الموضوع: Z2 vs S5 Vs one M8 مين جاب واحد منهم وجربه بنفسه

طيب مع التجربة بقى اقدر اقولك الاتى :

1- الاس 5 يتفوق من حيث : الكاميرا - سهولة السوفت وير وفية كمان تحديثات جديدة مش هتلاقيها غير فى الكيتكات بتاع الاس 5 - معالج ممتاز جدااا والاقوى ضمن المجموعة - حساسات اكتر بكتير وحركات بالاشارة غير موجودة فى المنافسين

عيبة اية : الجهاز صوتة واطى شوية مش عالى ودة بسبب ان الجهاز مقاوم للماء - طبعا الخامات بلاستيك كعادة سامسونج - كان المفروض الجهاز ينزل برامات 3 جيجا لكن اكتفوا ب 2 جيجا ( وانا شايفها كافية جدااااااا لاى مهام بسلاسة ومهما حملت من برامج ) - التصميم هو اللى تقليدى جدااا , ومش عاجب ناس كتير - مافيش فية راديو

2- السونى Z2 : موبايل كويس جداا كخامات يعتبر الافضل فى وجهة نظرى , رامات 3 جيجا الاقوى ضمن المنافسين - شاشة اكبر وافضل فى التصميم من شاشة ال HTC M8 , لان ال HTC M8 مافيس تناسق مابين الطول والعرض عاملين بالظبط زى الايفون 5s - ضد المياة افضل من الاس 5 كعمق ومدة

عيوبة : كاميرا مش زى الاس 5 فى الكفاءة - شاشة الوانها وسطعوها وزاوية الرؤية اقل من الاس 5 - بطارية غير قابلة للتغير ومش بقوة الاس 5 - متوافر فقط بنسخة 16 جيجا

3- ال HTC M8 مجربتوش بس جارى التجربة بس هو اقل من ال Z2 على الورق

ممكن تفكر فى النوت 3 , لو مش هيفرق معاك الحجم وكمان هيوفر معاك فلوس , بس جودتة الكاميرا بتاعتة اقل من فئة الاس عموما ودة شىء معروف عن فئة النوت

شكرا جزيلا لكل ارائكم
انا معايا نوت 2 وقبلة نوت وان ومقتنع فئة النوت فعلا لكن نوت 3 خيب توقعاتي وانا هاشتري موبايل فعلي الاقل يقعد سنة كمان او اكتر فمش هانزل لنوت 3
احتياجاتي مفيهاش جيمز ولا افلام نهائي احتياجاتي شاشة كبير ساطعه وبروسيسور كبير مع رام كبيرة عشان بفتح برامج كتير وبتابع كل الموقع والمنتدي والميلات من الموبايل وبيفرق معايا جدا السرعه وكمان بحتاج الكاميرا كتير
وكنت ماسك موبايل سوني c من يومين لقيت الكاميرا تعبانه قوي قوي مش عارف الزد تو اخباره ايه
السامسونج بيكون كويس جدا في اول ماتجيبة وخلا ست شهور تبدء مشاكله وقرفه
سوني لاحظت فيه استهلاك البطارية فيه ممتاز جدا

ال جي مش بالعها خالص في عالم السمارت فون وبالنسبالي لو نزلت ل ال جي هاجيب هواوي احسن :-)