كل سنة
كل سنة
بلا استثناء
بيضحك عليا فى قمر الدين
نادر انى اعرف اجيب نوع كويس
والسنة دى كمان السورى منه غالى
حد يقول على نوع كويس مصرى او سورى
عرض للطباعة
كل سنة
كل سنة
بلا استثناء
بيضحك عليا فى قمر الدين
نادر انى اعرف اجيب نوع كويس
والسنة دى كمان السورى منه غالى
حد يقول على نوع كويس مصرى او سورى
قاطع احسن
فعلا قاطع احسن
مش من المنطق ان الـ 400 جرام توصل لـ 27 جنيه
لما نقاطع المنتجات دى التجار هتخلى عندها دم و تبطل جشع
قضيها سوبيا وخلاص
لو خلطت عصير برتقال مع عصير جزر بيديك تقريباً نفس طعم قمر الدين بالظبط
وطبعاً شتان الفارق في القيمه الغذائيه
انزل لف كويس فى السوبر ماركت العادية او الجملة بس مش لازم كارفور ولا مترو لأنهم بيغالوا جدا فى معظم حاجات رمضان
انا وصلت لحد 20 بس اسمه غرناطة سوري - و اعتقد ان السوري متقارب فى الطعم
او مممكن تجيب ازازة فيتراك قمر الدين و تعمل بيها عصير بيبقى جميل جدا
انا مش هشترى قمر الدين هذه السنه - انا مقاطع
والمشمشية والقراصية هم كمان مولعين السنة دى ولا ايه الكلام
انا لسة ما لفتش
في ماركه اسمها تاج الدين مبيلقهاش غير في هايبر وان الوحيده اللي مركزه و طعمها حلو
زي ما الزملاء قالولك قااااااطع وما جاتش على قمرالدين ماله الكركرية والتمرهندي ، لكن لو عايز نصيحة عن تجربة معظم العبوات 400 جرام في السوق مضروبة ونسبة سكر الجلوكوز للمشمش فيها كبيرة والسعر من 25 الي 28 ، الافضل العبوات وزن 500 جرام ودي في اعتقادي مابتبقاش موجهة اصلا للسوق المصري وهاتلاقي سعرها من 35 الى 40 جنيه والماركات "سامو" و "الاحلام" ودول ممكن تلاقيهم في هايبر وكارفور و مترو ، بس طبعا بناء على الاسعار السابقة ياريت تقااااااااااااااااااااااا اااااطع.
تحياتي.
وماله المشمش لما تجيب 20 كيلو ب 100 جم وتحفظهم فى الفريزر باى طريقة من طرق الحفظ
ان شاء الله اشترى النهاردة قبل المشمش ما يخلص
قمر الدين ده كائن ملهوش اي لازمة ليه يعني لفة قمر الدين ب 33 جنيه لو بتحبه اوي كده المشمش موجود اعمله عصير و ريح نفسك و البدائل كتير و بتروي من العطش اكتر منه جدا و رمضان كريم
بلح باللبن :d
قمر الدين ايه وبتاع ايه ,, اصلا الناس فى رمضان بتفترى,, يعنى اعتقد انه ناس كتير كل يوم لازم بسبوسه او كنفه و قطايف و جلاش عشان يحلو ,, و اطباق لحوم مختلفه و محااااشى كتير
كان دا شهر الاكل,, مانت عندك السنه كلها موجوده كل براحتك , اشمعنى ااكل بيحلى فى رمضان
دا حتى الصيف و الحر بيخلوا الواحد عاوز ينزل ياخد غطس فى حمام سباحة مليان بلتمر الهندى مع الكركدية :D
خلاص هاركز مشمش واعمله عصير
عندي نفس الازمه
امبارح جربنا نعمل العصير بنفسنا وطلع طعمه احلي من قمر الدين
ديه الطريق والمكونات اللي مشينا عليها
مشمش – ماء – سكر – شرائح ليمون.
طريقة التحضير:
* يغسل المشمش جيداً ثم يقسم الى أنصاف و ينزع لبه
* يوضع اناء به قليل من الماء حسب كثافة العصير المراد الحصول عليه وكمية من السكر حسب الرغبة على النار
* يضاف له انصاف المشمش وشرائح ليمون للمحافظة على لون المشمش زاهياً مع الانتباه لعدم الإكثار من شرائح الليمون حتى لايكون فيه طعم الحموضة ظاهراً
* يترك المزيج يغلي لحوالي 10 – 15 دقيقة
* عندما ينضج يرفع عن النار و يترك جانباً ليبرد
* يوضع في الخلاط
* يصفى للتخلص من الألياف
* يتم تذوقه لتعديل السكر وتخفيفه بالماء ان كان كثيف
وكمان المانجو الزبدة متوافرة والموسم بتاعها في رمضان ولمدة 3 سنين جاية وطعم العصير بتاعها الذ بكثير.... تحياتي وكل عام وانتم بخير
وهو رمضان يبقى رمضان من غير قمر الدين والخشااااااااف
انتوا بتقولوا. ايه يا جماعه لكل شيء نكهة ودي نكهة رمضانية ... ولازم نحافظ علي اتربينا عليه والي اتعودنا عليه ... يعني احنا هنفطر على ايه على كوكاكولا !!! واحمد باشا اصبر شوية انا متأكد ان ربنا هيبعت لنا تاجر سوري عندوا ضمير يستورد لنا الحجات دي برخص التراب.