استشاره فى محل كمبيوتر صيانه وبيع وشراء

**besso** · 10-06-2014 09:15 PM

احنا عندنا محل فى البيت عارضينه للايجار ولحد دلوقتى محدش جاله
فبفكر افتحه محل كمبيوتر بيع - شراء-تجميع اجهزاه- وصيانه
والحمد لله شاطر فى الكمبيوتر وكمان النت مخلاش
وانا ناوى اتعلم صيانه الالكترونيات كمان
وواحد صاحبى هايشاركنى فيه لانه كمان كان بيشتغل فى محل كمبيوتر قبل كده فعنده خبره كويسه

بس المشكله ده شارع جانبى فى شبرا الخيمه يعنى مضمنش سوقه هايبقى عامل ازاى +كمان ان بره على الشارع الرئيسى فيه محل صيانه وفيه واحد كمان بس بعيد شويه

المحل اللى صاحبى كان شغال فيه المحل كان فى حته نايمه وبيقوللى كان بيجيب 300 فى الاسبوع بيع وشراء بس من غير بقى من الصيانات وتجميع الاجهزه لانه بيطلع منها مكسب كبير (انا شايف ان مكسب قليل )

اكسسوارات الكمبيوتر من كيبورد وماوس وتغيروندوز وشويه الحاجات الخفيفه دى مكسبها كويس بس ده يتوقف على المكان نفسه يعنى هابيع بأد ايه فى الشهر
الشارع فيه حوالى خمس ورش والرجل فيه دايمه
فمش عارف بقى اجازف ولا ايه
كمان انا مش هاسيب شغلى يعنى هانزل شغلى الصبح وارجع على المغرب استلم من صاحبى
وطبعا الربح مقسوم بيننا
فانتو ايه رايكو

**#MAAM#** · 10-06-2014 10:20 PM

أنا معرفش المشروع بس نصيحة لوجه الله صاحبك لو مش ضامنه بلاش لأنك ممكن تخسر صاحبك بسبب المشروع ....... هو فاهم وانت مش فاهم وده هتكون مشلكة ........ بس طالما في بيتك ماتقلقش لأن إنت صاحب البيت وربنا يوفقك

**besso** · 10-06-2014 11:41 PM

لا صاحبي ضامنه طبعا وانا فاهم بردو بس هو اشتغل قبل كده في محل صيانه

**ahmedfouad** · 11-06-2014 09:17 AM

فى اى مشروع لو اخوك لا تثق فيه
فما بالك صاحبك
ربنا معاك

**besso** · 11-06-2014 02:57 PM

انا هاشتغل معاه وفى نفس الوقت شرك بيننا
ماتقلقوش من الموضوع ده اهم حاجه ايه رايكو فى المشروع
وهل معنى انه فى شارع جانبى يبقى نظامه ايه.... يعنى بالبلدى كده هايجيب همه
ولا اجرب ووانا ونصيبى

**amr011111** · 11-06-2014 03:10 PM

انت لو جربت مش هتخسر حاجه
لان المحل بتاعكم يعنى مش هتخسر إيجاره
وكمان هتنزل بالكمبيوتر بتاعك وبتاع صاحبك
وهتجيب شويه اكسسوارات فى حدود 1000 جنيه او اقل
ولما الموضوع هتلاقيه ماشى هتكمل فيه
ممشيش لا قدر الله
مش هتكون خسرت حاجه

**besso** · 11-06-2014 05:09 PM

تمام ده بالظبط اللى ناوى اعمله

انا خلصت امتحانات اهو وانشاء الله ابتدى اظبط امورى وننزل نشترى البضاعه

انا عندى كذا فكره عايز اطبقها يمكن تفيد
زى مثلا لو حد جه اشترى من عندى ولقى الحاجه رخيصه او عمل صيانه وشاف ان الخدمه كويسه اطلب منه انه يدعى اللى يعرفه ومع الوقت ممكن اعملله زى خصم نظير ان بيساعدنا فى الدعايا يعنى

وجه فى بالى موضوع شبكه النت ده فيه واحد اعرفه عنده شبكه هاعرف منه كل التفاصيل

وربنا يقدم مافيه الخير

**hih2** · 07-08-2014 04:17 PM

ايه الاخبار بدأتم ولا لأ ؟

مشروع كويس ان شاء الله لو بدأتم أو ناويين ممكن ندردش في شوية مقترحات وتفاصيل

وفق الله الجميع

**besso** · 07-08-2014 06:24 PM

لا والله مابدأناش فيه ناس حات اجرت المحل
ملناش نصيب فيه لحد دلوقتي

**S O P H O S** · 10-08-2014 05:22 PM

النصيب
ربنا ان شاء الله كاتب حاجة احسن

الموضوع: استشاره فى محل كمبيوتر صيانه وبيع وشراء

LinkBack

أدوات الموضوع

عرض

استشاره فى محل كمبيوتر صيانه وبيع وشراء - انشر الموضوع فى :

-

-

-

-

-

-

-

المواضيع المتشابهه

للبيع ترابيزة كمبيوتر كبيرة وكرسي كمبيوتر طبي متحرك

مركز صيانه وكشف كمبيوتر محترم في مصر الجديده للرينو.....ارجو المساعده

استشاره فى صيانه جى ام

استشاره فى صيانه 40 الف لانسر بومه 2008 ( عاجل جدا ارجوكم )

الكلمات الدلالية لهذا الموضوع

المفضلات

المفضلات

ضوابط المشاركة