تسقيط موتور للبولو ٩٩ (نصيحة مطلوبة)

**ahmad.aabed** · 12-06-2014 02:48 PM

السلام عليكم ورحمة الله وبركاته

انا معايا بولو ١٠٠٠ سى سى ٩٩ فابريكه بره وجوه وماشيه ١١٤ تقريبا هحكيلكوا القصه كامله وانتوا تقولوا بقى اعمل ايه وتنصحونى :d

انا جبت العربيه من شهر ٣ العربيه كانت تمام اوى وبتسحب كويس بناء على تجربه الناس اللى بتسوق بقالها كتير (لانى لسه على قدى)

المهم العربيه فضلت ماشيه تمام وكله زى الفل

اه الميكانيكى اللى بص عليها بعد ما جبتها قالى ان الموتور ضعيف ومحتاج عمرة بس انا عادى يعنى ومشيت وكله تمام

لحد اول مره قررت اسافر بيها من القاهرة للمنصورة وكنت مشغل التكييف العربيه تلتت يومها وطلعت عينى

المهم غيرت البوجيهات ومشيت يجى شهر كده تمام وزى الفل وانا بغير البوجيهات قومت مغير الزيت بالمره

المهم جينا فى يوم الحر الفظيع اللى فات ده وقامت العربيه متلته منى تانى روحت اغير البوجيهات لاقيت ان العربيه ما فيهاش زيت مع انى لسه مغيره من شهر واخدت كيلو ونص عشان تتظبط

النصايح كلها حاليا تنحصر فى انى اعمل عمرة او انى اسقط موتور

ف السؤال هنا بقى انا عايز اعمل حاجه تخلى العربيه كويسه معايا انا عايش فى اكتوبر وبروح للقريه الذكيه يوم ويوم مثلا

وبسافر كل شهر دمياط او المنصورة

مش عايز احط فلوس فى العربيه وما تفيدنيش وانا ببيعها ومش عارف هل اعمل عمرة ولا اسفط موتور
طب لو هسقط يبقى انهى نوع وهل اتوماتيك ولا مانيوال وهل فى مشاكل فى الاتوماتيك مثلا

طب اجيب نص ولا الموتور بس

انا ممكن اعمل اى حاجه فى العربيه فى تلت اماكن عشان لو حد ينصحنى بمكان معين
(المنصوره-دمياط-اكتوبر)

ارجو الناس تفيدينى بايه احسن ولو يقدروا يحطوا اسعار الاقتراحات بتاعتهم

وشكرا

**Ahm662** · 12-06-2014 04:04 PM

حضرتك عايز ايه من العربية ........مبدئيا سيبك من ال1000 سى سى علشان موتور ضعيف لو عايز سحب وجرى و تكييف واستحمال للسفر يبقى اختياراتك تنحصر فى ماتورين 1400 16V او 1600 8v وانا برشح ال1600 عنه لانه قطع غياره منتشرة وزى قطع الغيار بتاعت 1400 8v ا.............لو ها تجيب نص كامل يبقى مافيش مشاكل لو مش عايز يبقى تجيب الموتور كامل بطرمبات الباور و الزيت و تجيب العافشة بتاعت الموتور ده لانه موتور تقيل وعزمه اكبر و لازم الفرامل بتاعته علشان طنابير اكبر ................حدد اختياراتك و انا تحت امر حضرتك فى اى استفسار

**ahmad.aabed** · 12-06-2014 04:32 PM

شكرا على الرد

طيب ممكن اسأل كل اقتراح من دول هيكلفنى قد ايه؟

وانا فعلا بحتاج التكييف جدا وخصوصا فى السفر

**hossamalsadik** · 12-06-2014 10:01 PM

الموضوع ده اتكلمنا فيه كتييير جدا بس فى قسم السيات وطبعا الابيزا والبولو واحد فى كل حاجه مع اختلاف فى البودى والتبلوه
اقرا المواضيع ديه هتفيدك
وتحت امرك فى اى استفسار

http://www.nilemotors.net/Nile/340908-1400.html
http://www.nilemotors.net/Nile/304348-a.html

http://www.nilemotors.net/Nile/410617-1998.html

تحياتى