الموضوع: باليو2008

مميزاتها :

- اعتمادية من الدرجة الاولي ( هي اصلا فيات سيينا )
- مواصفات جدية جدا لسعرها
- تستحمل بلدك الجملية
- قطع غيارها متوافرة و متوافقة مع موديلات فيات الاخرى
- في راي " احلى " شكل سيارة في الفئة دي .
- ضمان جيد جدا من التوكيل عن تجربة .


عيوب :
- تابلوها قديم شوية ممكن تحس بكدة
- عفشتها من النوع الناشف و لكن تستحمل بهدلة الشوارع احسن من سيارات اخرى كتير
- لو جبت قطع الغيار من التوكلي حتبقى اغلي شوي
- تقفيل " صيني " و ده مش عيب لوي لاني لم اسمع عن اي مشاكل منها في التوكيل .

سعرها 64 الف و اعتقد في السعر ده هي افضل بكثييييييييييييييير جدا من الانوس و اكبر من الi10 و السبارك و بيكانتو خصوصا انها تعتبر في فئة البونتو .

المشاركة الأصلية كتبت بواسطة re3ooo

طب معلش سؤال كمان هية اية اخبرها في البنزين سفاحة ولا محترمة واية نظمها في السحب على الطريق طب هيا كاملة تكيف باور زجاج كهربة ولا فيها حاجة ناقصة من الحجات دية

انا معايا باليو 2006 و هي مختلفة عن 2006 و موتورها مختلف ( 1242 سي سي 80 حصان ) بينما الباليو 2008 - 1500 سي سي - 85 حصان

استهلاك البنزين عندي انا بمعدل :

220 كم لل 20 لتر داخل المدينة
300 كم لل 20 لتر خارج المدية .

السحب عندي انا ممتاز بين السرعات المنخفة الى 80 - 90
من 120 و انت طالع لحد 160 بتتجمع ببطىئ شوية .

تسارع السيارة من صفر الي 100 في 12 ثانية .

الباليو 2008 كاملة حتى بكاسيت CD و كله .