حمايه المستهلك "في الصين" تلزم توكيل فولكس بإصلاح فتيسdsg ومد مده ضمانه لعشر سنوات

**snakeson2** · 14-06-2014 10:50 AM

بعد ظهور العديد من مشكلات ناقل الحركه الأوتوماتيكي dsg في الصين ومماطله التوكيل وعدم اعترافه بالمشكلة في البدايه ، تقدم آلاف مالكي السيارات التي بها أعطال ناجمه عن ناقل الحركه بشكوي جماعيه ، وبعد التحقق من الامر ألزمت الشركه باستدعاء وصيانة السيارات علي نفقتها ومد فتره الضمان لمده عشر سنوات علي ناقل الحركه ...

عاش ياصين
وسلملي عالغلابه المصريين الي مكسوفين .. لأنهم ببساطه جايبين عربيه غاليه وايه المشكله لما يصلحها بعشرين ثلاتين الف وبعد كده يبيعها لواحد يرازيه بيها ويكرهوا حياتوا ...

**rotanamasoud** · 14-06-2014 11:25 AM

بقى الصين فيها حمايه مستهلك سبحان الله

**ahmad--ezzat** · 14-06-2014 12:16 PM

هو ده الشعب المصري...يموت في الاخذ علي دماغه...ويبقي فرحان...وده تحت بند الفخر والتفاخر انه صلح عربيته الغاليه بالوف مؤلفه

**A.Roushdy** · 14-06-2014 01:23 PM

الdsg دة فتيس عبقرى بمعنى الكلمة
ويكاد يكون من اسرع انواع الجير بوكس على مستوى العالم
لكن للاسف الحلو ميكملش، الفتيس عطله الوحيد ومشكلته انه مينفعش فى الزحمة لانه دة على حسب ما فهمت بيعمل تأكل فى الاتنين دربياج الموجودين فيه بسبب ال7 نقلات بتوعه وسرعه نقله ما بينهم، وبلدنا مصر ام الزحمة، ففتيس زى دة مينفعناش ببصله
والحل انك تحول العربية مانيوال طول منتا في زجمة وترجعها واتوماتيك لو الطريق ادامك سالك
واكيد انا مش هجيب عربية ب250 الف علشان اعد احول بين المانيوال والاوتوماتيك
وعشان كدة سكودا نزلت مصر اوكتافيا اية 7 1600 بنفس فتيس الفانتازيا القديم، لما لقت الاقبال ضعيف على 1400 تيربو 140 حصان بالفتيس dsg

**snakeson2** · 14-06-2014 07:31 PM

الفكره مش بس تغيير المهم الضمان لمده عشر سنوات ...
كل حزني علي الناس الي بتلبس غيرها العربيه بعدم ظهور المشكله .. وهوا باشا مش فارق معاه ، ارمي وهات غيروا

**Sherif Mandoor** · 22-06-2014 10:42 PM

ايه الفابده لما الفتبس الاوتو للزحمه واشغله مانوال

**K_E** · 22-06-2014 11:18 PM

للأسف اغلب المصريين لما يشتروا حاجه ويلاقوا فيها مشكلة كبيره اول حاجه بتيجي فبالهم انهم يبيعوها ويلبسوها لواحد تاني
ولما يسأله يقوله العربيه عروسة انا بس هبيعها علشان مهاجر كندا :d