تجربة استخراج رخصة قيادة أول مرة من مرور الأميرية

**fawaz2077** · 02-10-2014 12:20 PM

باركولى نجحت اشارات وطلعت الرخصه كمان العربيه البيجو سواقتها جميله جدا وتحفه بس ياريت ترحوا يوم سبت او خميس عشان تنجحوا فى الاشارات والسواقه

**Abdulrahman M** · 05-10-2014 03:16 AM

10000 مبروك لحضرتك
بس ممكن تقولي التكلفة الكلية كام عشان أعمل حسابي + مواعيد المرور والأيام ؟

وشكراً مقدماً

**ahmedarab** · 13-10-2014 02:31 PM

المشاركة الأصلية كتبت بواسطة fawaz2077

باركولى نجحت اشارات وطلعت الرخصه كمان العربيه البيجو سواقتها جميله جدا وتحفه بس ياريت ترحوا يوم سبت او خميس عشان تنجحوا فى الاشارات والسواقه

الف مبروك على الرخصة وعقبالي .... بس اشمعنى يوم الخميس او السبت ؟؟؟ وهل فية اى اختلاف او جديد في النظام فى الاميرية ؟؟

**Samer Makled** · 04-11-2014 11:35 PM

المشاركة الأصلية كتبت بواسطة omnia23

بجد ربنا يكرمك انا برضه روحت مرور الاميريه عشان امتحن و قبل ماروح كنت عارفه الخطوات كلها من الموضوع بتاعك هيه زي ما وصفت بالظبط بس الفرق ان انا خلصت كل حاجه في يومين عشان اول مره روحت ١٠ و تاني مره روحت ٨.٣٠ امتحان الاشارات كان سهل بس للأسف مانجحتش في السواقه وقعت قمع و قالي تعالي بعد شهر ادعولي بقي ربنا يكرمتي و انجح المره الجايه انا صورت الظابط و هو بيورينا الامتحان بيتعدي ازاي و هحاول ارفع الفديو ان شاء الله

أخت امنيه
في انتظار الفيديو لو امكن
شكرا جزيلا

**Samer Makled** · 04-11-2014 11:37 PM

المشاركة الأصلية كتبت بواسطة ahmedarab

الف مبروك على الرخصة وعقبالي .... بس اشمعنى يوم الخميس او السبت ؟؟؟ وهل فية اى اختلاف او جديد في النظام فى الاميرية ؟؟

+1

**Samer Makled** · 04-11-2014 11:43 PM

في اي حد من اللي اختبرو رجع التراك بظهرو؟
ولا بتلف لفه كاملة وترجه تاني وخلاص؟

**Ahmed Metwally** · 08-11-2014 07:52 PM

المشاركة الأصلية كتبت بواسطة samer makled

في اي حد من اللي اختبرو رجع التراك بظهرو؟
ولا بتلف لفه كاملة وترجه تاني وخلاص؟

مافيش رجوع بالظهر
خى لفة واحدة فى اتجاه واحد

**Samer Makled** · 09-11-2014 01:12 AM

المشاركة الأصلية كتبت بواسطة ahmed metwally

مافيش رجوع بالظهر
خى لفة واحدة فى اتجاه واحد

طب ايه الصعب فيها؟ الأمع اللي تحت كان مزنوق مثلا ؟

و انا من عين شمس , فكل الرخص الخاصة بأت تبع الأميرية (عين شمس شرقيه وغربيه؟ مساكن عين شمس والزهراء .... الخ؟)
سؤال أخير , في مدرسه تعليم تبع مرور الأميرية؟
شاكر سعة صدرك

**mohannad_egy** · 13-11-2014 07:31 PM

انا بردو رحت يوم سبت عشان اطلع الرخصة الحمد لله نجحت في اختبار الاشارات لكن دوست على حرف القمع من غير ما اوقعه والظابط قالي انزل وتعالا بعد شهر ...المشكلة ان العربية سريعة نوعا ما عشان كده كنت ماشي بالدبرياج بس لحد ما وصلت نقطة فيها قمع على شمالي وعلى اليمين كاوتش مفرود جنب الرصيف عشان يضيق الحارة دي شوية وفيها دوران للشمال ...فلازم تتعدى سنة سنة بنزين لكن قدر الله وماشاء فعل ..كنت اتمنى الاقي حد مصور اختبار القيادة ده فيديو عشان الكل يستفيد وياريت اللي يروح يمتحن وهو واقف مستني دوره كده يصور الامتحان ويرفعه على المنتدى للافادة.

**Samer Makled** · 14-11-2014 09:40 PM

المشاركة الأصلية كتبت بواسطة mohannad_egy

انا بردو رحت يوم سبت عشان اطلع الرخصة الحمد لله نجحت في اختبار الاشارات لكن دوست على حرف القمع من غير ما اوقعه والظابط قالي انزل وتعالا بعد شهر ...المشكلة ان العربية سريعة نوعا ما عشان كده كنت ماشي بالدبرياج بس لحد ما وصلت نقطة فيها قمع على شمالي وعلى اليمين كاوتش مفرود جنب الرصيف عشان يضيق الحارة دي شوية وفيها دوران للشمال ...فلازم تتعدى سنة سنة بنزين لكن قدر الله وماشاء فعل ..كنت اتمنى الاقي حد مصور اختبار القيادة ده فيديو عشان الكل يستفيد وياريت اللي يروح يمتحن وهو واقف مستني دوره كده يصور الامتحان ويرفعه على المنتدى للافادة.

طب انهي قمع علي الرسمة اللي في اول صفحة اللي عملين فيه الحركه دي؟
اللي تحت خالص ده؟