الموضوع: جنوط اسبور للانوس

المشاركة الأصلية كتبت بواسطة رامي مصطفى

جزاك الله خيرا
بس استفسار هل فيه فرق كبير ومؤثر بالسلب بين 15 & 16 في الطرق بتاعتنا؟
وهل 15 شكله على العربيه حلو كده وشاغل جزء كبير في تجويف الرفرف؟
الف شكر لسعادتك وياريت اكبر قدر من المعلومات والنصايح انتوا مرجعي
واسعار BBS & LENSO ايه وشوفت BBS في الحرفيين جديد بس copy ب3000ج حلو ولا الاصلي اغلى كتير ولا ولا ولا مش بقول لحضرتك اكبر قدر من المعلومات

لا مفيش فرق كبير بينهم... هو دايما الفرق نسبى بين المقاسات يعنى فرق الخطورة بين 15 و 16 زى فرق الخطورة بين 16 و 17... بس لما تحسبها تلاقى الفرق كبير جدا بين 15 و 17

ال15 شكلة شيك جدا على العربية و دة المقاس اللى بيمسك العصاية من النص... جنط كبير بما يكفى انه يدى مظهر سبور للعربية و يرسمها و فى نفس الوقت اصغر من انه يسبب مشاكل كتير مع المطبات و النقر و خلافة

انا مش دايس اوى فى اسعار الجنوط... لما انا كنت بشترى كان الجنوط الSSW ب 2000 (اندونيسى تقريبا) و كان الصينى ب 1600 او حاجة كدة

و كان فيه ماركة اسمها HRS كانت ب 2750 تقريبا و دى نضيفة جدا بس مش فاكر صناعة ايه

MMamdouh

الهدوء فى السواقة عامل مؤثر فى موضوع الجنوط بكل تاكيد و كل ما كنت حريص فى سواقتك كل ما حافظت على جنوطك و كاوتشك

MMamdouh

المشاركة الأصلية كتبت بواسطة أحمد عثمان

بالنسبة للانوس أعتقد إن الجنط ال15 مش حيكون مناسب أوي ليها, و ده طبقاً للكلام الموجود في الموقع ده: Tire Size Calculator - Compare Two Sizes
المشكلة إنك لازم تركب كاوتش بقطر خارجي لا يزيد أو يقل عن القطر الأساسي للعربية بأكثر من 3% و إلا حيصل مشاكل كبيرة فيما يخص الفرامل أو الإتزان خصوصاً في الملفات, و بالنسبة للمقاس ال15 بوصة فده ممكن تلاقي الكاوتش المناسب فعلاً بس حيكون لو بروفايل و ده حيتسبب في مشاكل أكثر للكاوتش , بلالين و عالي وواطي وده سببه الشوارع الجميلة بتاعتنا.
صحيح ممكن حد يرد و يقول إن المقاس الأصلي بتاع العربية اللي بينزل بره هو 185/60/14 و بكده أقدر أحسب على أساس إنه ده الأساسي مش الل 175/70/13 اللي راكب , بس الحقيقة أنا لا أثق في في السيارات المجمعة في مصر هل هي بنفس المواصفات العالمية أم لا , و إذا كان الجواب بنعم فليه بيركب فيها ال 175/70/13 و مش المقاس الأصلي.
أرجو التأكيد أو الرد على هذا الكلام حتى تعم الإفادة.

انا مركب جنط 15 فى اللانوس بتاعتى من 5 سنين

MMamdouh