الموضوع: حد يعرف شيء عن الحمى الروماتيزمية ؟

بقالي سنين بحس بالتعب وتقلب المزاج وصداع ورحت لدكاترة كتير جدا باطنة ومحدش منهم كان بيفيدني

الا ان حسيت بوجع في الكعب والركبة رحت لدكتور عظام بعد الاشعة اكتشف ان عندي درجة بسيطة من الحمى الروماتيزمية وبقالي 8 شهور ماشي على علاج معاه، الاول علاج سرعة الترسيب وبعدها الاملاح وحقنة كل شهر "بنسلين" لتقوية المناعة

دلوقتي نسبة تحاليل ال asot 245 والدكتور سافر، فرحت لدكتور تاني قالي مش هتاخد الحقنة وكتبلي على 5 ادوية مفاصل واعصاب وحاجات كدا.

دلوقتي انا تعبان على طول الحمد لله وحاسس بدوخة وصداع وعيني بتزغلل وطبعا دقات قلب سريعة والحقنة كانت بتعالج ده.

حد عنده خبرة في موضوع الحمى الروماتيزمية دي لحسن كمية الادوية زادت جدا والحالة الحمد لله.

المشاركة الأصلية كتبت بواسطة osamaos20022

لابد من إجراء موجات صوتيه علي القلب ايكو

المشاركة الأصلية كتبت بواسطة د.هشام

ألف سلامة عليك
ان شاء الله مش حيطلع عندك حاجة
بس إعمل موجات صوتية على القلب زيادة إطمئنان، علشان موضوع ضربات القلب السريعة، وعلشان تحسم موضوع أخذ حقنة البنسيللين من عدمه.

انا بتابع مع دكتور انف واذن ودكتور عظام ، كده محتاج اتابع مع دكتور باطنة ؟؟

وهل لو هسافر بره اقدر اتابع بره العلاج عادي ولا ازنق نفسي هنا الفترة الجاية