المشاركة الأصلية كتبت بواسطة corolladestroyer
طيب الواحد يعلق بقه.....
موضوع شائك وصعب وكثرت فيه الاقاويل...
احب ابدأ بابداء احترامي للاخ انسبايرون اللي ليه مجهودات وابحاث وافادات ممتازه للمنتدى وبالذات في اقسام فولكس وسكودا...
استاذ انسبايرون بيعشق مش بيحب بس وعندو انتماء خالص ل حاجه اسمها سكودا وبالتالي بيحصل نوعا ما تحيز...
.....مراية الحب عمياء....
قبل ما اتكلم عن الفرق بين المالتي والتورشن احب اذكر ان الشاسيه القديم للاوكتافيا والجيتا والجولف والليون و ال A3 PQ36
مكنش عليه غير عفشه مالتي لينك فقط و وال 5 عربيات كانو اساطير في الثبات وانا سقت منهم عربيتين الاوكتافيا والجولف 6 وكانو حاجه قمه في الجمال...
نزل بقه بعد كده ال MQB وهنا بقه تعددت المناهج وال ESP بقه Standard و كل عربيه مشيت على نهج معين الليون والاوكتافيا فوق ال 150 حصان مالتي والباقي تورشن الجولف فوق ال122 حصان مالتي والباقي تورشن والاودي لم تتنازل عن المالتي لينك في كله....
ف عشان كده انا هقارن العفشه المالتي بالتورشن في الشاسيه ال MQB الجولف 7 والسيات ليون الجديده....دول اللي سقتهم..
الاتين ممتازين كثبات وافضل من عربيات كتير جداا الفرق الواضح والبين بين الاتنين بيبان في الحجات ال aggressive اوي الجولف مش بتميل وضهرها بيفضل مظبوط ومفيهاش خالص موضوع التعويم ده الليون بتفضل تميل شويه مع نطه وتعويمه من وره بس مش بتفلت ولا بتنحرف ومش هتخذلك...
وعامة ال riding في المالتي لينك كسواقه عاديه احسن كمان من حيث عدم الاحساس بال bumps الخفيفه و في الطرق اللي الاسفلت فيها معوم ومحفر يمين وشمال برضو بيبان فرق بين الاتنين ولو في هوا قوي بيضرب في العربيه زي على الطرق المفتوحه بيكون في فرق ملحوظ من الاخر المالتي لينك riding quality افضل غير الثبات كمان....