| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 2 من 2

  1. #1

    الصورة الرمزية Ramadan Kader

    رقم العضوية : 159963

    تاريخ التسجيل : 09May2014

    المشاركات : 187

    النوع : ذكر

    الاقامة : Giza

    السيارة: ford fiesta

    السيارة[2]: 128

    دراجة بخارية: Noooooooooooo

    الحالة : Ramadan Kader غير متواجد حالياً

    افتراضي انواع البطاريات و أفضل طريقة لفهم كيفيه التعامل معها - Facebook Twitter whatsapp انشر الموضوع فى :

    hasad">

    يا شباب انا خبرتي فالبطاريات كويسه جدا.
    1- كلوريد كويسه و سعرها كويس مقارنة بالمستورد وليها مركز خدمه كتير مكتوبه على ظهر الضمان بيدلولك البطاريه بحاجه اسمها نسبه الأهلاكز يعني الضمان سنه وانت استعملتها 3 شهور بيخصم ليك 75% من ثمنها و بيدفعك 25% و لو 6 شهور بتدفع 50% و لو باقي 3 شهور بس بتدفع 75% و بيخصم 25%.
    وده بيبقى فى كل الماركات مش بس كلورايد. بس الميزه فى كلورايد ان مراكز الخدمه كتير على مستوى الجمهوريه.

    2- نيجي للفارتا تقريبا أفضل بطاريه فى مصر على الأطلاق بس تمانها غالي اوي و لو متخزنه فى التوكيل فتره كبيره بالذات الجافه بتبقى مهلوكه لانها فى واقع المر فيها حامض بس مقفول عليه طبعا الشحن بيبقى عن طريق البحر و بتاخد كام يوم لحد لما توصل للوكيل ومنها للتجار و لحد ما انت بتشتريها بيبقى كتييير اوي ممكن توصل ل 4 شهور وده طبعا من عمر البطاريه لانها بتبقى مشحونه.

    3- فيه بقى ال ACDelco و دي بطاريه ممتازه امريكي بتتصنع فالسعوديه و هناك افضل مصنع أكسيد رصاص فالرشق الأوسط بس السعر مازال اغلى بس البطاريه ممتاز بس مش زي الفارتا و لسه فيها مشكلة انها مستورده و ممكن تكون مركونه عند التاجر.

    يبقى المهم لو عربيتك جديده و كهرتها مظبزطه و ده بيبقى بس موجود ف العربيات اليباني العالي اوي زي اللكزس و التويتا و الأوربي كله تقريبا بيبقى كهربته فوق الممتازه فى الشحن هات بطاريه جافه. و طبعا الكوري بيبقى فى أسفل القائمه كهربته بتبقى زفت علشان يعوض الفرق الكبير فى الكماليات مقابل بطاريه صغيره وده اكيد كل الى معاه كوري يعرفه البطاريه مش بتكمل سنه و نصف ( نصحتي ليه يجيب بطاريه عاديه بتتملي عتقعد معاه أكتر من المقفله) فى الألماني و الفرنساوي تحديدا البطاريه لو أستهلاكك متوسط بتوصل ل 3 سنوات (ده طبعا بعيدا عن لعب الكهربائي فى العربيه او تركيب كتاوت شحن رديئ)

    طيب هل أشتري بطاريه أكبر ولا أقل من المطلوب؟
    لو عربيتك باخد بطاريه 50 أمبير و أشتريت 55 مش مشكله هى بتأثر على المدى البعيد أوي على سليكونات الدينامو . و كذلك لو بطاريتك 55 و أشتريت ال 70 عادي ( كلورايد أصلا بتبقى 62 أمبير و فارتا 65 أمبير) و لو أنت 80 أمبير ممكن تجيب 90 أمبير و عادي جدا.
    بس خد بالك من حاجتين الأول على انت بطاريه عالي ولا واطي بمعني على صوابع البطاريه ألى من وش البطاريه و لا غاطسه فى الوش. لو غاطسه فى الوش تبقى مواصفه أوربي DIN ولو الصوابع أعلى من وش البطاريه تبقى يابانى المواصفه. و غالبا الأوربي DIN بتبقى طبعا فى الأوربي و ال N بتبقى فى الياباني . و طبعا الكوري بيبقى مخلط من الأتنين مع بعضممكن ده او ده. الحاجه التانية بالنسبه للDIN لو عربيتك أوربي بيبقى فيه صباع الموجب منه يمين و منه شمال على حسب طول الكبل الموجب فى عربيتك.

    أمتى أكشف على البطاريه؟
    لو بطاريتك بتتملي ممكن كل أسبوعين تبص بعنيك على الحامض و تتأكد انه مغطي البلاكات و كده يبقى انت فى الأمان طالما بتدور و بتمشي و لو لقيت أثر أسود على الغطيان من تحت يبقى المشكلة فى الشحن عندك عالي و السواد ده نتيجة تبخر الأكسيد . ولو البطاريه جافه لازم تروح للتاجر كل شهر و تكشف غلى الشحن و ده بيطول من عمر البطاريه لانك هتكتشف المشكله بدري.

    الشحن المفروض يكون كام ؟
    لو عربيتك أوربي او ياباني عالى المفروض يكون من 13.70 فولت إلى 14.25 أعلى من كده هيأثر على البطاريه بالسلب و بيقلل عمرها الأفتراضي. ولو عربيتك كوري او أوربي و ياباني قديم و مش مضبوطه هتلاقيه 14.5 فولت اكتر من كده لازم تروح لكهربائيي و يغير الكتاوت بواحد جديدز و افضلهم الى الأن المارلي الأيطالي لان الطالينه متطورين اوي فى موضوع كهرباء العربيات من زمان.

    و لو الشحن عدك أقل من 13.50 فولت يبقى البطاريه هتنام مع الاستخدام فلازم برده تروح تكشف على الكتاوت و خد بالك الكهربائيه مش كلهم بيفهموا الموضوع ده.


  2. #2

    الصورة الرمزية Ramadan Kader

    رقم العضوية : 159963

    تاريخ التسجيل : 09May2014

    المشاركات : 187

    النوع : ذكر

    الاقامة : Giza

    السيارة: ford fiesta

    السيارة[2]: 128

    دراجة بخارية: Noooooooooooo

    الحالة : Ramadan Kader غير متواجد حالياً

    افتراضي -

    hasad">

    فيه حاجه تانيه نسيت انوه عنها:-

    أوعى فى يوم تغير ميه للبطاريه مطلقا لان دي حاجه بيعملها الكهربائيه كتيير و بعبط وبيبقى ليه طريقه و للاسف بتبقى مكلفه فكبر دماغك منها. انت لو غيرت المايه و كانتالبطاريه نايمه ده معناه انى املاح الحامض القديمه الى فى البطاريه مازلت لاصقه على بلكات البطاريه من جوه و الى انت دلقته من البطاريه عباره عن حامض خفيف و لما زودت مره أخري حامض كان بتركيزه العالي و ده معناه انه تركيز الحامض تقريبا بقى ضعف الأول و ده يسبب الفوران مش السبب الشحن العالى لانك فى البدايه كنت بتشتكي من البطاريه نايمه وده معناه انه مكنش فيه شحن. فلازم تغير البطاريه .
    ولما تحب تغير المايه تفضيها كويس جدا و تملها مياه مقطره (بتتباع فى محلات قطع الزيوت ) يعني ميه حنفيه منزوعت الاملاح و الكلور لتجنب الكلور ولاملاح الضارين بالرصاص و تشحنها 8 ساعات و بعد كده فضيها من المايه المقطره واملها حامض عادي بتركير 1.260 إلى 1.280 و ممكن تقيسه بحاجه اسمها الهيدروميتر و اشحنها من 4 الى 8 ساعات و دي الطريقه الصح ومكلفه هتكلفك تقريبا 50 جنيه.



 

المواضيع المتشابهه

  1. ما هى أفضل خدمة عملاء لشركة أجهزة كهربية ، تعاملت معها؟
    بواسطة reda elgohary في المنتدى المنتــــــدى الاجتمــاعى
    مشاركات: 21
    آخر مشاركة: 23-10-2014, 01:59 AM
  2. منقووول( كيفيه التعامل مع المطبات )
    بواسطة _hema في المنتدى نيـــــــــسان
    مشاركات: 37
    آخر مشاركة: 21-02-2013, 09:56 PM
  3. استفسار بخصوص شركة الوثاق للتأمين وخبراتكم فى التعامل معها
    بواسطة hossam_elwani في المنتدى منتدي الاستشارات التأمينية
    مشاركات: 2
    آخر مشاركة: 15-01-2013, 05:12 AM
  4. استفسار لخبراء البنوك و التعامل معها ؟
    بواسطة Forever.Leo في المنتدى المنتــــــدى الاجتمــاعى
    مشاركات: 7
    آخر مشاركة: 17-09-2010, 10:35 PM
  5. أنواع الشخصيات وطرق التعامل معها؟
    بواسطة Sharky في المنتدى المنتــــــدى الاجتمــاعى
    مشاركات: 4
    آخر مشاركة: 24-06-2009, 06:37 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2