هل أنت مـِن مـَن يتعلق بالسيارة؟

**محمدايهاب** · 19-07-2007 11:31 PM

أنا بتعلق بالعربية بس مش فارقة معايا نوعها بشرط إنها تكون من فئة ذي أو أعلى من الماتريكس يعني معايا يارس ماشي لانسر ماشي إلنترا ماشي ( رغم إنها مش حلوة أوي ) بس ماشي المهم معايا عربية ده يبقى أكبر حافز إني أنزل و أعمل مشاوير من غير العربية ( خاصة بعد التعود عليها ) أنا برط و كسوووووووووووووووووووووول

**amir** · 28-09-2007 09:16 PM

بالنسبالي الموضوع موضوع حب و تفاني , و كذا مره يطلع موضوع بيعها و اجي و ابوظ البيعه ( حاسس اني هفقد عزيز عليا و الله) , و علي فكره الكلام عن كون العربيه حديد و صاج و مش اكتر من كده غير صحيح 100% , و ده مش كلامي ولا تهريج و الله لاكن في كلام كتير و منه قرب او بقي اثباتات علميه ان البني ادم بيأثر في حاجات كتير حواليه من غير وعي, مثال: واحد راكب عربيته و كل شويه يشتم و يدعي عليها لاي سبب النتيجه العربيه بتعطل او حاجه تحصلها تثبت كلامه الوحش عنها, لاكن لو واحد مبسوط من عربيته و فرحان بيها العربيه بتبقي اعطالها تقريبا مفيش .
و ده مش موضوع ايحاء او مبدأ التركيز للاعطال و تناسي الاوقات الكويسه
قالوها زمان قرف و انا مش شايف تعارض مع الدين ( مش فاكر الايه كويس بس معناها و الله اعلم ان اللي بيبقي حزين علي طول ربنا بيكتب عليه او يطبع علي قلبه الحزن و الهم) ولا ده كان حديث ( بجد مش فاكر و يا ريت الاخوه الاكثر اطلاعا الافاده) .
بس عن تجربه واسعه جرب تحب كل حاجه حواليك و متبقاش سريع السب و اللعن لانك كده ممكن تخسر و الله اعلم

**vooooo** · 28-09-2007 09:55 PM

بصراحه يا جماعه انا شايف لو الشخص بيشترى العربيه علشان الشكل بس يبقى مش هيتعلق بيها نهائى
لكن لو اشترى العربيه علشان موتور و عفشه و الأساسيات دى يبقى هيتعلق بيها لأنه هيحس ان الحاجات دى مش موجوده فى أى عربيه تانيه ( زيى تمام كده )

و لو فكرنا نبيع العربيه مش هبيعها فى المكان اللى عايش فيه
اى حته بعيده علشان لو شوفتها تانى هندم انى فرطت فيها

**شريف** · 29-09-2007 04:23 AM

بصراحه يا جماعه انا شايف لو الشخص بيشترى العربيه علشان الشكل بس يبقى مش هيتعلق بيها نهائى
لكن لو اشترى العربيه علشان موتور و عفشه و الأساسيات دى يبقى هيتعلق بيها لأنه هيحس ان الحاجات دى مش موجوده فى أى عربيه تانيه ( زيى تمام كده )

1+

**Adham** · 30-09-2007 12:23 AM

انت جيت عالجرح

انا بعت عربيتي الهوندا النهاردة الصبح و من بعد الفطار و انا حاسس ان العربية دي مفتقدها قوي ووحشاني و عاوز اتطمن عليها :(

حتى ابتديت افتكر عربيتي اللي كانت قبل منها (هوندا سيفيك) كنت بعتها من 8 او 9 سنين و برضة نفسي اشوفها و باسأل نفسي ياترى حالتها اية؟ و هل صاحبها محافظ عليها و للا اتبهدلت :x

انا من النوع اللي يحب عربيتة جدا و يهتم بيها و لما تبعد عني اقلق عليها زي ولادي بالضبط

**Adham** · 30-09-2007 12:30 AM

لسة كنت باحكي لبنتي بعد الفطار (ست سنين و نص) ان العربية القديمة دي معايا من قبل ما هي تتولد و اننا سافرنا بيها حتت كتير و شافت معانا ايام كتير

و بافتكر لما كنت رايح المستشفي في العربية لما كانت بتتولد وراجع بيها تاني يوم في العربية و هي لسة بنت امبارح

العربية بتبقى زي فرد من الاسرة و بتشوف ايام ومواقف و بتعاصر تاريخ

و انا عامه من النوع اللي تديلة عربية بحالة و بعد سنين تلاقيها بحالة احسن بكتير
موتور احسن استيراد او عالاقل متحافظ عليها و عفشة و جنوط و كماليات و اصلاحات و تجديدات كتيرة فيها من برة و جوة

ودة غالبا يرجع لأنها كانت عربيات شاريها مستعملة مش زيرو

فيا باعالج العيوب و الاعطال اللي فيها و بتبقى دايما للأحسن

**sherif_84** · 30-09-2007 03:39 AM

أنا متعلق بعربيتى جدا ماحبش حد يتريق عليها ولا حد يقعد عليها ولا حد يسوقها الا أنا والوالد فقط
لأنها باختصار غالية عندى قوى لأنها شــوشــو

**Ahmed Anwer** · 30-09-2007 03:56 AM

مبتعلقش بالعربية ، و أعتقد معظم الشباب كده ،
المهم تأدي الغرض المطلوب منها وخلاص
و الشكل و الصالون مهمين جدا بالنسبة ليا ،
و الصالون و التابلوه أهم ،،
في حد ميحبش يقعد في مكان شيك ؟؟؟
لكن الشكل الخارجي ما العربية اللي عجباني اتفرج عليها زي ما أنا عايز في الشارع أو المعارض مش لازم اقتنيها

**Mostafa** · 30-09-2007 05:21 AM

طبعا بتعلق بالعربيه . طب دا عربيتى اللى غيرتها بقالى 3 شهور لحد دلوقتى لسه زعلان عليها

-

الموضوع: هل أنت مـِن مـَن يتعلق بالسيارة؟

LinkBack

أدوات الموضوع

عرض

-

-

المواضيع المتشابهه

الرجاء فى المساعدة بمعرفة كل ما يتعلق ب 525 e60 &e39

نصيحة أم لابنتها فيما يتعلق بالعفة

كل ما يتعلق باللوجان .. تاريخ، مواصفات .. من موسوعة ويكيبديا

موقع لشرح المثير مما يتعلق بنظام الصوت

موقع ممتاز فيه كل ما يتعلق باضاءة السيارات

الكلمات الدلالية لهذا الموضوع

المفضلات

المفضلات

ضوابط المشاركة