متعلقة بيها من قبل ما أجيبها

انا معايا دلوقتي 127.. بس عيني ع السيريون و هاحجزها كمان شهر بالكتير ان شاء الله.. حبيتها من أول ما شفتها.. و لما قريت عنها كتير هنا في منتدى الدايهاتسو حبيتها و اتعلقت بيها اكتر.. لدرجة اني مش شايفة نفسي معايا عربية غيرها و لما باشوفها ماشية في الشارع باتلوح عليها

بس الاحساس ده مش مريحني.. حاسة انها مالكاني و شاغلة تفكيري زيادة و فعلا خايفة لما أجيبها أتعلق بيها اكتر من كده و ابدأ أخاف عليها من الهوا الطاير و أزعل لو حد لمسها او لو اتخبطت.. حاسة ان مش من المفروض ان الواحد يتعلق بحاجة أوي كده في الدنيا.. كله عرض زائل و المفروض الواحد يأقلم نفسه على انه ممكن جدا ما يحصلش على الحاجة اللي بيحبها و يأقلم نفسه على الحياة بدونها.