عرض للطباعة
1- هل أنت مـِن مـَن يتعلق بالسيارة؟
أو بمعنى أخر يا ترى أنت من النوعية إللي بتتعلق بنوع أو ماركة أو لون أو شكل أو فئة سيارة معينه ؟
يعني بتحس أنك مرتبط بالسياره بتاعتك أرتباط قوي حتى لو نزل تعديلات على الموديل إللي بعدها من نفس الشركه ؟
2- وللا أنت من النوع إللي بيحب دايما يبقى راكب أخر موديل أو على الأقل أخر شكل من نوع العربيه إللي بتحبها وبتحس أنك زهقان من عربيتك عشان نزل من نفس الموديل شكل جديد وبقيت حاسس أن عربيتك شكلها قديم؟
يا ريت يا جماعه نجاوب على السؤالين دول ونقول رأينا باستفاضه
أنا بتعلق بسيارتي جدا جدا http://smiles.bdr130.net/smiles/39/2...476fa6df7d.gifزمايفرقش معايا موضوع الشكل ده خالص أنا عربيتي كأنها عيل من عيالي العشرة بتبقى حاكمةhttp://smiles.bdr130.net/smiles/3/88...6733280fd9.gif
"نعم"
انا ماسك في عربيتي "بايدي وسناني" بس اول ما هتقل باصلها معايا، يبقي في مع السلامة والقلب داعيلك و "ستين داهية".
بس حكاية الشكل دي ماتفرقش معايا قوي، المهم العربية تريحني وخلاص ومش كل شوية صيانة وتعب اللهم الا الصيانة الدورية وبس.
الاجابة بنعم لانها و لحد دلوقتى اصيلة معايا و مش حاسس انى نادم على اختيارى ليها و لحد ما تبدى تقل باصلها انا معاها و يمكن كمان علشان اول بختى مع العربيات، هى اول عربية اجيبها
طبعا بتعلق بالعربيه هيا دي فيها كلام :lol:
انا بحس ان انا و العربيه انسان واحد و مكملين لبعض و بزعل لما بلاقيها فيها حاجه و بفرح لما بعمل فيها شغل و الاقيها مرتاحه في المشي.
بس يوم ما حتبتدي تقل باصلها حوزعها بس الحمد لله لحد انهارده ما عملتش حاجه تعطلني او تضايقني منها
شخصيا مبتفرقش معايا :lol: :lol: بس مش الشكل هو المهم فى حجات كتير الاوبشنز و القوه و كدة لاكن العربيه عندى استعداد اغيرها فى اى وقت :D بس بعقل طبعا
اعتقد ان الواحد فى الاغلب بيبقى فيه ارتباط روحى بينه وبين اول عربية يجيبها مهما كانت امكانياتها ضئيلة او مفيهاش رفاهية
لكن لما ربنا يكرم الواحد ويقدر يجيب حاجة احسن مش حيتردد اكيد
بس برضه يحس ان فيه رابطة بينه وبين القديم
بس دى وجهة نظر شخصية[/b]
أنا بتعلق بسيارتي جدا ومايفرقش معايا موضوع الشكل ده خالص
انا عن نفسى يا بايو بحب عربيتى واكرها فى اليوم مليون مره بس بجد بجد بيشدنى شكل العربيه الأودى
انا بقى مش بتفرق معايا العربية لو راحت لنصيبها وده يمكن عشان انا اتعودت اسوق عربيات كتيرة فامش مرتبط بحاجه منهم بس العربيه اللي بسوقها لازم اصونها كويس واحافظ عليها
يعني مثلا انا اول عربيه سوقتها كانت برايد وفضلت معايا 5 سنين بالطول بالعرض واخدت خيرها وفيها كل ذكرياتي ( حلوه او وحشة ) ودي كانت فترة من 18 الي 23 سنه تخيلو الفتره دي الواحد بيبهدل الدنيا ازاي المهم لما اخويا اخدها مازعلتش خالص مادام الحمد لله في الاحسن منها بس برضه اي حاجه او موقف بفتكرها دايما وليها فضل عليا كبير في السواقه وده كفاية
ياجماعه العربيه هي مجرد شي بنستخدمة لنفسنا وطبعا بنحافظ عليه عشان نستفيد منه بس مش لدرجة نتعلق بيه ده جماد برضه اخره يكون ذكرى نفتكرها مش اكتر
ده رأي الشخصي
أنا بتعلق بالعربية بس مش فارقة معايا نوعها بشرط إنها تكون من فئة ذي أو أعلى من الماتريكس يعني معايا يارس ماشي لانسر ماشي إلنترا ماشي ( رغم إنها مش حلوة أوي ) بس ماشي المهم معايا عربية ده يبقى أكبر حافز إني أنزل و أعمل مشاوير من غير العربية ( خاصة بعد التعود عليها ) أنا برط و كسوووووووووووووووووووووول
بالنسبالي الموضوع موضوع حب و تفاني , و كذا مره يطلع موضوع بيعها و اجي و ابوظ البيعه ( حاسس اني هفقد عزيز عليا و الله) , و علي فكره الكلام عن كون العربيه حديد و صاج و مش اكتر من كده غير صحيح 100% , و ده مش كلامي ولا تهريج و الله لاكن في كلام كتير و منه قرب او بقي اثباتات علميه ان البني ادم بيأثر في حاجات كتير حواليه من غير وعي, مثال: واحد راكب عربيته و كل شويه يشتم و يدعي عليها لاي سبب النتيجه العربيه بتعطل او حاجه تحصلها تثبت كلامه الوحش عنها, لاكن لو واحد مبسوط من عربيته و فرحان بيها العربيه بتبقي اعطالها تقريبا مفيش .
و ده مش موضوع ايحاء او مبدأ التركيز للاعطال و تناسي الاوقات الكويسه
قالوها زمان قرف و انا مش شايف تعارض مع الدين ( مش فاكر الايه كويس بس معناها و الله اعلم ان اللي بيبقي حزين علي طول ربنا بيكتب عليه او يطبع علي قلبه الحزن و الهم) ولا ده كان حديث ( بجد مش فاكر و يا ريت الاخوه الاكثر اطلاعا الافاده) .
بس عن تجربه واسعه جرب تحب كل حاجه حواليك و متبقاش سريع السب و اللعن لانك كده ممكن تخسر و الله اعلم
"لا" وده لانى بحب التغيير بصفة عامة بل بالعكس اذا طولت معايا العربية بحس بزهق شديد منها وفى رأيى ان اكبر فترة لامتلاك السيارة نفسها هى 3 سنوات.
بصراحه يا جماعه انا شايف لو الشخص بيشترى العربيه علشان الشكل بس يبقى مش هيتعلق بيها نهائى
لكن لو اشترى العربيه علشان موتور و عفشه و الأساسيات دى يبقى هيتعلق بيها لأنه هيحس ان الحاجات دى مش موجوده فى أى عربيه تانيه ( زيى تمام كده )
و لو فكرنا نبيع العربيه مش هبيعها فى المكان اللى عايش فيه
اى حته بعيده علشان لو شوفتها تانى هندم انى فرطت فيها
1+اقتباس:
بصراحه يا جماعه انا شايف لو الشخص بيشترى العربيه علشان الشكل بس يبقى مش هيتعلق بيها نهائى
لكن لو اشترى العربيه علشان موتور و عفشه و الأساسيات دى يبقى هيتعلق بيها لأنه هيحس ان الحاجات دى مش موجوده فى أى عربيه تانيه ( زيى تمام كده )
انت جيت عالجرح
انا بعت عربيتي الهوندا النهاردة الصبح و من بعد الفطار و انا حاسس ان العربية دي مفتقدها قوي ووحشاني و عاوز اتطمن عليها :(
حتى ابتديت افتكر عربيتي اللي كانت قبل منها (هوندا سيفيك) كنت بعتها من 8 او 9 سنين و برضة نفسي اشوفها و باسأل نفسي ياترى حالتها اية؟ و هل صاحبها محافظ عليها و للا اتبهدلت :x
انا من النوع اللي يحب عربيتة جدا و يهتم بيها و لما تبعد عني اقلق عليها زي ولادي بالضبط :cry:
لسة كنت باحكي لبنتي بعد الفطار (ست سنين و نص) ان العربية القديمة دي معايا من قبل ما هي تتولد و اننا سافرنا بيها حتت كتير و شافت معانا ايام كتير
و بافتكر لما كنت رايح المستشفي في العربية لما كانت بتتولد وراجع بيها تاني يوم في العربية و هي لسة بنت امبارح :cry:
العربية بتبقى زي فرد من الاسرة و بتشوف ايام ومواقف و بتعاصر تاريخ
و انا عامه من النوع اللي تديلة عربية بحالة و بعد سنين تلاقيها بحالة احسن بكتير
موتور احسن استيراد او عالاقل متحافظ عليها و عفشة و جنوط و كماليات و اصلاحات و تجديدات كتيرة فيها من برة و جوة
ودة غالبا يرجع لأنها كانت عربيات شاريها مستعملة مش زيرو
فيا باعالج العيوب و الاعطال اللي فيها و بتبقى دايما للأحسن
أنا متعلق بعربيتى جدا ماحبش حد يتريق عليها ولا حد يقعد عليها ولا حد يسوقها الا أنا والوالد فقط
لأنها باختصار غالية عندى قوى لأنها شــوشــو
مبتعلقش بالعربية ، و أعتقد معظم الشباب كده ،
المهم تأدي الغرض المطلوب منها وخلاص
و الشكل و الصالون مهمين جدا بالنسبة ليا ،
و الصالون و التابلوه أهم ،،
في حد ميحبش يقعد في مكان شيك ؟؟؟
لكن الشكل الخارجي ما العربية اللي عجباني اتفرج عليها زي ما أنا عايز في الشارع أو المعارض مش لازم اقتنيها
طبعا بتعلق بالعربيه . طب دا عربيتى اللى غيرتها بقالى 3 شهور لحد دلوقتى لسه زعلان عليها
سؤال من فضلك يا أستاذ مصطفى لو سمحت لي؟اقتباس:
المشاركة الأصلية كتبت بواسطة Mostafa
كلنا عارفين مدى تعلقك بسيارتك البيجو 405 موديل 2002 وهذا واضح جدا من توقيعك
لكن سؤالي ليه حضرتك تبيع عربيه موديل 2002 وتشتري نفس العربيه موديل 1999 ؟؟؟؟؟
أعذرني على السؤال السخيف ده
+1000اقتباس:
المشاركة الأصلية كتبت بواسطة ابوحميد
انا بحب سيارتي الحالية جدا , بس اعتقد ان اكتر من 70% من هذا الحب بسبب انها سيارتي الأولي و لو جاتلي فرصة اني اجيب حاجة احسن ( فرصة كبيرة يعني مش اي كلام ) اكيد حجيب :)
طبعا لازم تتعلق بعربيتك لانك لو متعلقتش بيها يبقي مالكش غالي حتي لو عربية مهكعة دي عشرة يا ما شالت الواحد وياما اسعفتة حتي بنت اللي عندها سنتين لما بعت العربية (مع انها طلعت عيني) كانت كل شوية تقولي هي العربية فين (عربية بابا فيين) يعني دي بالفطرة صح ولا للأ
+1اقتباس:
المشاركة الأصلية كتبت بواسطة hatem_badawe
طبعا طبعا يا سلام اول عربية حبيتها كانت عربية والدتي البرايد ( العصفورة ) مع اني كنت مستهيفها الاول بس لما سوقتها حبيتها علي الدوجان اللي كانت معانا قبل كده ( يمكن لان الدوجان عملت بيها حادثة جامدة فكرهتها )
ولما اتجوزت وجبت شهاب 3 اصبحت بالنسبالي سلاح استراتيجي من اهم ما يمكن عشان بضمنلي اني في اي وقت اصوبها في اتجاة المقاطيع اصحابي كرد فعل لاي هجوم بالسلحة النكد الشامل في البيت ده غير انها سبب لان الواحد يقدر يصل رحمة بسهولة اكتر ولو عديت فوائدها مش هنخلص بس الاصل في حبي ليها هو حب البرايد العصفورة من صغرى وامنيتي اني يبقي عندي واحدة زيها لما اكبر والحمد لله اتحقق الحلم فلازم احبها طبعا
اتعلق بالسيارة كل ما تكون اصيلة و اعطالها قليلة لكن لو بدأـ تخرف و تعمل مجنونة بالرغم من العناية المركزة يبقى على بيت ابوها عدل
يعني اول ما بابا جابلي الانوس مفاجئة قلت في بالي :ايه العربية العكرة دي؟ اصوم اصوم و افطر على لانوس؟ و لكن لما سقتها و عملت بيها اكتر من 20الف كيلو عرفت ازاي هية عربية مريحة و اصيلة بس بصراحة اخويا متابعها مع عربيته في كل حاجة
و حاليا طول ما هية على قد جيبي و عاملة بأصلها بكون متعلقة بيها جدا لكن لو لعبت الدنيئة يبقى بالشلوت على طول بدون تفكير
موضوع جامد والله..
انا عدي عليا في عمرة 3 عربيات..
الاولي سيات 133 قعدت معانا 12 سنة.. كنت باتعامل معاها علي انها اختي..
(مش هاقول بنتي عشان كنت لسة صغير..)
اتعلمت عليها السواقة. و كنت باصلحها و اغسلها بنفسي و مدلعها..
فاكر ايام ما كان والدي بيودينا بيها المدرسة وانا في 2 و 3 ابتدائي..
يعني حاجة من 20 سنة تقريبا.. او اقل شوية..
كانت معانا من 1990 لحد 2002
معظم الفترة دي كان والدي مسافر و كانت مركونة
بعدها فيات 125..
كانت بتاعت 2 اصحابي اخوات..
اكنت معاهم من الزيرو
ربنا فرجها عليهم و كانوا جابوا اوبل استرا و سكودا فابيا زيرو..
مكانوش زعلانين عشان كانت العربية هتتباع بس مش لحد غريب..
وكانت قدجامهم علي طول.. كنا بنركن اصلا في نفس الجراج..
طلعت رخصتي و عيشت معاها 6 سنين.. انا بس اللي باسوقها..
عملت بيها حواد.. خبطات يعني.. مش كوارث..
قصيت بيها احلي ايام الكلية..
احلي سفريات مع العيلة و مع جدتي رحمة الله عليها..
احي خروجات مع الاصدقاء..
اكتر حاجة كرهتها فيها كانت البطارية.. و الشكمان..
البطاريات مغير ييجي 5 في ال5 سنين.. وده كتير جدا..
و الشكمان.. كان بيتكسر كتير جدا و كان مقرفني..
بس الحق يقال عمرها ما عملت معايا موقف نص كم غير حاجات بسيطة يعني..
فردة ضربت وانا مسافر وكان معايا اهلي.. و في نفس السفرية وانا راجع الشكمان اتكسر..
لما بيعتها كنت زعلان جدا.. و اهلي في البيت كمان كانوا زعلانين.. بس سنة الحياة..
دلوةقتي معايا كورسا هاتش باك..
بدأت اتعود عليها و احسها زي بنتي فعلا..
بس بحكم الظروف الشغل و الوقت..مش معتني بيها قوي.. بس مش كتير المشي بيها..
ولو قعدت معايا شوية.. هاطلعها ع الاخر..
هي الحمد لله اساسيات زي الفل..
بس عايزة شوية دلع..
كاسيت.. مرايات الكهربا تتغير.. فرش و دواسات كده يعني..
يا رب يبقي ليا معاها ذكريات كويسة زي اللي كانت مع اللي قبلها..
اقتباس:
المشاركة الأصلية كتبت بواسطة ابوحميد
المثل بيقول : القديمة تحلى و لو كانت وحلة
اقتباس:
المشاركة الأصلية كتبت بواسطة sherif_84
سبحان الله
أنا كنت فاكر إن ده طبع موجود فى أنا بس
أنا أتجنن لو شفت حد قاعد على العربية
و أتنرفز جدا لو شفت واحد خارج من المسجد و يربط حزائه فوق جسم السيارة
حتى لو كانت مش عربيتى
و ألومه و أعنفه
انا كتعلق بعربيتي جدا وبحبها جدا لانها اصيله وما قلتش باصلها معايا .....
بس بفكر ابيعها علشان عايز اجيب اوبل فيكترا بس صعبانه عليا ابيعها اووووى !!!!!!
طبعا متعلق بالعربية
شوفت معاها ايام سوداء و ايام حلوة
سترانا انا و قرايبى و اصحابى
بس مشكلتها ان عمرها 30 سنة
و كل ما اظبط فيها حاجة و اقول هنساها بقى، اجد مشكلة تانية ظهرت
و ناوى اعمل موضوع عن مواقفى معاها
بيجو 504
متعلقة بيها من قبل ما أجيبها :wub5:
انا معايا دلوقتي 127.. بس عيني ع السيريون و هاحجزها كمان شهر بالكتير ان شاء الله.. حبيتها من أول ما شفتها.. و لما قريت عنها كتير هنا في منتدى الدايهاتسو حبيتها و اتعلقت بيها اكتر.. لدرجة اني مش شايفة نفسي معايا عربية غيرها و لما باشوفها ماشية في الشارع باتلوح عليها :tt1:
بس الاحساس ده مش مريحني.. حاسة انها مالكاني و شاغلة تفكيري زيادة و فعلا خايفة لما أجيبها أتعلق بيها اكتر من كده و ابدأ أخاف عليها من الهوا الطاير و أزعل لو حد لمسها او لو اتخبطت.. حاسة ان مش من المفروض ان الواحد يتعلق بحاجة أوي كده في الدنيا.. كله عرض زائل و المفروض الواحد يأقلم نفسه على انه ممكن جدا ما يحصلش على الحاجة اللي بيحبها و يأقلم نفسه على الحياة بدونها.
أنا أكتر عربية الي ممكن أتعلق بيها الـ 128 الي معايا ... لأنها أول عربية ليا واتعلمت عليها السواقة وكنا جايبنها زيرو ... فمش متصور إن حد تاني يسوقها غيري
لكن بعد كده أي عربية تانية تروح وتيجي عادي مش هتفرق
الموضوع دة قدييم مووووووووت يا جدعاان !!!!!!!
مين اللى رجعه !!!!!!!
إحمدى الله إنك متعلقة بشئ جماد لو حصلت علية أو لم تحصلى ممكن تعوضيهاقتباس:
المشاركة الأصلية كتبت بواسطة OlaOsman
لكن أصعب شئ فى الدنيا التعلق بإنسان ثم تفقديه -سواء بالسفر أو الهجرة أو الموت-
ذلك أصعب شئ فى الحياة
عافاكم الله جميعا
اللهم عافنا و اعف عنا يا رب.اقتباس:
المشاركة الأصلية كتبت بواسطة homme49