بص اكشف علي ثيرموستات الكوعة و علي طلمبة الميه
رقم العضوية : 127399
تاريخ التسجيل : 11Jul2012
المشاركات : 27
النوع : ذكر
الاقامة : Alexandria
السيارة: ToYota
السيارة[2]: Fiat 132
دراجة بخارية: No
الحالة :
عندى سيـارة شخصية من نوع تويوتا كورولا 2008 ...
بس الشركة التى بشتغل فيها عطتنى سيارة فيرنـا 2009 للقيام بعملى فى ( التسويق ) حيث أعمل فى شركة كبيرة للكيماويات الزراعية ...
وعانيت بشدة لمجرد تصور قيـادة السيارات الكورية بعد الاعتياد على قيادة السيارات اليابانية
فما بالك بقيـادة سيـارة كورى مانيوال بدلاً من سيارة يابانى أتوماتيك ؟!!
وما بالك بقيادة سيارة ( عجوزة ) عاملة 350 ألف كيلو متر قبل كـده ؟!!
الشركة بصراحة قالت لى اصرف عليها زى ما انت عايز عشان متعملش معاك حاجة فى الطريق ( شغلى فى منطقة الصحراوى وأجواره )
المهم ، رحت عامل فيها الآتى :
1- غيرت زيت وفلتر زيت وفلتر الهواء وفلتر البنزين
2- غيرت كل السيور ( تكييف وباور وكاتينة ) وغيرت البليتين بتوع الكاتينة معاهم
3- غيرت طقم الكاوتش بالكامل بكاوتش بريدجستون جديد
4- شيكت على العفشة كلها ( غيرت بيض الدركسيون والكاوتشات وعليت العربية من ورا بكاوتش تعلية )
5- غيرت تيل الفرامل ورا وقدام وعملت للطنابير الخلفية ( وش نضافة ) فى المخرطة
6- سلكت الرادياتير ونضفت الإربة وحطيت ميه خضرا
7-غيرت بلية كمبروسر التكييف كانت خشنة جداً وغسلت التلاجة وغيرت فلتر التكييف وشحنته بالفريون
8- شيكت على كهربا العربية كلها ( أنوار وسنتر وكده :) )
9- عملت فيها شوية سمكرة خفيفة من خبطات قديمة !
10 - غيرت البوجيهات وزيت الفتيس
وطبعاً عملت فيها حاجات كتير من ناحية النضافة الداخلية والخارجية بس حبيت أقولكم على الحاجات الأساسية !
ومشيت بالعربية أخيراً بعد التعديل ، وطلعت بانطباعات إيجابية وسلبية :
العربية سحبها كويس جداً لدرجة استغربت ليها ! كويسة جداً فى المطبات ! التكييف بتاعها ممتاز ! ناعمة وسلسة على الطريق فى السرعات العادية ! مش بتاكل بنزين ! شنطتها كبيرة !
من عيوبها : صوت المكنة عالى ! مش ثابتة فى السرعات العالية ! الفتيس بتاعها بيعض ! الدبرياج تقيل شوية ( أو يمكن أنا اللى مش متعود على المانيوال !! )
وطبعاً بعربية عاملة 350 ألف كلم الواحد يبوس إيده وش وضهر على العيوب دى بس !
المهم فضلت حوالى شهرين ماشى بيها كفاءة ومعملتش معايا أى حاجة وحشة بس أول امبارح وأنا جاى بيها من الشغل حوالى الساعة 8 بالليل وعلى الكورنيش لاحظت إن أمبير الحرارة رفع على الآخر !!
استغربت جداًَ ! طيب ده أنا بمشى بيها فى عز الحـرّ ومسخنتش منى يبقى تسخن بالليل والجو كان تحفة ؟!
المهم وقفت بيها فوراً وشفت الميه لقيتها ناقصة شوية صغيرة ! مش هيا اللى تسخن المكنة يعنى !!
زودتها مية عادية وقفلت التكييف لقيت الأمبير رجع تانى فى النص ( العادى بتاعه )
مشيت بيها شوية لقيت الأمبير رفع تانى !! إيه يا عم مالك مش لسة مشربك ميه ؟!!
نزلت لقيتها ناقصة شوية ميه صغيرة برضه ! جات لى فكرة مخيفة ! مش يمكن المكنة جابت جوان ؟! كشفت بسرعة على الزيت لقيته نضيف ومش ( مطحّن ) يعنى مش عليه ميه ! وكمان الرادياتير مش بينفخ ولا يغلى وبصراحة مش حاسس بأية حرارة فى الموتور زيادة عن اللازم !!
بس عمنا الأمبير شايف غير كده !!
امبارح الصبح رحت لواحد ميكانيكى معرفة جنبى فى ميامى قعد يدور فيها على أى تسريب فى أى خرطوم ملقاش !
الناس اللى كانت عنده بتصلح عربياتها اتلمت علىّ وقعدت تنصحنى مشكورة وتحاول تحل معايا المشكلة ( جدعنة المصريين بقى :) )
واحد قالى : بص يا هندسة أكيد الرادياتير بتاعك عايز يتغير !
واحد تانى قالى : اكشف على طلمبة الميه يا ذوق وغيرها !
واحد تالت قالى : كان عندى فيرنا وعملت كده معايا وغيرت ترمستات الكوعة وبقت تمام !
بصراحة كثرة النصائح خلتنى أحتار قلت أسألكم هنا لأنى بصراحة مليش فى الفيرنا :(
مســــــاء الفــــل :)
رقم العضوية : 145644
تاريخ التسجيل : 24Jun2013
المشاركات : 1,310
النوع : ذكر
الاقامة : القناطر الخيرية
السيارة: رينو اوبتيما
السيارة[2]: تويوتا
الحالة :
بص اكشف علي ثيرموستات الكوعة و علي طلمبة الميه
سارح فـ غربة بس مش متغرب
[shfaf2]https://scontent-b-cdg.xx.fbcdn.net/hphotos-xap1/v/t1.0-9/10885528_660182824094154_6902646680377564859_n.jpg ?oh=d4576f79606fd1296a089e78b6577ec4&oe=55590336[/shfaf2]
رقم العضوية : 10617
تاريخ التسجيل : 13May2008
المشاركات : 2,422
النوع : ذكر
الاقامة : محافظة الغربية
السيارة: NileMotors
السيارة[2]: Suzuki SWIFT 1994 Japan
دراجة بخارية: Phoenix
الحالة :
تهييس ثيرموستات كوعه
رقم العضوية : 149487
تاريخ التسجيل : 02Oct2013
المشاركات : 10,977
النوع : ذكر
الاقامة : DAMANHOUR , ALEX
السيارة: ♥-♥-♥-♥-♥-♥-♥-♥
السيارة[2]: O---P---T---R---A
دراجة بخارية: ♥♥♥-._.-♥♥♥
الحالة :
غالبا ترموستات الكوعه
رقم العضوية : 158353
تاريخ التسجيل : 03Apr2014
المشاركات : 201
النوع : ذكر
الاقامة : القاهرة
السيارة: ----------------
السيارة[2]: corolla 99
الحالة :
زى ما قال الشباب مدام مفيش اى تسريب والزيت سليم يبقى ترموستات كوعة
رقم العضوية : 152651
تاريخ التسجيل : 03Dec2013
المشاركات : 65
النوع : ذكر
الاقامة : المعادى
السيارة: سيات ابيزا 2002
السيارة[2]: هونداى اكسنت
الحالة :
اكيد اكيد ومفيش جديد ترموستات الكوعه
رقم العضوية : 72113
تاريخ التسجيل : 02Jun2010
المشاركات : 97
النوع : ذكر
الاقامة : alex
السيارة: verna
السيارة[2]: bolnez
دراجة بخارية: لا يوجد
الحالة :
مش ثابتة فى السرعات العالية لان حضرتك عليتها من ورا ب جوان انا غلط الغلطة دى و العربية كانت قبل كدة جميلة رجعها على ارتفاعها الاصلى
رقم العضوية : 16400
تاريخ التسجيل : 14Aug2008
المشاركات : 1,958
النوع : ذكر
الاقامة : حلوان
السيارة: لانسر شارك 2015
السيارة[2]: ألنترا 2007
الحالة :
شنطه الفيرنا صغيره جداااا
رقم العضوية : 64036
تاريخ التسجيل : 03Mar2010
المشاركات : 778
النوع : ذكر
الاقامة : cairo
السيارة: لا يوجد
السيارة[2]: هيونداي فيرنا
دراجة بخارية: لا
الحالة :
رقم العضوية : 55300
تاريخ التسجيل : 09Dec2009
المشاركات : 8,794
النوع : ذكر
الاقامة : مدينة العبور
السيارة: PROTON GEN2
السيارة[2]: ...
دراجة بخارية: no bike
الحالة :
تيرموستات الكوعة قافش زي ماالاخوة الاعضاء تكرموا وقالوا
eng f3lix سابقا
المفضلات