متابع ارائكم
متابع ارائكم
صعب تحكم لان الاتراج والسانديرو لسه نازلين مش هتعرف تحكم غير بعد تلات سنين ع الاقل من الاستخدام وظهور المشاكل
الفيرنا غير محببه ف السفر لعدم التحكم الجيد والسيطره علي العربيه ع سرعات عاليه
الصني كويسه او نقول احسنهم الي حد ما بس كوسائل امان فهي متنفعش
الافيو ع حسب مسمعت انها كويسه الي حد ما
بس كل العربيات دي اسمها سيارات مدينه
يعمي الشركات عاملاها عشان تلف بيها جوا البلد
القيرنا كانت معايا -تقفيل اقل جودة - حصان جامح يريد الانطلاق - سافرت بيها كذا مرة اسكندرية - عاوزه واحد عاقل -عمرى ما كنت هابيعها لولا ظروف صحية و لازم اسوق اوتو
اتفرجت ع الاتراج الاوتو الاولى انهارده - عربية مدينة - توفير فى البنزين - مالهاش فى السفر 3 سليندر- واسعه - ماتورها بتاع موتسيكل كبير-تقفيل نضيف و خامات معقوله
الباقى معرفش
اتمنى اكون قدرت افيدك
تحياتى
السلام عليكم ورحمه الله وبركاته
ربنا يكرمك ويوفقك الي الصواب
انا رأيي ال سانديرو
سانديرو او ميسوبيشى او صنى بالترتيب
منصحكش بالاتراج لانها 3 سلندر 1200 سى سى يعنى موتورها ضعيف مش حيتحمل تكييف مع سفر و تحميل.. بالنسبة للباقى انا شايف افضلهم الصنى من ناحية كل حاجة.. هى معايا و ما شاء الله جميلة بس كان ليا شوية تعليقات على التقفيل اول ما اشترتها لكن والله ما شاء الله واسعة و مريحة و تكييفها حلو.. و ربنا يكتبلك الخير ان شاء الله
هههههههههههههه يا باشا انت ظالم الصنى كدا لية بس حرام عليك عليك بتقارنها بفيرنا وارتاج ال 1200 cc والافيو الزبالة طيب ازاى بس !!! الصنى فئة اعلى من الحجات دى كلها اصلا
ياباشاا. الصني طبعا تكسب ف كل حاجه السعر ووسائل الامان والتوكيل محترم جدا والاتسلع والعلو عن الارض والسمعه وكل حاجه وموتورها ياباني والفتيس ياباني مش هندي الكلام ده من مهندس صديق ف التوكيل يعني مش هايضحك عليا
صنى شكل قديم
يا جدع انت حرام عليك ازاى تقارن الصنى بالعربيات الزبالة انت انت قايل عليها دى
الصني اعلاهم فكل حاجه بس عيوبها الفرامل و صوت الصفاره قدام و ورا واعمل حسابك عشان هتغير تيل فرامل كل 10000 كم مع زيت الموتور طبعا
سانديرو او ميسوبيشى
ولو عاوز عملية يبقي فيرنا
او تدور علي صني شكل قديم وتبقي الافضل
صنى هتديك كل حاجه
وسع وراحه فى السواقه لانها اوتوماتيك قوة موتور فى السفر توكيل محترم وقطع غيار متوفره
لو المانيوال مش فارق معاك اركب اللوجان لان السانديرو ضيقه شويه للى راكب ورا والشنطه معقوله
ممكن تفكر فى سوزوكى ديزاير 1200 سي سي اوتوماتيك جنوط 15 اسبور و2 ايرباج وabs وطاره مالتى و 107000
واختها السوفت الهاتش باك عامله 99000
انا بحب الاتراج ولكن متستحملش سفر
فى رينو اسمها ون ستيب رايكم فيها ايه
لو انت عايز هاتش باك صغيرة للمدينة وتنفع معاك وقت السفر لو لوحدك وحمولة متوسطة ... يبقى ما تخرجش برة البيكانتو والسويفت ... والأفضلية للسويفت عشان عوامل الأمان متوفرة فيها وكماليات أفضل ...
... الأتراج مش عارف ليه مش بالعها ... يمكن قصة الثلاثة سلندر دي خنقتني شوية في السوزوكي الألتو ... ويمكن عشان تقفيلها ما عجبنيش من جوة ... ولسة عربية جديدة ما حدش يعرف مشاكلها ... بس الناس اللى جابوها بيقولوا فيها شعر
لو عايز سيدان ... يبقى الصني أفضل حاجة في اللى انت قايلهم دول كلهم ... والأفيو مش وحشة برضه على قد فلوسها لأنها أرخص من الصني بحوالي 15 ألف دلوقتي بس بدون عوامل أمان
الرينو سانديرو فلوس على الفاضي ... موتور قديم والهورس باور بتاعه ضعيف جدا وكمان وزن العربية ثقيل عليه ومانيوال فقط ... لكن تقفيلها اتحسن كتير عن اللى قبلها ... وأوسع من البيكانتو والسويفت
بص شيل الافيو و الفيرنا و اوعه تجيب صني الشكل الجديد ممكن تجيب الشكل القديم
و الرينو سنديرو حلو لاكن ضعيفا علي وزنها و كمان منيوال بس لاكن هيا كتوكيل و تقفيل محترمه جدا ،و الاتراج 1200cc تلاته سلندر و صجها وحش جداا و تقفلها معجبنيش..انا لو مكانك كنت اجيب السويفت او بيكانتو زيرو ، و اخلي المقرنه مبين الصني شكل القديم و السويفت و بيكانتو.
صنى حلوة بس سعرها غلى قوى
أتراج
أنا جبتها ومفيهاش مشكلة فالسحب
واسعة جدااً و إستهلاك البنزين هايل
الأتراج حلوة جدا ما شاء الله .. جربها الأول وشوف سحبها بنفسك .. هتتفاجئ
الافيو و الفرنا و الصني
الافيو احسن عفشه عاليه ومريحه في المطبات شكل جديد علي اد العربيه مش حقولك جامد اوي بس لما تبيع تبقا بردو شكل مختلف عن 2005
الفرنا اقوي ماتور وبياعه جدا جدا
الصني تعتبر فئه البومه لكن اقل طبعا بكتير لكن نفس الفئه
التلاته فاميه وتكييفك حيكون تمام وقطع غيار حتي في اقل شيء زي فلتر البنزين من اي حته ورخيص غير الرينو ممكن تلف علي بنزنتين عشان تغير زيت و ب 50 جديه من 20 مش مشكله طبعا بس يعني بديك فكره علي توافر ورخص قطع الغيار واعاده البيع طبعا صيانتهم التلاته عن اي حد مش لازم تحجز وكيل الناس حفظنهم حته حته
دول الافضل
لو حتغير العربيه بسرعه يبقا الفرنا
لو بعد سنتين الافيو
لو 5 سنين يبقا الصني
رينو ساندرو
انا راي افضل سيارة فى فئة السيارات الصغيرة التى ذكرت هى النيسان صنى الشكل الجديد وذلك بالنسبة لسعرها وامكانياتها وكمالياتها وماركتها اليابانية العالمية خصوصا وقد تم تلافى عيوب الفرامل التى كانت موجودة بها فى اول انتاجها وايضا مرتفعة عن الارض وواسعة من الداخل وموتور وفتيس لا غبار عليهما
صني
اعتقد النيسان صنى افضل لو صلحو عيب الفرامل الى فيها
ممكن حضرتك تفكر بردو فى النيو لوجان والرينو ستيب واى وبلاش سانديرو
وفيه بيجو 301 وسوزوكى سيارز وستروين سى اليزيه
كلهم فى نفسى الفئة السعرية وافضل بكتير من الفيرنا والافيو والسانديرو
الاتراج فى ناس بتشكر فيها بس انا معرفش حاجه عنها
نيسان صنى طبعا
يا جماعة صنى الشكل القديم افضل بكتير من الشكل الجديد
لو عربية للسفر كتير وعربية للعمر انا ارتبلك حسب المزانية 120 الف جنية
1 البيرسونا / الجين 2
2 لوجان / سانديرو
3 اوبترا => الي حد الان لسه جديدة ولم يظهر لها عيوب الي حد الان
هم دول اللي يدفع فيهم فلوس غير كده يبقا حرام
عربيات تعمل 110 حصان وسائل امن تحميك في طريق السفر عفشة تستحمل السفر و كل الاعمال الشاقة
عربية من دول تقعد معاك من 10 الي 20 سنة وانت تستخدمها وتحس بالقوة و الاداء و الامن
سانديرو طبعاً وهقولك السبب..
1- المفروض ان الصني تكون هي الأفضل ولكن على حد علمي ان الصني الجديدة زبااااااااااااااااالة وعاملة مشاكل كتيييييييييييييييير (عاملين جروب كبير عالفيسبوك بيشتكوا منها) وكمان بصفة عامة معروف من زمان انها بلاعة بنزين.. بتاكل بنزين كتييييييييير (بيقولوا عشان موتورها 2 كامة)
2- الافيو عربية زبااااااااااااالة.. شكل حلو وبس.. إبعد عنها خااااااااااااااااالص.. دي حتى مفيهاش إزاز كهرباء ورا وموتورها تكنولوجيا قديمة و 8 صباب وعفشتها ناشفة.. يعني منظر بس
3- الفيرنا عربية ممتاااااااااااااااااااااز ة بصراحة ومعايا من 2010 .. عيبها الأساسي هو شكلها القديم (تصميمها الخارجي يعني) مش شبه العربيات الجديدة (ولو ده مش هيفرق معاك ممكن تجيبها وهتبقى وفرت فلوس كتير)... عيبها التاني يعتبر ميزة وهو قوة الموتور (وده هينفعك جداً في بلدنا دي لأنك كل شوية بتقف وتمشي تقف وتمشي تقف وتمشي بسبب الزحمة.. هتلاقي كل الناس لسه بتتحرك بعربياتهم وانت سبقت الكل واتحركت).. وفي مطالع الكباري حتى لو معاك 5 افراد وزن تقيل ومشغل التكييف هتلاقيها بتطلع معاك عادي الحمد لله!!!! ... العيب الاخير هو ان كمالياتها متعتبرش بمستوى الرفاهية المتاح في عربيات أخرى (بس ده طبيعي لأن سعرها قليل بالمقارنة بغيرها).. يعني الفول اوبشن بتاعتها فيها مسند يد وامكانية طي الكنبة الخلفية وفانوس استوب ودركسيون يمكن تعديل وضعه و..و.. حاجات عادية يعني مش واو اوي)
4- الاتراج.. 1200 سي سي موتور ضعيف و3 سلندر.. وحتى السوزوكي سويفت اختها برضو موتورها ضعيف.. ولو طالع مطلع ومعاك وزن تقيل والتكييف شغال العربية تنزل بيك تني وتلزق في اللي وراك !!!!!!!!!!!!!!!
5- السانديرو .. مواصفاتها كويسة جداً ..واللي جابوها عجباهم جداً.. بس لسه جديدة برضو.. بس الرينو عادة ماركة كويسة (اوروبي).. بس التوكيل كان مش كويس بس بدأ يتحسن مؤخراً على ما سمعت..
جين تو وبيرسونا أفضل