمل ركاب كتير او بتجر عربيه تانيه مثلا
- اسعارقطع الغيار والصيانه رخيصة جدا ومتوافره
وطبعا لك القرار النهائي
وفقك الله