الموضوع: تجربة استخراج رخصة قيادة أول مرة من مرور الأميرية

انا ان شاء الله ناوى اروح اول الشهر ...
لسه الامتحان زى ما هو ولا فى تغيير

المشاركة الأصلية كتبت بواسطة engahmedrahman

انا ان شاء الله ناوى اروح اول الشهر ...
لسه الامتحان زى ما هو ولا فى تغيير

الأمتحان زى ما هو ماتغيرش ... انا عملت زى الراجل ده http://www.facebook.com/l.php?u=http...ml&h=7AQEmBkX8 بس طلعت عاى حتة الكاوتش بدل القمع و بما انى ماشى براحه بالدبرياج بس العربيه مقدرتش تطلع الحتة دى من غير بنزين ... اول ما العربية وقفت الظابط قاللى انزل و تعالى بعد شهر

تمام يا ريس و خيرها فى غيرها ان شاء الله
طيب امتحان الاشارات ايه نظامه و اذاكر الاشارات دى منين..

المشاركة الأصلية كتبت بواسطة trado

الأمتحان زى ما هو ماتغيرش ... انا عملت زى الراجل ده http://www.facebook.com/l.php?u=http...ml&h=7aqembkx8 بس طلعت عاى حتة الكاوتش بدل القمع و بما انى ماشى براحه بالدبرياج بس العربيه مقدرتش تطلع الحتة دى من غير بنزين ... اول ما العربية وقفت الظابط قاللى انزل و تعالى بعد شهر

طب يعني هو المكان ديق جدا ؟ فلازم يتطلع علي الكاوتش يا تلمس القمع؟
ولا ممكن كانت تيجي معاك مع التدريب؟ والمسافه اد ايه من الجمبين لو سنترت العربيه بين القمع والكاوتش؟

طب مش ممكن تعملّنا اي رسم كروكي للقمع الغلس ده ؟

المشاركة الأصلية كتبت بواسطة Samer Makled

طب يعني هو المكان ديق جدا ؟ فلازم يتطلع علي الكاوتش يا تلمس القمع؟
ولا ممكن كانت تيجي معاك مع التدريب؟ والمسافه اد ايه من الجمبين لو سنترت العربيه بين القمع والكاوتش؟

طب مش ممكن تعملّنا اي رسم كروكي للقمع الغلس ده ؟

لأ هى ممكن تتسنتر عادى بس صعبة .. و كان معظم الناس بيدوسوا ع طرف القمع بس مبيقعش فبيطنشوا يعنى ... كمان القمع بيبقى ورا العربية بالنسبة للظابط فمبيشفهوش ... الأسود اللى ع الجنب ده حتة الكاوتش و الأحمر مكتب الظابط ... المهم بقى فى واحد راح بعدى بيقوللى دفع 10 للعسكرى اللى قاعد فى العربية قال له الغى دماغك خالص و اعمل اللى بقولك عليه و جه عند الحته دى و قال له ادى بنزين لحد ما تعديها .

بالنسبة للإشارات بتشترى ورقة من هناك ب 3 جنية فيها شوية اشارات و مكتوب تحتها هى ايه ... بتروح للظابط عنده لوحة زى اللى انت شاريها بس من غير كلام .. يسألك فى 3 4 منهم وخلاص

المشاركة الأصلية كتبت بواسطة trado

لأ هى ممكن تتسنتر عادى بس صعبة .. و كان معظم الناس بيدوسوا ع طرف القمع بس مبيقعش فبيطنشوا يعنى ... كمان القمع بيبقى ورا العربية بالنسبة للظابط فمبيشفهوش ... الأسود اللى ع الجنب ده حتة الكاوتش و الأحمر مكتب الظابط ... المهم بقى فى واحد راح بعدى بيقوللى دفع 10 للعسكرى اللى قاعد فى العربية قال له الغى دماغك خالص و اعمل اللى بقولك عليه و جه عند الحته دى و قال له ادى بنزين لحد ما تعديها .

شكرا ليك يا باشا علي الشرح , واعتقد اني اللون الأخضر ده هو خط سير العربيه ؟صح؟

المشاركة الأصلية كتبت بواسطة trado

بالنسبة للإشارات بتشترى ورقة من هناك ب 3 جنية فيها شوية اشارات و مكتوب تحتها هى ايه ... بتروح للظابط عنده لوحة زى اللى انت شاريها بس من غير كلام .. يسألك فى 3 4 منهم وخلاص

طب تمام , يعني مش كل الأشارات بنمتحن فيها, عدد معين بس ,صح؟
حاجه أخيره , ياريت تأكدلي بعد إذنك علي الأوراق المطلوبه , وبيخدو اصل شهادة المؤهل , ولا بيصوروها بس؟
والكشف الطبي برضو لسه بيعملوه هناك؟ وكشف النظر , بيشدو عليه جامد , ولا عادي؟

ومتأسغ علي كتر الأسئلة

المشاركة الأصلية كتبت بواسطة samer makled

شكرا ليك يا باشا علي الشرح , واعتقد اني اللون الأخضر ده هو خط سير العربيه ؟صح؟


طب تمام , يعني مش كل الأشارات بنمتحن فيها, عدد معين بس ,صح؟
حاجه أخيره , ياريت تأكدلي بعد إذنك علي الأوراق المطلوبه , وبيخدو اصل شهادة المؤهل , ولا بيصوروها بس؟
والكشف الطبي برضو لسه بيعملوه هناك؟ وكشف النظر , بيشدو عليه جامد , ولا عادي؟

ومتأسغ علي كتر الأسئلة

الأخضر خط السير اه ... 4-5 اشارات بس و لو غلطت فى واحدة حتى بيعدى يعنى .... انا لحد الإختبار محتاجتش شهادة المؤهل اصلا... هتحتاج 4 صور شخصية و صورة بطاقة .. باقى الورق من هناك .... الكشف هناك فى القسم و الموضوع عادى يعنى كشف نظر زى اللى عند الدكتور و لو بتلبس نظارة بتكشف بيها عادى