مساء الخير
ناوي استعمل زيت خلاف موبيل وان المعتاد و لزوجته هتكون 5w-30
المهم ان موزع الزيت اوصى بضرورة استعمال منظف الموتور قبل تغيير الزيت flush
يا ترى فيه اي اضرار على المحرك من الموضوع ده ؟ عشان كنت قريت في المنتدى حاجه بتقول انه بيائثر على الشمايز
مع العلم ان العربيه ماشيه ٥٨ الف
طالما حضرتك هتحط زيت تخليقي مفيش داعي تستعمل flush
كمان اعرف انه بيأذي الموتور
بلاششششششششششش الفلش ده عبارة عن مواد فيها جاز بتحل الزيوت وصعب انك تنظف الموتور منها بعد الغسيل وبيفضل بقايا من المادة دى وبتبوظ الموتور وخصوصا المواتير الحديثة اللى بتعتمد على ضغط الزيت فى ظبط الموتور وبراحتك !!
الflush مافيهاش اي مشكلة ان شاء الله
وفي حالة حضرتك لا داعي ليها لأن التغيير من تخليقي إلي تخليقي
انا شخصياً غيرت من معدني إلي نصف تخليقي وماعملتش flush
بس مش عشان خايف علي الموتور نفسه - بصراحة عرفت انها بتاكل الطبب بتاعة المحرك والأويلسيلات لو حالتهم تعبانة او مستهلكين
لكن لو المحرك جديد زي بتاع حضرتك "ما شاء الله لا قوة الا بالله" فلا ضرر ان شاء الله
تحياتي لحضرتك
الزيت التخليقي مش محتاج فلاشنج لو غيرت النوع
انما نصيحه مني بلاش زيت 5-w30 مش هياكل معاك في الحر وهيبهدلك
خليك في اي لزوجة 5w-40
او 5w-50
وعن تجربه الموبيل 1 ممتاز وشايف انك متغيروش
للعلم بس
شركة موبيل ديه هي اساس الزيوت في العالم
هي اللى بتحط الكتالوجات والمواصفات للزيوت والكل بيمشي عليها
وهي اول شركة في العالم عملت الزيت التخليقي في الستينات على ما اعتقد
وعموما لو عاوز زيت 5w-30
فيه موبيل وان نازل بلزوجة 5w-30
الموبيل وان فيه منه 3 انواع
5w-50
0w-40
5w-30
وانا شايف ان افضلهم هو 5w-50
بيديك مدى كبير جدا من درجات اللزوجة وينفع في عز الحر الشديد وينفع في الشتاء القارص
الف شكر يا جماعه على تفاعلكم و انا قررت اني معملش عملية تنضيف الموتور
المهم اني لما راسلت الشركه الام الالماني اللي منزله المنتج بتاعها في مصر عن الكثافه الملائمه للموتور بتاعي قالوا ان من الافضل اني استعمل 5w-40
وان ال 5w-30 مش هيوفر الحمايه الكامله بعكس كلام الموزع
غالبا هشتري دماغي و اخليني في الموبيل وان بتاع التوكيل و خلاص
تحياتي لكل من شارك
احسنت موبل منتج جيد
فرأي بلاش منه بصراحة
الفلاش مفيش منه مشكله .انا استخدمته فى عربيتى فى اخر تغيير زيت والعربيه كانت عامله 45 الف وكنت اول مره احطه
مشكله الفلاش تظهر لو انت حطيته على فترات متقاربه يعنى مع كل تغيير زيت ده غلط .لكن الصح انه يتحط كل فتره كبيره يعنى كل 50 الف كيلو مثلا