لقيت كاوتش صينى لعربيتى عند على حبيب تاجر جمله مشهور فى محطه مصر و هو شخصيا بيشكر فيه اوى و بيقول مركب منه فى عربيته الاوكتفيا
سعر الفرده فى مقاس 14 =265 ج
و الكمهو الفيتنامى و المارشال 330
لو حد جرب الصينى يفيدنا
و شكرا
عرض للطباعة
لقيت كاوتش صينى لعربيتى عند على حبيب تاجر جمله مشهور فى محطه مصر و هو شخصيا بيشكر فيه اوى و بيقول مركب منه فى عربيته الاوكتفيا
سعر الفرده فى مقاس 14 =265 ج
و الكمهو الفيتنامى و المارشال 330
لو حد جرب الصينى يفيدنا
و شكرا
الفرق مش كبير في سعر يعني مش 100 جنية ولة حاجة خليك في المضمون
انا متابع معاك.
و ياريت اللي يرد يكون عن تجربه مش بلاش الصيني والصيني مش مضمون و الردود اللي احنا حافظينها دي. خليكو موضوعيين و كلنا عارفين ان صناعه الصين مش وحشه بالعكس انما المستوردين هما اللي جشعين. و قبل ما حد يهاجم يشوف اللاب توب او الكمبيوتر بتاعه اللي بيكتب عليه صناعته ايه.....
اية راى سعادتك تشترى انت الكاوتش الصينى وتنقل أنت التجربة لباقى الاعضاء ويبقى كدة تفدنا كلنا أحسن طبعا
الحل دة مش هيعجبك أقولك أنا على الحل تسال واحد أشترى كاوتش صينى ويقولك أنا أشتريت زمان من كام سنة كاوتش صينى لعربيتى اللانوس أول ماطلع وكان عامل ضجة من التجار الماكسس فردتين والله مكملتش 10 الف كيلو ومكنتش بعرفة من الفردتين الممسوحين لدرجة كنت بفكر أنهم أتبدلوا ولا حاجة نيجى للثبات مع فرامل الانوس الضعيفة أصلا طبعا الثبات زفت
الخلاصة أن الكاوتش الصينى بينزل مع العربيات الى بتتافل فى مصر زى النيسان الصنى لانة رخيص وكفائة زفت ولو كان امكن كانوا حطو كمان كاوتش نسر سلك
والناس أول ماتستلم العربية بتبيعة معملش كام كيلو ب 200 جم للفردة وتشترى حاجة محترمة تستحمل قرف الشوارع يتاعتنا أنا عن نفسى أشتريت فردتين ماكسس من يتوع النيسان بس علشان رخاص مش أكتر وعارف أنهم نشفين وبيلموا زلط فرق طبعا بالمقارنة بالكنتننتال الى ركبين قدام السما من العما
صديقى العزيز لو عايز توفر وفر فى المعقول يعنى بلاش كاوتش يابانى ولا المانى اللانوس حلو عليها هانكوك - كمهو أكيستا لى فى لمقاسها - بلاش السولس لانة تعبان والفرق بينهم زى ماحضرتك كاتب مش كبير ولو مش مقتنع ارجل للاقتراح الاول وبعدين أنقلنا من فضلك تجربتك أنت مع الكاوتش الصينى بعد الف كيلو
وشكرا
شكرا لتهكمك المحترم. و احب اقولك ان لو ده معاد تغيير الكاوتش عندي كنت جربت و افدت الناس كلها مش هخسر كتير يعني و لو وحش اشيله بعد اسبوع و ارميه و اركب اللي برتحله مش ازمه يعني
ثانيا انا مقولتش لحضرتك جيبه ولا اشكر فيه انا بقول بلاش كلام من السمعه و خلاص (الهري اللي مالوش لازمه يعني) يعني حضرتك ليك تجربه معاك او مع حد من اصحابك و كتبتها انما في ناس بقي عندها عقدت الخواجه و برده دي مش شتيمه بس مش بيحبو يجربوا
و مش معني مش معني ان في منتج صيني او 100 منتج حتي وحشين ان منتجات الصين كلها زفت. ده احنا عايشين في بلد كلها صيني
دعتبه مقبوله يا باشا. وانا معاك في اللي انت بتقوله عشان الكاوتش والفرامل معناهم انقاذ حياه و كل حاجه عربيتي بجبها اصلي و الكاوتش اللي معايا كونتيننتال عشان انا بطلع علي الطريق كتير. انما لو جايب عربيه صغيره لمشاوير البلد عادي لو جربت فيها حتي لو عطلت في اي مكان هركنها و اروح
اولا :- (صلو على الحبيب )ده مجرد عرض وجهات نظر
ثانيا :- هو فعلا الفرق مش كبير فى الفردتين حوالى 130 ج
انما اللى لفت نظرى انى لقيت كمهو عند محل 420 و فى محل تانى 330 يعنى فرق 90 ج فى نفس النوع يبقى ليه ففكرت انها ممكن تكون مجرد اسماء منقوشه و درجات يعنى واحد بيستورد درجه تانيه و واحد درجه ثالثه
انما الصينى هيكون فيه ايه مضروب هو كده كده صينى
و ياريت حد يكون جرب الكاوتش ده و يقول رائيه
بلاش صينى
MMamdouh
العمر مش بعزقة، اه فيه حجات صينى كويسه بس محبكتش انك تجيب كاوتش صينى عشان هو احتمال يبقى كويس و تخاطر بحياتك و حياه اسرتك عشان تثبت ده
فى داهيه ال 400-600 جنيه الزياده لما اافرده تضرب و العربيه لاقدر الله تتقلب