عايز اتعلم انجلش صح

**lena jo** · 12-06-2014 08:59 PM

اسهل حل عن تجربة هو البرامج او الافلام الاجنبية . ممكن من قنوات mbc عشان الترجمة. انا كنت في مدرسة لغات و المدرسين نطقهم كويس و صح لكن عادي . لكن كنت باحب اتفرج علي المسلسلات و الافلام الاجنبية و كنت كمان باتعلم كلمات جديدة و اكثر كمان انك تتعلم لغة الشارع و الكلمات الدارجة اللي مش هتلاقيها في الكتب و هتفرق بين اللكنةالامريكاني و البريطاني حسب بلد الفيلم . انا كنت طفلة في ابتدائي لما بدأت اتابع و استفدت كتير و كنت عاملة نوتبوك باكتب فيها الكلمات الجديدة و معناها.طبعا مش صح انصح حد يشوف افلام لكن فيه افلام كثير محترمة و ممكن نسميها عائلية زي معظم افلام والت ديزني و كمان الافلام الكرتون المترجمة الشهيرة مثل Lion king, Anastasia, ......و غيرها.ممكن تنزلها من النت. الممارسة طبعا مهمة .انا كنت باتكلم مع صديقتي في النادي بغرض الممارسة و مع اصحابي في المدرسة لان المدرسة اللي كانت بتشجعنا علي كدة. طبعا انا دلوقتي و لا افلام ولا كلام لكن لسة الحمد لله فاكرة اللي اتعلمته لان الاساس متين .بس مش سريعة زي زمان.

**dede_dodo88** · 13-06-2014 01:51 AM

موضوع الأفلام ده كويس لكنه مش المفروض يكون هو كل حاجة, لأن في حاجات كتير مش هتتعلمها من الأفلام..
الأفلام هتحسن عندك مهارات الأستماع, هتعرف بعض الكلمات و المصطلحات الجديدة, هتتعلم النطق الصحيح لبعض الكلمات و كيفية نطقها بلكنات مختلفة..
الأفلام لا تغني عن دراسة اللغة بقواعدها النحوية و معرفة قواعد النطق السليم..

**besso** · 13-06-2014 02:13 AM

طب انا ممكن استشيركوا فى حاجه بعد اذن صاحب الموضوع طبعا

انا حاليا بتعلم فرنساوى من على النت من موقع dulingo بس انتو عارفين رخامه نطق الكلمات
فانا بحاول مع الموقع ده ان يبقى عندى مخزون كويس من الكلمات+ بعض القواعد (مظنش البرنامج هايعلمهالى كلها)

وبعد كده اسمع اغانى فرنساوى بترجمتها واتفرج على افلام فرنساوى بردو علشان اطقن مهاره الاستماع

كده كويس ولا فيه طريقه تانيه اسرع