عرض للطباعة
انا عندي مفك للبوجيهات
هل ينفع افكهم وأغيرهم بنفسي بدل ما اروح للميكانيكي
و هل هي بتحتاج ظبط حاجة و لا مجرد بيتفكوا و اركب جديد مكانها و خلاص
انا سمعت ان في حاجة اسمها ال heat range وازاي يتظبط
و في تقريبا حاجة يقولك تعلى الشرارة و توطيها
هل دة في البوجيهات بردة
مبدئيا المفروض البوجيهات بتركب بمفتاح عزم علشان ماتتربطش زياده أو أقل من المطلوب وطبعا ده مابيحصلش في مصر والعمليه بتعتمد على خبره الصنايعي وبالتالي أفضل إنك تخلي الميكانيكي يركبها ، أما بالنسبة heat range فده حسب إن جي كي "the heat range is a measure of the spark plug's ability to remove heat from the combustion chamber" وده معناه قدره البوجيه على التخلص من الحرارة الناتجة من اتصاله بغرفة الاحتراق وده بيختلف بإختلاف البوجيهات ومش هايفرق معاك لو هاتجيب البوجيهات الأصلية او المعتمدة للعربية ، اما الشرارة أنا أعتقد إنك بتتكلم عن المسافة بين قطبي البوجيه ودي متوسطها 0.8 مللي ممكن تزيد أو تقل حسب نوع العربية ودي بتيجي مضبوطه جاهزة في البوجيه ومش هاتفرق معاك برضه لو هاتجيب البوجيهات الأصلية او المعتمدة .اقتباس:
المشاركة الأصلية كتبت بواسطة dr_abooody
تحياتي.
الheat range بيبقى محدد فى كتالوج السيارة عشان لو حتجيب بوجيهات غير الاصلية و دى بتختلف من عربية لعربية
الفجوة بين الالكترود السالب و الموجب محددة فى الكتالوج برضة و دى بتختلف من عربية لعربية و بتتظبط بفلر
MMamdouh
الكلام اللى فات كله صح بس اهم حاجه و انت بتركبها تخلى بالك من السن بتعها و تركبها من غير لوحه او عوجه علشان لو لقدر الله السن اتعوج هاتضر تفك و ش السلندر علشان تخرطها
1+اقتباس:
المشاركة الأصلية كتبت بواسطة AHMEDCAR
عشان كدة لازم تشبط البوجية فى الوش بايدك الاول بعد كدة تستعمل المفتاح منعا لاتلاف القلاووظ اللى فى وش السلندر
MMamdouh
يعني يا جماعة لو جبت بوجيهات اصلية تعملها في حدود كام كدا
و ما دام البوجيهات اصلية و معروفة انها بتاعت ال 128 اركبهم بنفسي و خلاص و لا هتحتاج ميكانيكي
و هل لو بدلت سيلك مكان التاني هيحصل حاجة دة مجرد سؤال ؟؟؟
بس احسن حاجة اني افكهم واحد واحد يعني اللي افكة اغيرة و احطلة الكابل بتاعة و اشوف اللي بعدة
طبعا لو حطيت سلك مكان التانى فيه مشكله العربيه هاتبرجل و تفضل تضرب مدافع كهرباء من الشكمان و دى غلط