الموضوع: ليه ماتشتريش اى حاجة من شيفروليه -اوبل او توكيل المنصور

المشاركة الأصلية كتبت بواسطة ddo

اتكلم بس فى نوع العربية اللى انت راكبها اما بقية الانواع مافيهاش مشاكل وخصوصا الكروز من موديل 2012 حتى الان اما قبل كده كان فعلا فى مشاكل فى بعض العربيات مش فى كله وحدد كلامك وملكش دعوة ان المنصور بيدفع كويس او لا خليك فى اللى انت فيه وايه بقى مش عايز تتكلم اكثر من كده لا اتكلم وعلى فكرة بقى اى نوع من العربيات وحتى لو مرسيدس او بى ام حتلاقى برضه عيوب صناعة برضه اى حاجة فى الدنيا بتتصنع بيبقى فيه نسب من العيوب وقبل ما تتكلم عن توكيل بعينه قارن بين جميع التوكيلات وتبقى تعالى بعد كده تتكلم

معلش يا فندم خلى منصور وشيفرولية وGM كلها على جنب بكل شركاتها وBMW حتى في عيوب الصناعة على جنب تاني تعالا اقولك ليه ؟؟؟؟

يا فندم لو تلاحظ في عربية BMW زيرو هتلاقي على الزجاج الامامي استيكر مكتوب عليه OK وعليه علامة BMW وهتلاقي في واحد ماضي واسمه الماني وواحد مصري تاني تحتيها

العربية يا فندم بتتجرب مرتين مره في المانية ودي بيكون راجع على كل القطع الصغيره في العربية وتحت مسؤليته

والمصري ده بيكون جربها هنا في مصر قبل ما يعرضها للبيع ولما تاخد استيكر BMW OK يبقى كده عربيتك لو فيها الهوا هتتغير في الضمان وتاخد تعويض مناسب !!!!!!!! ده مش من BMW مصر لأ ده من BMW المانيا !!!!!!!!!!

الناس دي بتحافظ على العملاء بتاعتها بجد وبتخاف عليهم وعندها سياسة حازمة جداً في توكيلاتها وعمرنا ما سمعنا عن توكيل BMW او Mercedes بأنه سرق او عمل مشاكل مع عميل في الضمان او غيره عارف ليه ؟؟؟؟ لأن وراها شركة كبيرة ومعاهم عربية TOP بيسوقولها او هي بتسوق نفسها لوحدها !!!!!

المشاركة الأصلية كتبت بواسطة 2CODE

معلش يا فندم خلى منصور وشيفرولية وGM كلها على جنب بكل شركاتها وBMW حتى في عيوب الصناعة على جنب تاني تعالا اقولك ليه ؟؟؟؟

يا فندم لو تلاحظ في عربية BMW زيرو هتلاقي على الزجاج الامامي استيكر مكتوب عليه OK وعليه علامة BMW وهتلاقي في واحد ماضي واسمه الماني وواحد مصري تاني تحتيها

العربية يا فندم بتتجرب مرتين مره في المانية ودي بيكون راجع على كل القطع الصغيره في العربية وتحت مسؤليته

والمصري ده بيكون جربها هنا في مصر قبل ما يعرضها للبيع ولما تاخد استيكر BMW OK يبقى كده عربيتك لو فيها الهوا هتتغير في الضمان وتاخد تعويض مناسب !!!!!!!! ده مش من BMW مصر لأ ده من BMW المانيا !!!!!!!!!!

الناس دي بتحافظ على العملاء بتاعتها بجد وبتخاف عليهم وعندها سياسة حازمة جداً في توكيلاتها وعمرنا ما سمعنا عن توكيل BMW او Mercedes بأنه سرق او عمل مشاكل مع عميل في الضمان او غيره عارف ليه ؟؟؟؟ لأن وراها شركة كبيرة ومعاهم عربية TOP بيسوقولها او هي بتسوق نفسها لوحدها !!!!!

كلام حضرتك مضبوط وفى المنصور برضه بتبقى العربية متشيك عليها وبيقى مكتوب على الازاز ok وده بتبقى متجربة من بره قبل ماتيجى مصر ده بالنسبة للسيارات المستوردة وبتبقى مكتوب كلمة pdi يعنى تم التشييك عليها فى المنصور لكن طبعا التجربة بتبقى محدودة فى الاثنين بما يقارب 7 كيلو لو فيه عيب صناعة ممكن مايظهرش الا بعد التجربة بفترة

المشاركة الأصلية كتبت بواسطة عماد الدين عزت

انا مع حضرتك تماما اى عربية يمكن ان يوجد بها عيب صناعة وعلى الوكيل ان يتحمل مسئوليته فى تغيير السيارة فورا وليس ذنب المشترى الذى دفع شقى عمره فى السيارة ان يجدها معيوبة وهو لايستطيع شيئا امام مبررات الوكيل من انه تم اصلاح العيب مرة بعد مرة والمشترى يضيع وقته فى سحب السيارة للتوكيل وانتظار اصلاح السيارة لساعت طوال اوتركها بالتوكيل لايام ومايصاحب ذلك من تحمله لنفقات مالية باهظة دون ذنب وحسرته على سيارته الجديدة وما اصابها كما من الممكن ان يؤدى هذا العيب الى تعرض السيارة لحادث نتيجة لهذا العيب واصابة مستخدميها وتعريض الاخرين للخطر فى المقابل يقوم الوكيل بعمل حملات اعلانية ضخمة تليفزيونية و صحفية تكلفه الملايين سنويا فلماذا لا يخصص جزء منها لتعويض عملائه عن هذه السيارات المعيوبة وبذلك يكتسب مصداقية امام عملائه الذين سينقلونها بدورهم الى المجتمع لا يستطيع الوكيل تحقيقها حتى لوصرف مئات الملايين من الجنيهات وعجبى

المقصود من محصلة الكلام ده اللى عايز اوصله لحضرتك ان بتبقى عربية سمعتها كويسة ولا يوجد بيها عيوب ولكن ممكن حظ مستهلك مش كويس ياخد عربية طلع فيها عيب او مشكلة فده بتبقى مشكلة فردية مش شرط تبقى فى كل العربيات من نفس النوعية فمن حق العميل انه يرجع للتوكيل ده اللى اقصده من الكلام

مع احترامى اول مرة اشوف مندوب عن توكيل عربية يرد يقول لعميل اصل حظك كدة ان العربية فيها عيب مصنع..........طب لما حضرتك عارف ان فيها عيب مصنع مبتغيرهاش ليه ؟؟؟ مبتراجعش على عربياتك ليه؟؟؟ من ايام الاوبل فيكترا 97 والتوكيل بتاع منصور وفاشل وبيتعمد يستفز العميل عشان يضيع عليه حقه....ولما حضرتك تسلمنى عربية معيوبة مصنعيا وتيجى تقولى اصل حظك كدة ومينفعش تتغير عشان عدى عليها 15 يوم ده اسمه فشل ونصب وسرقة من حضرتك......ده غير طبعا الاسعار الخرافية للعربية مقارنة بالكماليات اللى مش موجودة اصلا مقارنة بنفس العربية فى دول تانية

انا ابن خالى شارى عربيه اوبل من منصور وبيصلحها فى توكيل مرسيدس لان المعامله كويسه جدا

الى كابتن اهلاوى...........................سيبك من ddo .................دا بيشتغل ويقبض من المنصور............ال بيقولك حظك قال .....................والنبى الواحد يرد يقوله ايه دا وهو صايم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

المشاركة الأصلية كتبت بواسطة midopharmacy

الى كابتن اهلاوى...........................سيبك من ddo .................دا بيشتغل ويقبض من المنصور............ال بيقولك حظك قال .....................والنبى الواحد يرد يقوله ايه دا وهو صايم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لا افطر وتعالى علشان ارد عليك ولما انت مش عاجبك العربية ماروحتش بيها ليه للتوكيل ولا انت كنت برضه صايم