سؤال للي بيعرفوا يغيروا بوجوهات عربياتهم

**dr_abooody** · 14-10-2008 03:18 AM

انا عندي مفك للبوجيهات

هل ينفع افكهم وأغيرهم بنفسي بدل ما اروح للميكانيكي

و هل هي بتحتاج ظبط حاجة و لا مجرد بيتفكوا و اركب جديد مكانها و خلاص

انا سمعت ان في حاجة اسمها ال heat range وازاي يتظبط

و في تقريبا حاجة يقولك تعلى الشرارة و توطيها

هل دة في البوجيهات بردة

**ahmed_su** · 14-10-2008 03:58 PM

تغير البوجيهات بنفسك سهل

بس فيه حاجة بسيطة وهى ضبط ثغرة الشرارة ودى عبارة عن تضيق او توسيع مسافة الطرف الارضى و الالكترود الموجب للبوجيه وده حسب نوع عربيتك ويقاس بجزء من عشرة من المللى

وفيه ناس بتستخدم اداه لذالك اللى هو الفيلر وهو عبارة عن مجموعة من الرقائق المعدنية وكل واحدة منهم ليها سمك معين بداية من جزء من المائة ميلى الى 2مم وبتختار الرقيقة المناسبة لفتحة الشرارة طبقا لنوع عربيتك بحيث تمر بالكاد من بين الالكترود الموجب والطرف الارض للبوجيه .

وفيه ميكانكية بيعملوها بالبركة

اما تقديم وتأخير الشرارة لو العربية مظبوطة قبل تغير البوجيهات فمش هتحتاج حاجة اما بخلاف كده فلازم حد متخصص يعملهلك لانك مش هتعرف تعملها بنفسك خصوصا لو اول مرة

**ahmed_su** · 14-10-2008 04:30 PM

شوية صور للتوضيح

فك البوجيهات

استخدام الفيلر فى ضبط فتحة البوجيه
----------------------------------
دى بعض اشكال لفيلر الظبط

ويفضل فك البوجيه الاول وتركيبه... والثانى وتركيبه ...وهكذا
يعنى ماتفكش الاربعة مرة واحدة حفاظا على ترتيب الاسلاك علشان ماتتلغبطش وخصوصا انها اول مرة

وتخلى بالك ان المنطقة حولين البوجيه تكون نظيفة علشان مافيش اى اواساخ او اشياء قد تقع بداخل اسطوانة الموتور

يارب تكون المعلومة وصلت

**zarkoor** · 14-10-2008 05:54 PM

أهم حاجه لما تيجي تربط البوجيه تربطه بايدك لحد الاخر
و بعدين تلفه بمفتاح البوجيهات ربع لفه بس علشان تحافظ على السن

اما بالنسبه لظبط خلوص البوجيه فا مش لازم لو حتستعمل نفس رقم البوجيه اللى فى كاتالوج العربية

لو حتغير بنوع تانى دايما بص على جدول البوجيه اللى بيجيب الانواع اللى ليها نفس ال (Heat range)
لو اللى بيبيع البوجيه ما عندوش الجدول يبقى ماتركبهومش علشان فيه احتمال كبير العربيه تبرجل منك (اغلب شركات البوجيهات حاطين الجداول بتاعتهم على النت)

الموضوع ده فيه كل حاجه تهمك

http://www.ngksparkplugs.com/tech_su...x.asp?mode=nml

**dr_abooody** · 14-10-2008 06:38 PM

مش عارف يا جماعة أشكركم ازاي على الردود و الصور الجميلة

لكن هل لو روحت لمحل قطع غيار و قولتله عايز بوجيهات اصلية لل 128 هيديلي البوجيهات المناسبة للعربية
انا اسمع ان heat range بيكون مظبوط جاهز يعني اركب البوجية على طول هل الكلام دة صح و لا اية

**dr_abooody** · 14-10-2008 06:54 PM

المشاركة الأصلية كتبت بواسطة zarkoor

أهم حاجه لما تيجي تربط البوجيه تربطه بايدك لحد الاخر
و بعدين تلفه بمفتاح البوجيهات ربع لفه بس علشان تحافظ على السن

اما بالنسبه لظبط خلوص البوجيه فا مش لازم لو حتستعمل نفس رقم البوجيه اللى فى كاتالوج العربية

لو حتغير بنوع تانى دايما بص على جدول البوجيه اللى بيجيب الانواع اللى ليها نفس ال (Heat range)
لو اللى بيبيع البوجيه ما عندوش الجدول يبقى ماتركبهومش علشان فيه احتمال كبير العربيه تبرجل منك (اغلب شركات البوجيهات حاطين الجداول بتاعتهم على النت)

الموضوع ده فيه كل حاجه تهمك

http://www.ngksparkplugs.com/tech_su...x.asp?mode=nml

الصفحات الانجليزي دة جامدة اويي

الف شكر ياباشا