مصاريف الرانجلر

**Mi Do** · 10-06-2014 11:20 PM

ياريت حد من ملاك الرانجلر الجديدة يفضفض كده و يقولنا بيصرف عليها كام
ترخيص بقى و بنزين و المستنقعات دى كلها
حاسس انى حلاقى ارقام تخض

**m1988** · 11-06-2014 11:03 AM

ياريت انا بفكر فى العربيه ديه وعاوز اعرف تفاصيلها ليه

**stonecoldmido5** · 11-06-2014 10:04 PM

مصاريفها يا فندم عادية خالص مش زي اما حضرتك فاكر يعني تكلفة الصيانة كل 10 الاف حوالي 800 جنية و كل 20 الف حوالي 2600 جنية علشان تغيير زيت الديفرانس الامامي و الخلفي و ده طبعا في التوكيل و لو حضرتك عملت الكلام ده بره هتقل كتير بخلاف كده مفيش مصاريف زيادة, و بالنسبة للترخيص اما كانت جديدة حوالي 15 الف جنية في 3 سنين و بعد كده هتقل بالتدريج كل ما يقدم موديل العربية

**Mi Do** · 11-06-2014 10:45 PM

المشاركة الأصلية كتبت بواسطة stonecoldmido5

مصاريفها يا فندم عادية خالص مش زي اما حضرتك فاكر يعني تكلفة الصيانة كل 10 الاف حوالي 800 جنية و كل 20 الف حوالي 2600 جنية علشان تغيير زيت الديفرانس الامامي و الخلفي و ده طبعا في التوكيل و لو حضرتك عملت الكلام ده بره هتقل كتير بخلاف كده مفيش مصاريف زيادة, و بالنسبة للترخيص اما كانت جديدة حوالي 15 الف جنية في 3 سنين و بعد كده هتقل بالتدريج كل ما يقدم موديل العربية

طب والبنزين ايه حكايته مع حضرتك ,, يعنى مثلا بيكلفك كام فى الشهر ؟؟
اصل اكتر حاجة تخوف من الرانجلر تكلفة البنزين

**ahmed_eng2001** · 12-06-2014 01:48 PM

ممكن نعرف اسعار قطع الغيار عاملة ايه ؟

تيل الفرامل الامامى مثلا و الفلاتر

**stonecoldmido5** · 13-06-2014 12:12 AM

المشاركة الأصلية كتبت بواسطة mi do

طب والبنزين ايه حكايته مع حضرتك ,, يعنى مثلا بيكلفك كام فى الشهر ؟؟
اصل اكتر حاجة تخوف من الرانجلر تكلفة البنزين

و يا فندم حضرتك مش بتحرق و ماشي علي النظام الاقتصادي ممكن تبقي قريبة من اي عربية عادية في طرق السفر يعني لو مش معدي ال100 كم/ الساعة ممكن الاستهلاك يبقي 12.5-13 لتر لكل 100 كم اما جوه البلد الاستهلاك بينط تقريبا ما بين 14 / 16 لتر لكل 100 كم و ده لو حضرتك ماشي الار بي ام ميعديش 2.5 الي 3, اما لو حضرتك فتحت في السرعة و الشد يبقي مش هتقدر تسلألني عن البنزين لانه سحب جبار مقابل استهلاك يرعب

**stonecoldmido5** · 13-06-2014 12:14 AM

المشاركة الأصلية كتبت بواسطة ahmed_eng2001

ممكن نعرف اسعار قطع الغيار عاملة ايه ؟

تيل الفرامل الامامى مثلا و الفلاتر

هو اللي انا سئلت عليه علشان اكون امين مع حضرتك تيل الفرامل بره التوكيل حوالي 800 جنية الاصلي موبار , اما بالنسبة لفلتر الهواء في التوكيل 75 جنية طبعا من غير مصنعيات و عموما قطع غيارها غالية شوية بس هي ما شاء اللة معمرة

**midnightman_74** · 13-06-2014 02:23 AM

المشاركة الأصلية كتبت بواسطة stonecoldmido5

هو اللي انا سئلت عليه علشان اكون امين مع حضرتك تيل الفرامل بره التوكيل حوالي 800 جنية الاصلي موبار , اما بالنسبة لفلتر الهواء في التوكيل 75 جنية طبعا من غير مصنعيات و عموما قطع غيارها غالية شوية بس هي ما شاء اللة معمرة

لو هتقارن الرانجلر بتويوتا فورنتشر ... اية المميزات والعيوب بين العربيتين ؟

**stonecoldmido5** · 03-07-2014 12:09 AM

المشاركة الأصلية كتبت بواسطة midnightman_74

لو هتقارن الرانجلر بتويوتا فورنتشر ... اية المميزات والعيوب بين العربيتين ؟

اعتذر لحضرتك عن التأخير و كل سنة و حضراتكم طيبيين و بالنسبة لسؤال حضرتك بصراحة مجربتش الفورتشنر بس كل الناس بتشكر فيها و هي تقريبا شبه نظام التعليق بتاع التويوتا الهاي لوكس باختلاف الكماليات الداخلية و في منها فئتين :
أ- الفئة الاولي 2700 سي سي حوالي 160 حصان و انا شايف ان الموتور ده ضعيف , و سعرها 227 الف تقريبا موديل 2015 .
ب- الفئة الثانية بموتور جبار 4000 سي سي 376/3800 حصان , و سعرها 365 الف تقريبا .

اما بالنسبة للجيب رانجلر فهي فئة و احدة 3600 سي سي و بقوة 285/6400 حصان
و الجيب رانجلر اعلي في الارتفاع عن الارض من التويوتا بحوالي 4 سم .

- و لو هتقارن حضرتك في قطع الغيار هتلاقي ان التويوتا اسعارها ارخص شوية و اكثر انتشار من الجيب رانجلر .
- الكماليات التويوتا فورتشنر تكسب فيها بس مش بشكل كبير ( مثلا التحكم في الكراسي و الطارة بشكل اوتوماتيك و ده مش موجود في الرانجلر ) .
- الرانجلر بشكلها الايقوني و الشبابي من الصعب ان شركة كرايسلر تغير من شكلها و بالتالي بعض قطع الغيار ممكن تكون مشتركة مع موديلات سابقة اما الفورتشنر ممكن يتغير شكلها في اي وقت .
- الرانجلر عفشتها متعبة شويةو فيها زي كفر حديد من تحت الرعربية لحماية الاجزاء المهمة في منتصف العربية .
- ممكن عمل تعديلات كتيرة علي عفشة الرانجلر و ممكن التعديل بسهولة في شكل العربية علشان هي عاملة زي الميكانو ( فك و تركيب ) كلها و ده انا شايفه ميزة لانها بسيطة .
- التويوتا الفورتشنر شايفها مناسبة اكتر في داخل المدينة لان عفشتها اكتر نعومة اما بالنسبة في الاوف رود فطبعا الرانجلر لها تاريخ طويل في الاوف رود و خصوصا في الصخور و الجبال مع ان اللي بتنزل في مصر تظام تعليث يسمي كوماند تراك و هو مخصص للرمال ( معظم اللي بينزل بره بنظام تعليق روك تراك و ده مناسب اكتر للصخور) بالمقارنة مع فئة 2700 سي سي , اما بالنسبة لفئة 4000 سي سي فهي طبعا قوة جبارة خصوصا في الرمال و الطين .
- العيب الخطير في الرانجلر اللي بتنزل مصر انك ماينفعش تمشي بيها دفع رباعي علي طول part time 4*4 systemو ده ممكن يكون ميزة بالنسبة لاستهلاك البنزين و فتيس الغرز بتاعها متعب شوية في النقل , اما بالنسبة للفورتشنر فإنها دفع كلي علي الدوام full-time 4WD system .