اللى اعرفه انه ماينفعش تركيب الزينون اللى نازل اصلى فى عربيه لعربيه نازل فيها هالوجين علشان الزينون الأصلى بيكون من طراز D وغالبا بيكون D1s , D2s ,وهكذا والهالوجين بيكون من طراز ال H وغالبا عندك هيكون H7 كده قاعده اللمبات هتكون مختلفه وبالتالى اللمبات مش هتكون راكبه بالشكل السليم فى الفانوس علشان كده الاضاءه مش هتعجبك....
الحل انك تركب زينون نفس مقاس لمبات عربيتك وده معدلى السيارات بيسموه After marketوبالنسبه للون الزينون OEM او الاصلى غالبا بيكون 4000 الى 4300 كيلفن وبعض العربيات بتكون 5000 كيلفن بس قليل .... فحضرتك لما تيجى تشترى هتجيب 4300 كيلفن علشان تبقى الاضاءه صفراء مايله على تلجى زى الأصلى ..... لان كل الكلفن مايعلى الاضائه هتميل للازرق ... ( معظم الزينون اللى انت بتشوفه فى الشوارع العربيات مركباه غير الاصلى بيكون 8000 علشان كده بيكون ازرق )
بالنسبه للانواع اللى اعرفه ان 95 % من اللى موجود فى مصر صينى وانا ما احبوش ..... هتلاقى اوسرام وفيليبس بس سعرهم اغلى غالبا فوق ال 1200 ج ولو هتجيبهم هيبقى من التوكيل بتاعهم او من موزع معتمد وغالبا هو محل المدينه فى شارع دمشق .... بس المشكله انا اتصلت بيهم من فتره علشان اجيب طقم H7 4300k لقيت كل اللى عنهم 6000ك وال4300 بيجى بالطلب علشان السحب عليه قليل واللى فهمته منهم ان الأاوسرام من نوع ال CANBUS يعتى متكود و ما بيحتاجش اى قص او تعديل فى العربيه Plug and play ,,,, انا كنت هاجيبه بس بصراحه انا ناوى ابيع عربيتى قريب لما اجيب العربيه الجديده ان شاء اركبه فيها
بس فى ملحوظه بعد ده كله هيديك نفس قوه الزينون الأصلى بصراحه مش عارف .... انا معايا عربيتين واحده نازل فيها زينون اصلى من نوع هيلا طبعا حاجه ماشاء الله عليه نور محترم جدااااا .... والتانيه هالوجين غيرت ليها الفوانيس الأماميه بفوانيس عدسات علشان اركب فيها زينون وجبت زينون 4300 بس صينى بيدى شكل كويس على العربيه حوالى 90 % من شكل الزينون الأصلى والأضائه معقوله حوالى 80 % من الزينون الأصلى بس برضه مش زيه يمكن علشان الفوانيس اللى انا غيرتها تايوانى بالتالى العدسات بتاعتها هتكون غير الاصلى اللى نازل فى العربيه .... احتمال كبير وممكن يكون اكيد
المهم انا طولت عليك وحيرتك بس المهم اكون جاوبت على سؤالك
المفضلات